3 Juan 1:2 - Bible in Tzeltal de Oxchuc y Tenejapa

² Te ja'at te c'uxat ta co'tane, ja' ya jc'an te lec ayat soc spisil te bila ya apase, soc te bujts'an q'uinal ya awaiy ta spisil orae, jich te bit'il lec ayat ta stojol te Diose.

Nuevo Testamento Tzeltal de Amatenango

² Hermano te ben kꞌuxat ta koꞌtane, ya jkꞌanbe te Diose te lek ayat sok spisil te tut ya apase, sok te lekuk ayat sok te atꞌbalule, y sok te lek ayat ta stojol Dios.

Bible in Tzeltal Bachajón

² Hermano te c'uxat ta co'tan, co'tanuc te lec ya xc'oht spisil bintic yac apas soc te lecuc ayat, hich te bin ut'il lec ay te ach'uhlele.

3 Juan 1:2 Referans Kwoze

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

1 Pedro 4:8

Ja' tulan sc'oplal stuquel te ma p'isbiluc nax c'ux ya awaiy abaic ta awo'tanic, melel te c'uxul-o'tanile, ya xch'ay bayal ta jten mulil yu'un.

2 Tesalonicenses 1:3

Quermanotac, spisil ora ya calbey wocol Dios ta awentaic yu'un te bit'il yac ta esmajel xch'uunjel awo'tanic, soc te bit'il talel c'axel c'ux ya awaiy abaic juju-jtulex soc te yantique.

Filipenses 2:4

Ma me ayuc jtuluquex te atuquel nax ya ale te awutsilale; ya me sc'an ya alebeyic yutsilalic uuc te yantique.

Apocalipsis 2:9

Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.

Santiago 5:12

Ja'uc me to, quermanotac, ay bayal sc'oplal in to: Ma me xawaq'uic ta testigo te ch'ulchane ni te balumilale, soc ma me ayuc yan te bila ya awaq'uic ta testigoe. Te c'alal ya xc'opojexe: “Yac”, xaex me teme jiche, “Ju'uc”, xaex me teme ma jichuque, swenta yu'un jich ma xyaq'uex ta castigo te Diose.

Filipenses 2:27

Melel nix a te tsacot ta chamele soc jc'axel c'an lajuc, ja'uc me to, Dios la yich' c'uxtayel yu'un. Ma ja'uc nax stuquel te la yich' c'uxtayele. Jo'on la quich' c'uxtayel uuc, swenta yu'un ma me ayuc bi yan xan te ya jmel co'tan yu'une.

2 Tesalonicenses 2:13

Jich yu'un, quermanotac, ya sc'an ya calbeytic wocol Dios ta awentaic, te c'uxex ta yo'tan te Cajwaltique, te bit'il xjajch'ibal to stsaojex Dios yu'un te ya xcolexe. Ja' ta swenta te Espíritu te ya xch'ultesbeyex awo'tanique, soc ja' ta swenta te ay xch'uunjel awo'tanic yu'un te smelelil c'ope.

San Mateo 9:12

Te c'alal la yaiy stojol te Jesuse, jich la yal: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele.

3 Juan 1:1

Jo'on, te ancianoone, ya jpatbat awo'tan, ja'at quermano Gayo, te c'uxat ta co'tan ta melele.