1 Timoteo 1:12 - Bible in Tzeltal de Oxchuc y Tenejapa

¹² Ya calbey wocol te Mach'a la yac'bon yip co'tane, ja' bi ja' te Cajwaltic Jesucristo. Yu'un te bit'il la yil te jun nax co'tane, jich la yac'bon quich' cat'el,

Nuevo Testamento Tzeltal de Amatenango

¹² Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

Bible in Tzeltal Bachajón

¹² Ya calbe wocol te Cajwaltic Cristo Jesús te la ya'bon yip co'tan, como la yil te jun co'tan, hich la ya'bon quich' ca'tel ta stojol,

1 Timoteo 1:12 Referans Kwoze

Filipenses 4:13

Spisil ya xju' cu'un ta swenta Cristo te ya yac'bon yip co'tane.

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

Colosenses 1:25

Ja' swentail te ayon ta abatinel yu'un te jch'uunjeletic yu'un Dios te la yac'bon quich' cat'el ta scoltayele. Ja' bi, ya me ju'tes ta cholel spisil te sc'op Diose,

Filipenses 2:11

Spisilic ya me yalic ta jamal te ja' Ajwalil stuquel te Jesucristoe. Jich me jelawen yutsil sc'oplal ya xc'ot te Jtatic Dios yu'une.

2 Corintios 4:1

Ja' swentail te ma xpejc'aj co'tantic, te melel Dios la yac'botiquix cat'eltic ta swenta bit'il la quich'tic c'uxtayel yu'un.

1 Corintios 7:25

Ta ora to, ya jpas ta mandal te jtec'tojom ach'ixetique. Ma'yuc bay caiyoj stojol teme ay mandal la yal te Cajwaltique. Ja'uc me to, ya cal te bila jnopoj ta co'tan jtuquel te ya xju' ya yich' ch'uunel awu'unic te bit'il quich'oj c'uxtayel yu'un te Cajwaltique.

Hechos 9:22

Ja'uc me to, te Saulo c'axem to xan la yich' yip yo'tan ta c'op. La yac' ta na'el ta jamal te ja' Cristo te Jesuse. Te judioetic te ainemic ta lum Damasco, ma la sna' te bi ya yalic yu'une.

Hechos 9:15

La yal te Cajwaltique: —Baan, melel tsabilix te ya xtuun cu'un te winique, swenta yu'un ya me yalbon jc'oplal ta stojol te jyanlumetic soc te ajwaliletique soc ta stojol te yal-snich'an israeletique.

Hechos 16:15

Jich ac'bot yich' ja' soc spisil te mach'a ay yu'un ta snae. Soc jich la yalbotic wocol: —Teme ana'ojiquix stojol te jun co'tan jch'uunejix te Cajwaltique, la' me talan, ainanic ta jna —xi'. Ma ba laj yo'tan. Puersa la yic'otic bael te ba ainucotic ta snae.

1 Timoteo 1:11

Te lequil p'ijubtesele, ja' nix te lec yach'il c'op te bayal yutsilale, te la yac'bonix ta jwenta xcholel te ch'ul Diose.

1 Corintios 15:10

Ta swenta nax yutsil yo'tan Dios te jich c'ot ta jwentae. Soc ma tojoluc te bit'il ay yutsil yo'tan cu'une, yu'un c'ax jich at'ejemonix te bit'il at'ejemic spisil te yantique. Ja'uc me to, ma jo'ocon cat'el jtuquel, yu'un ja' at'ej ta jwenta te yutsil yo'tan te Diose.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

1 Corintios 3:5

¿Mach'a a te Pabloe? ¿Soc mach'a a te Apolose? Abatetic nax yu'un te Diose, te jich la ach'uunic Dios ta swentaique. Yu'un ja' nax ya spasic te bila ac'botic ta swentaic spasel juju-jtul yu'un te Cajwaltique.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

1 Timoteo 1:1

Jo'on Pabloon te ayon ta jpuc-c'op yu'un te Jesucristoe ta swenta smandal te Diose, te ja' Coltaywanej cu'untique, soc uuc te Cajwaltic Jesucristo, te ja' smuc'ul co'tantic stuquele.

1 Timoteo 1:2

Ya jpatbat awo'tan, Timoteo, ja'at te mero jnich'anat ta swenta xch'uunjel co'tantic. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat, soc lamaluc me q'uinal ya awaiy yu'un spisil ora.

1 Timoteo 6:13

Ta ora to ya jpasat ta mandal ta stojol Dios te yac'ojbey xcuxlejal spisil te bitic aye, soc ta stojol Jesucristo te jamal la yal sba ta stojol te Poncio Pilatoe.

2 Timoteo 2:2

Spisil te bila calojbat awaiy ta stojol tsobol testigoetique, ja' me xawac'bey snopic uuc te winiquetic te jun yo'tanic ta stojol Dios, te ya xju' yu'unic yaq'uel ta nopel ta stojol uuc te yantique.

Tito 1:4

Ja'at Tito, te jich c'oemat ta co'tan te bit'il mero jnich'anat ta swenta bit'il pajal ay xch'uunjel co'tantique, ac'a me yac'bat yutsil yo'tan te Jtatic Diose soc te Cajwaltic Cristo Jesuse te Jcoltaywanej cu'untique. Ac'a me xc'uxtayat, soc lamaluc me q'uinal ya awaiy yu'un spisil ora.

Filemón 1:9

ja'uc me to, ja' lec te ja' ya calbat wocol ta swenta xc'uxul co'tan. Te jo'on Pabloon, te mamalonixe soc te ayon ta chuquel ta swenta te Cristo Jesuse,

San Mateo 20:4

Jich la yalbey: “Baanic ta at'el ta bay ts'usubiltic cu'un. Ya jtojex jich te bit'il ay te tojolile”, la yut. Jich bajt'ic ta at'el.