1 Timoteo 1:9 - Bible in Tzeltal de Oxchuc y Tenejapa

⁹ Te mandalile ma ja'uc ay ta swentaic te mach'atic tojique. Ja' ay ta swentaic te jch'ay-mandaletique, soc te jc'axintayej-mandaletique, soc te mach'atic ma xyich'ic ta muc' te Diose, soc te puro mulil baem ta yo'tanique, soc te mach'atic ixta yo'tanic te xujt' ma xyich'ic ta muc' te bitic ay ta ch'uunele, soc te mach'atic ya smil sme'-static soc yantic ants-winiquetic,

Nuevo Testamento Tzeltal de Amatenango

⁹ Ya skꞌan ya jnaꞌtik te ma jaꞌuk yaꞌtel te mantaliletik te ya xchap te machꞌatik lek te tut ya spasike. Te mantaliletike jaꞌ ya yakꞌ kastigo yuꞌun te machꞌatik ma xchꞌuunik mantale, y sok te lom kꞌaxemike, sok te machꞌatik ma lekuke, y sok te jmulawiletike, y sok te machꞌatik ma xyakꞌ ta jkuenta te Diose, sok te ma skꞌanik te religione, sok te machꞌatik ya smil stat o smeꞌ, sok ta spisil te jmilawetike,

Bible in Tzeltal Bachajón

⁹ teme na'bil cu'untic te Ley ma ha'uc a'bot ta scuenta te mach'atic toj ayic, ha a'bot ta scuenta te jc'axun-mandaretic soc jtoybahetic, te bohloben sc'oblalic soc jmulawiletic, te ma x'ich'awanic ta muc' soc jbohlobteswanejetic, te mach'atic ya smil te static o snanic, te jmilawetic,

1 Timoteo 1:9 Referans Kwoze

Gálatas 3:19

Jich yu'un, ¿bila ya xtuun xan a te mandalile? Ja' la yich' aq'uel ta patil yu'un te tey me ya xchicnaj ta jamal a te smulic te mach'atic ya sc'axintayic te mandalile. Ja' to te c'alal tal te sts'umbal Abrahame, ja' te mach'a la yalbey sc'oplal te Diose. Te mandalile la yich' aq'uel ta swenta ch'ul abatetic, soc ay jtul winic te la sc'ases c'op ta stojol te lume.

1 Pedro 4:18

Teme wocol ya xcolic te mach'atic toj ayique, ¿ja'uc to balix a te mach'atic c'aemic ta mulil te ma sna'ic te Diose?

Romanos 5:20

Melel te mandalile, la yac' toyuc xan yip te mulile. Jich toy xan te mulile. Ja'uc me to, c'axem to xan la yac' ta ilel te yutsil yo'tan te Diose.

Gálatas 5:23

manso-o'tanil, nujul-o'tanil. Ja'ic in to, ma'yuc bi ora ya yich' controinel yu'un te mandalile.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Romanos 6:14

Melel ma xju'ix te ya yu'uninex xan te mulile, yu'un ma'yuquex ta swenta te mandalile. Ja' ayex ta swenta yutsil yo'tan te Diose.

Romanos 1:30

amen sc'oplal ya yalbey te yantique, jwalac'patiwanejetic, scontroinel Dios, jc'ajc'al-c'optaywanejetic, jtoyba-o'tanetic, jtoyba-c'opetic, ya sle ta yo'tanic muliletic, jc'axintay-mandaletic ta stojol te sme'-statique,

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Tito 1:16

Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.

1 Pedro 3:20

Ja' xch'ulelic te mach'atic ma la xch'uunic mandal ta namey te c'alal ay ta q'uinal a te Noé. Dios ts'icbotic yu'un, ja' to c'alal ju' ta pasel te barco ta bay ma tsoboluc te colique. Waxactul nax te la yich' coltayel te ma ba lajic yu'un te ja'e.

Hebreos 11:31

Ta swenta xch'uunjel yo'tan te jmulawil ants Rahab, jich ma la sjoin ta lajel te mach'atic jc'axintayej-mandale, te melel ay yutsil yo'tan la yic' ochel ta sna te israeletic te tal stsajtay yilic te bi yilel te lume.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

Romanos 4:13

Ma ta swentauc xch'uunel te mandalil te albot yu'un Dios te Abraham te ya x'ac'bot yu'unin soc sts'umbal te balumilale. Toj ilot yu'un Dios ta swenta nax te xch'uunjel yo'tane.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

Ezequiel 21:25

Ja'at muc' ajwalil yu'un Israel, c'ax amenat soc ma'yucat ta stojol Dios, nopolix ya sta yorail te ya awich' te castigo swenta slajibale.

Jeremías 23:11

Te Cajwaltic jich ya yal: —Te j'alwanejetic soc te sacerdoteetic ma tojuc yo'tanic, ta templo cu'un yacalic ta spasel te bila amen la jta tey a.

Proverbios 30:17

Te mach'a ya yilay stat soc te ya slaban sme' te me'elixe, ja' lec te yacuc xloq'uesbot sit yu'un joj, soc te ja'uc ya xti'bot sbaq'uetal yu'un te xuleme.

Proverbios 30:11

Ay mach'atic ya sbolc'optay static, soc ma xyalbeyic lec sc'oplal te sme'ique.

Proverbios 28:24

Ja' sjoy sba soc jmilawal te mach'a ya yelc'anbey sbiluc sme'-stat, soc te ya yal te ma muliluc ta sc'ope.

Proverbios 28:17

Te mach'a la yaiyix milaw, puersa ya xyal bael ta muquenal; ma me ayuc mach'a ya xcoltayot yu'un.

Proverbios 20:20

Te mach'a ya sbolc'optay te state, o ja' te sme'e, xiweltic me sba ya xbajt' ta lajel ta ijc' q'uinal.

