3 Juan 1:1 - Bible in Tzeltal de Oxchuc y Tenejapa

¹ Jo'on, te ancianoone, ya jpatbat awo'tan, ja'at quermano Gayo, te c'uxat ta co'tan ta melele.

Nuevo Testamento Tzeltal de Amatenango

¹ Joꞌon te ansianoone, ya jtsꞌibay te karta to jaꞌ yuꞌun te kamigo jGayoe te batsꞌi ben kꞌux ya kil jba soke.

Bible in Tzeltal Bachajón

¹ Te anciano, ta stojol Gayo te c'ux ta co'tan ta melel.

3 Juan 1:1 Referans Kwoze

1 Juan 3:18

Cal-jnich'nab, ma me sbauc nax jti'tic ya jmulantic yalel te c'ux ya caiy jbajtique. Ac'a me chicnajuc ta cat'eltic te bit'il c'ux ya caiy jbajtic ta melele.

1 Corintios 1:14

Wocol yal Dios te ma tsoboluquex te la cac'beyex awich'ic ja'e. Ja' nax la cac'bey yich' ja' te Crispo soc te Gayoe.

Romanos 16:23

Ya me spatbeyex awo'tanic uuc te Gayo te jmajanejbey sna ta bay ya stsobilay sbaic ta spisilic te jch'uunjeletique. Soc ya spatbeyex awo'tanic te Erasto te tesorero yu'un te lume, soc uuc te quermanotic Cuarto.

Hechos 19:29

Jich jajch'ic ta c'op spisil te lume. La sten ochel sbaic ta bay yawil muc'ul tsoblej yu'un te lume, soc la stsaquic te Gayo soc Aristarco te macedonia-winiquetic te sjoy sbaic ta beel soc te Pabloe.

Hechos 20:4

Ja' la sjoin bael te Sópater te snich'an Pirro te talem ta Berea, soc Aristarco soc Segundo te talemic ta Tesalónica, soc Gayo te talem ta Derbe, soc Timoteo soc uuc te Tíquico soc Trófimo te talemic ta smaquen-q'uinal Asia.

Hechos 11:30

Te c'alal tsobajix yu'unique, la sticunic bael ta stojol te ancianoetic te ayic ta Jerusalén. Ja' la yac'beyic bael ta sc'ab te Bernabé soc te Sauloe.

1 Pedro 5:1

Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe.

3 Juan 1:2

Te ja'at te c'uxat ta co'tane, ja' ya jc'an te lec ayat soc spisil te bila ya apase, soc te bujts'an q'uinal ya awaiy ta spisil orae, jich te bit'il lec ayat ta stojol te Diose.