2 Corintios 5:1 - Bible in Tzeltal de Oxchuc y Tenejapa

¹ Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

Nuevo Testamento Tzeltal de Amatenango

¹ Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

Bible in Tzeltal Bachajón

¹ Jna'ojtic teme ya xlaj te nahilpac' te banti jnahinejtic ta bahlumilal, ay jnatic yu'un Dios ta ch'ulchan te sbahtel q'uinal ay, te ma pasbiluc ta c'abal.

2 Corintios 5:1 Referans Kwoze

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

Hebreos 9:24

Melel te Cristoe, ma teyuc och bael a ta bay te templo pasbil ta sc'ab ants-winiquetic te ja' seña to nax te mero temploe. Tey och bael stuquel ta bay te ch'ulchane, tey yac'oj sba ta ilel ta stojol Dios cu'untic ta ora to.

2 Corintios 4:7

Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.

Hebreos 9:11

Ja'uc me to, xtaluquix te Cristoe, ja' te Muc' Sacerdote cu'untic te swentainej te utsilal te ya yac'botic ta patile. Te templo te banti yac ta at'el ta sacerdoteile c'axem to xan lec soc c'ax jich ay yutsilal stuquel te bit'il ay te sbabiale. Melel ma pasbiluc ta sc'ab ants-winiquetic stuquel, ja' bi ma ja'uc te bitic pasbil ta balumilale.

Job 4:19

¿ja'uc to balix a te winique, te mero ma'yuc yip stuquele? Pajal soc na te pasbil ta ajch'al te yich'oj pasel jajch'el ta ts'ubil lume, soc te ya xju' ya yich'ic lajinel ta joch'.

1 Pedro 1:4

Jich me ya yac'beyex awu'uninic te bila q'uejbil ta ch'ulchan yu'un te Diose. Ma sna' xjin, soc ma sna' sts'ilaj, soc ma sna' xlaj yutsilal te bila ya yac'beyexe.

2 Corintios 5:4

Te jayeb c'aal ya jnaintic in jbaq'uetaltic to, yacotic ta ajc'an, yu'un ay bayal jwocoltic ya caiytic. Ma yu'unuc ya jc'antic te ya jloq'uestic te pocol jbaq'uetaltique. Ja' ya jc'antic te yacuc jlaptiquix ta ora te yach'ile swenta yu'un te bila ya xlaje, ya me xc'atp'uj ta swenta cuxinel.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

San Marcos 14:58

—Te jo'otique caiyojtic stojol te jich la yale: “Jo'on ya jin in templo to te pasbil ta c'abale. Ta oxeb nax c'aal ya jpas yan te ma ta c'abaluc ya yich' pasele”, xi' ta yalel la caiytic —xiic.

2 Pedro 3:11

Te bit'il la awaiyiquix stojol te jich ya xlaj spisil te bitic aye, jich yu'un ya sc'an te c'axem to xan lec ya x'ainex ta q'uinale soc te ya ach'uunic spisil ora te Diose.

Colosenses 2:11

Soc te bit'il jun ayex soc te Cristoe jich la awich'ic circuncisión. Ja'uc me to, ma ja'uc te circuncisión te pasbil ta sc'ab ants-winiquetic. Ja'ix te circuncisión te la awich'ic ta swenta Dios te bit'il la ach'uunic te Cristoe. Jich colex ta libre yu'un te amulawil-baq'uetalique.

1 Juan 3:19

Jich jna'ojtic stojol te wentainbilotic yu'un te smelelil c'ope, soc jich ma'yuc bi ya x'ayan co'tantic yu'un ta stojol te Diose.

1 Juan 3:14

Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

Hebreos 11:10

Melel te Abrahame ja' la smaliy slumalin te muc'ul lum te ay tulan yiptajibe te ja' la xchajban stuquel te Diose soc te ja' nix la spase.

1 Corintios 3:9

Melel te jo'otique, yaj-at'elotic te Diose. Te ja'exe, c'aljibalex yu'un te Diose. Soc pasbil naex yu'un te Diose.

Salmos 56:9

Ya me xjajch'ic ta sujt'el bael te jcontrotac te bi ora ya jc'an jcoltayel awu'une. Mero jna'oj te ja'at ya xc'opojat te Diosat cu'une.

Job 30:22

La awac' syaleson te iq'ue, soc la awac' sliculayon te tulan yic'al ja'ale.

2 Timoteo 1:12

Ja' swentail te ay jwocol yu'un ta ora to. Ja'uc me to, ma ba ya xq'uexawon yu'un, melel ya jna' te mach'a jch'uuneje, soc xch'uunej co'tan te bit'il ay yu'el ta scanantayel te bila cac'ojix jilele ja' to te c'alal ya sta sc'aalelal te ya xcha'tal xane.

Isaías 38:12

Ya yich'bonic bael ta bay nainemone, ya spojbonic, jich bit'il snailpac' jcanan-chijetic. Te jcuxlejale jich bit'il pac' te ya yich' jalel, te ya yich' set'el loq'uel ta bay sjaljibale. Ta c'aal ajc'ubal ya awac'bon c'axuc jwocol.

Hechos 7:48

Ja'uc me to, te Ch'ul Dios te ay ta ch'ulchane, ban c'an nainuc ta bay templo pasbil ta sc'ab te ants-winiquetique, melel jich la yal te jtul j'alwaneje: