3 Juan 1:10 - Bible in Tzeltal de Oxchuc y Tenejapa

¹⁰ Jich yu'un teme talone, ya me calbey ta jamal te bila amen ya spase. Yu'un ma tic'uc ya yaiy a te ya slotbon jc'oplal, melel ma sc'an yic' ta stojol te quermanotactic te ya xtalic ta q'uejele. Soc teme ay te jch'uunjeletic te toyol yo'tanic ya xnajc'anwanique, ya yich'ic comel ta ora yu'un soc ya xtenotic loq'uel ta xch'uunel Dios yu'un.

Nuevo Testamento Tzeltal de Amatenango

¹⁰ Jaꞌ yuꞌun te kꞌalal ya xtalone, ya me kalbe ta jamal te tut ma tsaꞌamuk ya spase. Yuꞌun ya yaltalan kꞌael jontol kꞌop aꞌbiyej sok le-lot te skontrainejotike. Sok ay to xan yan te tut ya spase: Jaꞌ te ma skꞌan xyikꞌ te hermanoetik te ya xlaj kꞌote. Sok ya skomtalan te machꞌatik ya skꞌan ya yikꞌike, y ya stentalan lokꞌel te ba ay te hermanoetike.

Bible in Tzeltal Bachajón

¹⁰ Ha yu'un teme talon, ya calbe te ya'tel, ha te chopol bin yac yalbel ta jtojolcotique. Soc ma tic'uc ya ya'iy a, ma ba ya yic'ticlan te quermanotactic, soc ya scom te mach'atic ya sc'an ya yic'ticlanic te quermanotactic, ya stenticlan loq'uel ta iglesia.

3 Juan 1:10 Referans Kwoze

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Proverbios 10:10

Te mach'a ya xmuts'-sitaywan, bayal bila amen ya xjajch' yu'un; te mach'a bol c'op ay ta ye, ja' nix ya xjinot yu'un.

2 Corintios 13:2

Jich te bit'il la calbey te mach'atic staoj smulic a te xchebal buelta te la joinexe, ja' nix jich ya calbey xan ta jun soc spisil te yantique, manchuc teme ma ba joinejex: Teme ya xtal quilex ta yan buelta, ma'yuc mach'a ya xcol ta castigo.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

Proverbios 10:8

Te mach'a ay sp'ijile, ya xch'uun mandal; yan te mach'a bol c'op ay ta ye, ya xjinot yu'un stuquel.

3 Juan 1:5

Ja'at te c'uxat ta co'tane, lec te bit'il awac'oj aba ta abatinel yu'un spisil te quermanotactique, manchuc teme ma ba ya ana'bey sbae.

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

Hechos 1:15

Jich ora te la stejc'an sba jajch'el te Pedro ta yolil te quermanotactique. (Ay niwan wacwinic (120) ta jtul ta spisilic.) Jich caj yal ta stojolic:

Gálatas 6:10

Jich yu'un, te bay c'alal ya xju' cu'untique, ac'a me jpastic jpisiltic te bila leque. Ja' c'axem to xan ac'a jpastic ta stojol te quermanotactic te pajal ay xch'uunjel co'tantic soque.

1 Timoteo 5:13

Soc ya xcaj snop ch'ajilal a te bit'il paxponel nax ya xbeen ta naetique. Jich ya xcaj snop le-c'op a, soc biluc nax ya yac' sba a. Ja' ya xbajt' ta yo'tan yaanel te bila ma'yuc ta swenta yalele.

2 Juan 1:10

Teme ay mach'a ya xtal ta banti ayexe, teme ma ja'uc yich'oj tel te nopjibal yu'un te Cristoe, ma me x'awic' ochel ta ana soc ma me jichuc ya awalbey: “¡Bin nax co'tan te talate!”, ma me xaucat ta stojol.

2 Juan 1:12

Ay bayal te bila c'an jts'ibubeyexe, ja'uc me to, ma jc'an ya jts'ibubeyex xan ta jun soc ta tinta. Yu'un jnopoj te ya xtal quilexe. Jich me ya x'ayanotic soc ya quilbey jba jsitic, swenta yu'un jich me pajal ya xbujts'naj co'tantic ta melel a.

3 Juan 1:3

Bayal bujts'naj co'tan yu'un te c'alal jul yalbonic caiy cha'oxtul quermanotactic te bit'il jc'axel ay ta awo'tan te smelelil c'ope, soc te jun nax awo'tan yacat ta spasel te bila smelelile.