3 Juan 1:4 - Bible in Tzeltal de Oxchuc y Tenejapa

⁴ Ma'yuc yan te bila ya xbujts'naj co'tan ta lec yu'une, ja' nax te c'alal ya caiy stojol te jun yo'tanic ta spasel te bi ya yal te smelelil c'op te mach'atic cal-jnich'nabe.

Nuevo Testamento Tzeltal de Amatenango

⁴ Maꞌyuk yan te tut ben jun koꞌtan yuꞌune, jich tutꞌil te ya kaꞌiy te jich aylan tutꞌil ya yal te tut batsꞌi jiche te kuntikile.

Bible in Tzeltal Bachajón

⁴ Mayuc yan te c'ax hich stse'elil co'tan yu'un a te ya ca'iy te st'unojic te smelelil c'op te cal-jnich'nabe.

3 Juan 1:4 Referans Kwoze

Gálatas 4:19

Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

2 Timoteo 1:2

Ya jts'ibubat in carta to, Timoteo, ja'at jnich'anat te c'uxat ta co'tane. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat soc lamaluc me q'uinal ya awaiy yu'unic spisil ora.

1 Timoteo 1:2

Ya jpatbat awo'tan, Timoteo, ja'at te mero jnich'anat ta swenta xch'uunjel co'tantic. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat, soc lamaluc me q'uinal ya awaiy yu'un spisil ora.

Proverbios 23:24

Bin nax me yo'tan awu'un te atate, soc buen lec me q'uinal ya yaiy awu'un teme ay ap'ijile, ja'at te lequil alnich'anate.

2 Reyes 20:3

—Cajwal, jo'on ya calbat wocol, te yacuc ana' te bit'il jun co'tan la cac' jba ta abatinel awu'une, soc spisil co'tan la jpasbat te bi la sc'an awo'tane —xi'. Och ta buen oq'uel.

1 Reyes 3:6

La sjac' te Salomón: —Ja'at bayal la ac'uxtay te anima jtate, ja' te awabat David, ta swenta te bi yilel been ta atojole, ja' te jun yo'tan ain ta atojol soc te la spas te bila toj ta pasele, soc te toj yo'tan la yac' sba ta atojole. Ja' yu'un bayal la ac'uxtay, soc la sc'an awo'tan te jtul snich'an la awac' najc'ajuc ta smuc'ul nactijibe, jich te bit'il c'otix ta pasele.

1 Reyes 2:4

Soc swenta yu'un jich me ya yac' c'otuc ta pasel a te Cajwaltic te bila yalojbone, te jich la yalbon: “Teme toj yo'tan ya yac' sbaic ta jtojol, soc teme toj ya x'ainic ta jtojol ta melel ta spisil yo'tanic soc ta spisil xch'ulelic te anich'nabe, ma me ayuc bi ora te ma ja'uc ya xmo ta muc'ul nactijibal yu'un Israel te ats'umbale”, xi' te Cajwaltique.

Gálatas 2:14

Ja'uc me to, te c'alal la quil te ma tojuc ya spasic te bi ya yal ta melel te lec yach'il c'ope, jich la calbey ta comonsitil te Pedroe: “Judio-winicat te ja'ate, ja'uc me to, ja' ya apasix te costumbre yu'un te jyanlumetique. ¿Bistuc ya ac'an asuj ta spasel te costumbre cu'untic te mach'atic jyanlumetique?”, xoon ta yalel.

Filemón 1:10

ya calbat wocol yu'un te Onésimo, te jnich'an ta stojol Dios, te joinej li'to ta banti ayon ta chuquele.

Isaías 8:18

Te jo'one soc te jnich'nabe te la yac'bon te Cajwale, ja' jchajp señail ta stojol Israel, te la yac' te Cajwaltic te Spisil ya xju' yu'un te tey nainem ta wits Sión.

Isaías 38:3

—Ya calbat wocol, Cajwal, na'a me te bit'il toj co'tan la cac' jba ta abatinel, soc mero jun co'tan la jpas te bila lec awo'tan yu'une —xi'. Oc' ta c'axem to xan.

2 Corintios 6:13

Jich ya jc'oponex te bit'il cal-jnich'nabe. Ya calbeyex bayal wocol te yacuc c'uxbajucon ta awo'tanique, jich te bit'il c'uxex ta co'tane.

1 Tesalonicenses 2:11

Soc ana'ojic stojol te lec nax la jtac'uyex soc la jmuc'tesbeyex awo'tanic juju-jtulex, jich bit'il ya stac'uy snich'nab te jtul winique.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

2 Juan 1:4

Bayal bujts'naj co'tan yu'un te awalatac, yu'un la quil te yacalic ta spasel te bi ya yal te smelelil c'ope, jich bit'il spasojotic ta mandal te Jtatic Diose.