2 Juan 1:10 - Bible in Tzeltal de Oxchuc y Tenejapa

¹⁰ Teme ay mach'a ya xtal ta banti ayexe, teme ma ja'uc yich'oj tel te nopjibal yu'un te Cristoe, ma me x'awic' ochel ta ana soc ma me jichuc ya awalbey: “¡Bin nax co'tan te talate!”, ma me xaucat ta stojol.

Nuevo Testamento Tzeltal de Amatenango

¹⁰ Teme ay machꞌa ya xba yulutayex tal te jaꞌexe y teme ma jaꞌuk yichꞌoj te nojpesel to, ma me awikꞌ ta ana ni ma me apatbe yoꞌtan.

Bible in Tzeltal Bachajón

¹⁰ Teme ay mach'a ya xtal ta atojolic te ma hichuc ya yac' ta nopel, ma me xawic' ochel ta anahic soc ma me xawalbe te lec te tale.

2 Juan 1:10 Referans Kwoze

Tito 3:10

Soc teme ay mach'a ya xcaj yac' xat sbaic te jch'uunjeletique, coma jun chebuc buelta. Teme ma xch'uun comele, loq'uesa bael.

2 Tesalonicenses 3:6

Quermanotac, ya calbeyex xan mandal ta swenta te Cajwaltic Jesucristoe: Ma me xajoin aba soc te quermanotic te chican nax te bila ya spase soc te ma jichuc ya spas te bit'il la cac'beyex anopique.

2 Tesalonicenses 3:14

Teme ay mach'a ma xch'uun spasel te bila la caltic li' ta carta to, na'beya me sba. Ma me xajoinic stuquel swenta yu'un jich me ya xq'uexaw.

1 Corintios 5:11

Te bit'il jich la jts'ibubeyexe, ja' la calbeyex te ma me xajoin abaic soc te mach'atic quermanotic ta sc'opic te yalemic ta mulile, te jbic'tal-o'tanetic, soc te xch'uunejic to te loc'ombaetique, te j'ixta-c'opetique, te jyacubeletique, soc te j'eleq'uetique. Ja'ic in to, ma me xajoin abaic ta we'el soc.

2 Juan 1:11

Melel te mach'a jich ya yalbey: “¡Bin nax co'tan te talate!”, teme xie, jich ya sjoin ta spasel te bila amene.

1 Corintios 16:22

Teme ay mach'a ma c'uxuc ya yaiy ta yo'tan te Cajwaltic Jesucristoe, ac'a bajt'uc ta ch'ayel abi. Ya me xtalix te Cajwaltique.

Salmos 129:8

Ma'yuc bi ora ya yalic te mach'atic ya xc'axe: “Ac'a yac'bat bendición Cajwaltic; te jo'otic ya jc'anbeyex bendición ta stojol te Cajwaltic”, te ma xiuque.

Génesis 24:12

La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

1 Reyes 13:16

Pero te j'alwanej yu'un Dios talem ta sq'uinal Judá, jich la yal: —Ma xju' ya joinat, soc ma xju' ya x'ochon ta ana, soc ni ya xju' ya joinat ta we'el, ni ya xju' ya joinat ta yuch'el ja' li'to.

Hechos 15:23

Jich ac'bot yich'ic bael te carta te jich ts'ibubile: “Quermanotac, jo'otic te jpuc-c'opotic soc te ancianoetic soc te quermanotactic, ya spatbeyex awo'tanic, ja'ex te jyanlumex te ayex ta Antioquía ta sq'uinal Siria, soc te ayex ta sq'uinal Cilicia.

3 Juan 1:10

Jich yu'un teme talone, ya me calbey ta jamal te bila amen ya spase. Yu'un ma tic'uc ya yaiy a te ya slotbon jc'oplal, melel ma sc'an yic' ta stojol te quermanotactic te ya xtalic ta q'uejele. Soc teme ay te jch'uunjeletic te toyol yo'tanic ya xnajc'anwanique, ya yich'ic comel ta ora yu'un soc ya xtenotic loq'uel ta xch'uunel Dios yu'un.