2 Crónicas 32:21

Jich yu'un te Cajwaltic la sticun jtul ch'ul abat, la smil ta spisil te soldadoetic, te capitanetic soc te comandanteetic yu'unic ta scampamento te muc' ajwalil yu'un Asiria. Sujt' bael ta slumal, nojel bael ta yo'tan bayal q'uexlal. Te c'alal och bael ta templo ta bay dios yu'une, tey la yich' milel a, ja' nix te snich'nab te milot yu'une.

2 Reyes 19:37

Ay jun c'aal c'alal yac ta xch'uunel sdios Nisroc ta stemplo a, c'ot ta milel yu'un snich'nab nix, Adramelec soc Sarezer. Loq'uic ta anel, bajt'ic ta witstiquil Ararat. Patil ja' och ta sjelol te Esar-hadón, te ja' nix snich'ane.

2 Samuel 16:11

Patil la sc'opon te Abisai soc spisil te capitán-soldadoetic yu'une, jich la yalbey: —Melel ja' nix te mero jnich'an te yo'tanuc ya smilone. ¿Ja'uc to balix a te jtul sts'umbal Benjamín to? Ijq'uitayaic, ac'a yixtac'optayon. Ja' te Cajwaltic te ticunbil yu'une.

Deuteronomio 27:16

“Boloben me sc'oplal ta jyalel te mach'a ma xyich' ta muc' te sme'e o te state”. “Jichuc”, xiic me ta spisil te lume.

Levítico 20:9

“Mach'auc a te ya sbolc'optay te sme'-stat, ya me yich' aq'uel ta lajel. Melel la sbolc'optay te state o te sme'e, ja' yu'un ja' nix ta swenta smul te ya xlaje.

Éxodo 21:14

Yan te mach'a ya yilintay te spat-xujq'ue, soc teme ya smil ta spasemal yo'tan, ya me ale ta jyalel, manchuc me ya xbajt' ta xchic'jibal te jmajt'ane, ya me xchajbanbot sc'oplal ta lajel.

Éxodo 20:13

“Ma me x'awaiy milaw.

1 Pedro 2:7

Te ja'ex te ach'uunejiquixe, bayal sc'oplal ta awo'tanic te ach'uunejiquix te Mach'a “Ton”, xi' sc'oplale. Yan te mach'atic ma xch'uunique, ja' sc'oplalic te bila ts'ibubil jilel ta Sjun te Diose: “Te ton te ma'yuc stuul c'ot ta yo'tanic te albañiletique, ja' yiptajib chiquin-na c'otix stuquel”, te xie.

Hebreos 12:16

Ma me ayuc jtuluquex te ya xyalex ta mulile, soc te ma'yuc sc'oplal ta awo'tanic te bila ch'ultesbile, jich bit'il Esaú te ma'yuc sc'oplal ta yo'tan te bit'il ba alale. Melel la sjel ta jun nax buelta swe'el te bendición te sc'oplal ya yich'e.

Gálatas 5:21

jbic'tal-o'tanetic, jmilawaletic, jyacubeletic, jpas-q'uinetic, soc ay to xan yan te pajal soc te bila ya spasique. Ya jtac'uyex jich bit'il te la calbeyex ta neelale: Te mach'atic jich yat'elique, ma ba ya xc'o ainuquic tey a ta banti ay ta ajwalinel te Diose.

Gálatas 5:18

Jich yu'un teme ja' yic'ojex ta beel te Espiritue, jich ma'yuquex ta swenta te mandalile.

1 Timoteo 4:7

Ma me xawac' achiquin ta yaiyel stojol jontol aiyejetic te ma'yuc swentail xujt'uque. C'ajtesa me aba ta xch'uunel te Diose.

1 Timoteo 6:20

Jich yu'un Timoteo, canantaya ta lec te bila ac'bilat awentaine. Ma me xawac' achiquin ta yaiyel stojol jontol c'op aiyejetic te ma'yuc swentaile, soc ma me xawac' achiquin ta yaiyel stojol spisil biluc c'opiluc te cuybil ta p'ijil c'ope.

2 Timoteo 2:16

Ijq'uitaya me jilel spisil te jontol aiyejetique, melel te mach'atic yat'elinejic yalele, yanyan ta ch'ayel ta yo'tanic Dios yu'un.

2 Timoteo 3:2

Melel te ants-winiquetique, stuquel nax ta juju-jtul te c'ux ya yaiy sba ta yo'tane, biq'uit nax yo'tanic yu'un te taq'uine, yich'oj sbaic ta muc' stuquelic, jtoybaetic, jtoybac'optaywanejetic, soc ma xch'uunic mandal ta stojol te sme'-statique. Ma'yuc yutsil yo'tanic, soc ma'yuc Dios ta yo'tanic.

Tito 1:6

Te mach'a ya xju' ya yich' yat'el ta ancianoile, ja' me te mach'a ma'yuc bi quechel ta swentae, soc te jtul nax ants nujbinem ta q'uinal soque, soc te xch'uunejic Dios uuc te snich'nabe, soc te ma'yuc banti jchijil-joletic soc jch'ay-mandaletic xi' sc'oplal te snich'nabe.

Tito 1:10

Melel ay tsobolic te jtoybaetique. Ya yalic jontol aiyejetic, soc ya xlo'laywanic, c'axem to xan te mach'atic yich'ojic circuncisione.

Judas 1:15

Tal yalbey ta jamal te bi yilel yat'el ta spisilic te ants-winiquetique, soc tal yac'bey castigo spisil te mach'atic la spasic te bila amene, soc spisil te jmulawiletic te la yalic bol c'op ta stojol te Diose”, te xie.