1 Timoteo 1:10 - Bible in Tzeltal de Oxchuc y Tenejapa

¹⁰ soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

Nuevo Testamento Tzeltal de Amatenango

¹⁰ sok te machꞌatik ya sꞌantsiwejike, sok te pajal winiketik te ma lekuk tut ya spasik soke, sok te machꞌatik ya yelkꞌanik sok ya xchonik gentee, sok te jloꞌlawanejetike, y sok te machꞌatik palso te tut ya yalik ta testigoe, sok xan te machꞌatik ya spasik te tutik skontrainej te lekil nojpesele.

Bible in Tzeltal Bachajón

¹⁰ j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

1 Timoteo 1:10 Referans Kwoze

Levítico 18:22

“Ma me xwayat soc winic te jich c'oem awu'un te bit'il ya xwayat soc te antse, melel jc'axel ma lecuc ta pasel.

2 Timoteo 4:3

Melel ya me sta yorail te ma sc'an yaiyic stojol te lequil p'ijubtesele. Ta scaj sbic'tal yo'tanic ya xcaj stsobic p'ijubteswanejetic te ya yaq'uic ta nopel te bila mulanbil ta aiyel stojol yu'unique.

Romanos 1:26

Ja' swentail te ijq'uitayotic yu'un Dios ta spasel spisil te bila q'uexlaltic nax sbae. Asta te antsetic yu'unique la yijq'uitayic te bit'il ay stalelique. Jich la spasic te bila ma sbelaluc ay ta pasel yu'unic ta swenta te sbaq'uetalique.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

1 Timoteo 6:3

Teme ay mach'atic ya yac' ta nopel yan c'op te ma pajaluc soc te lequil c'op yu'un te Cajwaltic Jesucristoe soc te ma pajaluc soc te bila jch'uunejtique,

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

Tito 1:9

Soc ya sc'an te ma xyac' ch'ayuc ta yo'tan te lequil c'op te ac'bot snope, swenta yu'un jich me ya xju' yu'un stac'uyel a te yantic ta swenta te lequil p'ijubtesele. Soc jich me ya xju' yu'un scomel ta c'op te mach'atic ya scontroinic te lequil p'ijubtesele.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Levítico 20:13

“Teme ay mach'a ya xway soc te sjoy ta winiquile, jich te bit'il ya xway soc te antse, ya me yich'ic milel xchebalic, ja' nix me ta swenta smulic te ya xlajique, melel mero ilaybil sba te bila la spasique.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

2 Timoteo 1:13

Ma me xawac' ch'ayuc ta awo'tan te lequil c'op te awaiyoj stojol cu'une. Jujun c'aal ayuc me xch'uunjel awo'tan soc xc'uxul awo'tan ta swenta te Cristo Jesuse.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Éxodo 21:16

“Ja' nix jich teme ay mach'a ya yelc'an loq'uel jtuluc te ya xchone, o teme sjoinej ya xtaote, ya me xchajbanbot sc'oplal ta lajel.

Génesis 19:5

La yawtayic te Lot: —¿Banti ay te winiquetic ochic tel ta anae? Ticuna loq'uel tel, yu'un ya jmejts'an jbajtic soc —xiic.

Tito 1:13

Melel nix a te bila la yal ta testigoe. Jich yu'un, tulan me xacom, swenta yu'un lec me ya xc'otic ta swenta xch'uunjel yo'tanic,

Éxodo 20:7

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

Apocalipsis 18:13

canela, poxil te ay sbujts' yiq'ue, pom, mirra, perfumeetic, vino, aceite, lequil harina, trigo, wacaxetic, chijetic, caballoetic, carretaetic, mosoetic, soc yantic ants-winiquetic.

Zacarías 8:17

Ma me talel c'axeluc xalebey aba awocolic. “Melel te bila ya cal”, ma me xauquex, teme ma meleluc. Melel te jo'on quilayej spisil. Jo'on Ajwalilon te jich ya cale —xi' te Cajwaltique.

Oseas 10:4

Ja' nax puro c'op, soc puro lot ya yale, soc te ya spas firmar tratoetic. Te chajbanel yu'une jich me c'oem te bit'il te' te ay svenenoil te ya xchicnaj ta yolil surcoetic te bila ts'unbile —xi' te lume.

Deuteronomio 24:7

“Teme ay jtul israel te yac ta yelc'anel bael jtul slumal te ya xtaote, teme yu'un ya yac' ochel ta yabat, o teme yu'un ya xchone, ac'a me yich' ticunel ta milel te mach'a jich ya spase, swenta yu'un jich me ya xlaj te bila amen ya xchicnaj ta awolilique.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Zacarías 5:4

Te Cajwaltic te Spisil ya xju' yu'un jich yaloj ta jamal: “Jo'on ya jticun te castigo swenta yu'un ya me x'och ta sna te mach'a ya x'elc'aje, soc ya me x'och ta sna te mach'a ay bila ya stojol-tabon ta alel ta lot te jbiile. Te castigo tey me ya x'ain a, asta ja' to teme laj te sts'amte'al soc te tonetic yu'un te snae”, xi' me —xi' te ch'ul abate.

Génesis 40:15

Yu'un chonbilon tel ta jlumal te hebreoone. Soc ma'yuc bila amen jpasoj te bit'il ac'bilon ochel ta chuquele —xi'.

Génesis 37:27

Ja' lec ya jchonbeytic bael te ismaeletique. Ma me jmiltic te jo'otique, te melel quijts'intic, jun jme'-jtatic soc —xi'. Jich c'ot ta yo'tanic spisilic.

1 Timoteo 4:6

Teme jich ya awac'bey snop te quermanotactique, lequil abatat ya xc'oat yu'un te Jesucristoe, soc ya me yipin awo'tan te sc'op Dios te ach'uuneje soc te lequil nopjibal awantayeje.