1 Timoteo 1:11 - Bible in Tzeltal de Oxchuc y Tenejapa

¹¹ Te lequil p'ijubtesele, ja' nix te lec yach'il c'op te bayal yutsilale, te la yac'bonix ta jwenta xcholel te ch'ul Diose.

Nuevo Testamento Tzeltal de Amatenango

¹¹ Y te lekil nojpesel to, jaꞌ te tey ya jtatik a te ben tsaꞌam skꞌoplal yuꞌun te kolele, te jaꞌ a yaꞌbon kaꞌtelin te Diose te bayal slekilale.

Bible in Tzeltal Bachajón

¹¹ hich ya yal te t'ujbil lec yach'il c'op yu'un te Dios te bayel yutsil, te ha a'bilon ta jcuentahe.

1 Timoteo 1:11 Referans Kwoze

Gálatas 2:7

Ja'uc me to, la yilic te bit'il Dios yac'ojbon ta jwenta xcholel te lec yach'il c'op ta stojol te mach'atic ma ba yich'ojic circuncisión, jich bit'il te Pedroe ja' ac'bil ta swenta xcholel ta stojol te mach'atic yich'oj te circuncisione.

Tito 1:3

Ta ora to, te bit'il la staix yorail yu'une, jich la yaq'uix ta na'el te bila yaloj ta swenta te c'op ac'boton ta jwenta xcholele. Jich quich'oj mandal yu'un te Diose te Jcoltaywanej cu'untique.

1 Timoteo 6:15

Ya me xc'ot ta pasel te c'alal ya sta yorail yu'un te Diose. Melel ja' stuquel Dios te bayal yutsile, te ja' Muc' Ajwalil yu'un te muc' ajwaliletique, soc te ja' Ajwalil yu'un te ajwaliletique.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Romanos 2:16

Jich yu'un ya me sta sc'aalelal yu'un Dios te ya x'ich'bot sc'opic ta swenta te Jesucristo yu'un spisil te bila muquen la spasic te ants-winique, jich nix te bit'il ya yal te lec yach'il c'op te yacon ta spuquele.

2 Timoteo 2:2

Spisil te bila calojbat awaiy ta stojol tsobol testigoetique, ja' me xawac'bey snopic uuc te winiquetic te jun yo'tanic ta stojol Dios, te ya xju' yu'unic yaq'uel ta nopel ta stojol uuc te yantique.

2 Timoteo 1:14

Soc canantaya me te bila lec ac'bilat jilel ta awenta yu'un te Diose. Ja' me ya scoltayat ta scanantayel te Ch'ul Espíritu te ainem ta co'tantique.

2 Timoteo 1:11

Dios la yac'bon quich' cat'el ta xcholel ta bayuc te lec yach'il c'ope, soc ja' la sticunon ta jpuc-c'op soc ta jp'ijubteswanej ta stojol te jyanlumetique.

1 Timoteo 6:20

Jich yu'un Timoteo, canantaya ta lec te bila ac'bilat awentaine. Ma me xawac' achiquin ta yaiyel stojol jontol c'op aiyejetic te ma'yuc swentaile, soc ma me xawac' achiquin ta yaiyel stojol spisil biluc c'opiluc te cuybil ta p'ijil c'ope.

1 Timoteo 2:7

Jich yu'un ac'boton quich' cat'el ta xcholel te bit'il ay te jcoleltique. Jich ayon ta p'ijubteswanej ta stojol te jyanlumetique. Ja' ya cac'bey snopic te bit'il ay te xch'uunjel-o'tanil soc te smelelil c'ope. Melel xcal ta stojol Cristo, ma jlotuc.

1 Tesalonicenses 2:4

Melel Dios la yac'bon ta jwenta yalel te lec yach'il c'ope, jich nix te bit'il yacon ta yalel ta bayuque. Melel ma ba yacon ta sleel te lecuc yo'tan cu'un te ants-winiquetique, ja' ya jle te lecuc yo'tan cu'un te Diose, te stuquel ya yaiybotic te co'tantique.

Colosenses 1:25

Ja' swentail te ayon ta abatinel yu'un te jch'uunjeletic yu'un Dios te la yac'bon quich' cat'el ta scoltayele. Ja' bi, ya me ju'tes ta cholel spisil te sc'op Diose,

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

Efesios 1:12

Yu'un jich la sc'an yo'tan te Diose, swenta yu'un te jo'otic te neel la jch'uuntic te Cristoe, ya me calbeytic te smuc'ul yutsilale te jayeb c'aal cuxulotique.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

1 Corintios 9:17

Jich yu'un, teme ya jpas ta spasemal co'tane, la jtaix jmajt'an abi. Teme scaj utel ya jpase, yu'un nanix ac'bilon ta jwenta spasel yu'un a te Diose.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

Salmos 138:2

Ya me jquejan jba, ya me cac' bael jsit ta stojol te ch'ul templo awu'un, swenta yu'un ya calbat wocol yu'un te xc'uxul awo'tan soc te bila melel awaloje. Melel ta spisil te bitic ay, ja'at nix toyol ayat yu'unic, soc te ac'op, ja' nix toyol yu'unic.