2 Juan 1:2 - Bible in Tzeltal de Oxchuc y Tenejapa

² C'uxex ta co'tan ta scaj te smelelil c'op te jc'axel ayix ta co'tantic spisil orae.

Nuevo Testamento Tzeltal de Amatenango

² Kꞌuxex ta koꞌtan te jaꞌexe ta skꞌaj te tut batsꞌi jiche te ayix ta koꞌtantike y sil tiempo ay ta jtojoltik.

Bible in Tzeltal Bachajón

² Ha c'uxex ta co'tancotic ta scaj te smelelil c'op te ay ta co'tantic soc te spisil ora ya sjoquinotic:

2 Juan 1:2 Referans Kwoze

1 Juan 2:17

Ja'uc me to, xquechet ta lajel bael te balumilale soc spisil sbic'tal yo'tanic te ants-winiquetique. Yan te sc'anjel yo'tan stuquel te Diose, sbajt'el q'uinal ay stuquel.

1 Juan 2:14

Ja'ex te me'il-tatilexe, jich la jts'ibubeyex in to, yu'un na'bilix sba awu'unic te Mach'a stalel ay ta xjajch'ibale. Ja'ex te jch'iel ants-winiquexe, jich la jts'ibubeyex in to, yu'un ay yip awo'tanic soc jc'axel ay ta awo'tanic te sc'op Diose. Jich tsalbilix awu'unic te pucuje.

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

2 Pedro 1:12

Jich yu'un, ya me jultesbeyex xan ta awo'tanic in to, manchuc teme ana'ojiquixe, jc'axel ainuc me ta awo'tanic te smelelil c'op awaiyojiquix stojole.

2 Timoteo 1:5

Melel ya xjul ta co'tan te ay xch'uunjel awo'tan ta melele, jich bit'il ay xch'uunjel yo'tan te Loida, te sme' te ame'e, soc te ame' Eunice. Jna'oj ta lec te bit'il jich nix ay xch'uunjel awo'tan uuc te ja'ate.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

2 Corintios 4:5

Melel te jo'otique, ma ja'uc ya jchol jc'oplaltic, ja' ya jcholbeytic sc'oplal te Cajwaltic Jesucristoe. Te jo'otique, abat nax ayotic ta atojolic ta swenta xc'uxul yo'tan te Jesuse.

1 Corintios 9:23

Jich ya jpas spisil in to, ta scaj te sc'oplal colel, swenta yu'un jich ya xcolon uuc te jo'one.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Juan 14:16

Ya me jc'anbey te Jtate te ya sticunbeyex tel yan Joinwanej te ya sjoinex spisil ora stuquele,