1 Pedro 1:3 - Bible in Tzeltal de Oxchuc y Tenejapa

³ Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

Nuevo Testamento Tzeltal de Amatenango

³ Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

Bible in Tzeltal Bachajón

³ Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

1 Pedro 1:3 Referans Kwoze

1 Pedro 1:23

Melel cha'ayinemexix, ma ja'uc ta swenta bila ya xlaje, ja' ta swenta te sc'op Dios te cuxul soc te ma xlaj sbajt'el q'uinale.

1 Juan 5:4

Melel spisil mach'a ayinem ta swenta te Diose, ya stsal te balumilale. Ja' ya yaiy tsalaw ta swenta te xch'uunjel yo'tane.

Romanos 15:13

Te Diose, ja' yac'oj smuc'ul co'tantic ta smaliyel, ac'a snojesbeyex bayal sbujts' awo'tanic soc lamaluc me q'uinal awaiyic ta stojol ta swenta te bit'il ach'uunejique. Jich me jelawen to xan ay smuc'ul awo'tanic ta smaliyel ta swenta yu'el te Ch'ul Espiritue.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

2 Corintios 1:3

Jelawen yutsil te Diose te Stat te Cajwaltic Jesucristoe. Ja' Jtatic uuc te bayal ya xc'uxtayotique, soc ja' Dios cu'untic te ya smuc'tes q'uinal caiytic spisil orae.

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

Romanos 12:12

Bayaluc me sbujts' awo'tanic ta smaliyel te utsilale. Ts'ijc'uc me awu'unic te uts'inele. Ma me xawijq'uitayic sc'oponel te Diose.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Éxodo 34:6

C'ax ta stojol te Moisés, tulan a c'opoj: —¡Jo'on Ajwalilon! ¡Jo'on Ajwalilon! Jo'on te Dioson te ya jna'bat yo'bolil aba, soc t'ujbil yutsil co'tan. Ma orauc ya x'ilinon, soc mero muc' xc'uxul co'tan. Ma jpasat ta lot.

Efesios 3:20

Ta ora to, ac'a chicnajuc yutsilal ta bayuc te Diose. Ya xju' yu'un spasel spisil, c'ax jich te bit'il ya jc'anbeytique soc te bit'il ya jna'tique, ta swenta bit'il yac ta at'el te yu'el ta jtojoltique.

Efesios 1:17

Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

1 Pedro 3:21

Pajal c'oem sc'oplal soc te ja' te ya x'ac'bototic quich'tique, melel ja' ta swenta ich'ja' te ya quich'tic coltayel yu'un ta ora to. Ma yu'unuc ya spocbotic loq'uel xch'ailel jbaq'uetaltic te ja'e. Ja' nax ya calbeytic wocol Dios te yacuc stup'botic ta co'tantic spisil te jmultique. Jich ya quich'tic coltayel ta swenta bit'il cha'cux tel te Jesucristoe.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

1 Timoteo 1:14

Jich esmaj ta c'axem to xan ta jtojol te yutsil yo'tan te Cajwaltique, soc la yac'bon xch'uunjel co'tan soc xc'uxul co'tan ta swenta te Cristo Jesuse.

Efesios 2:4

Ja'uc me to, te Diose, mero Jc'uxtaywanej stuquel. Ta swenta smuc'ul xc'uxul yo'tan te la xcuxtayotique.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Tito 2:13

Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.

1 Corintios 15:20

Ja'uc me to, smelelil te cha'cux tel ta bay animaetic te Cristoe. Ja' sbabial cha'cux tel yu'un te mach'atic wayemique.

1 Corintios 13:13

Jich yu'un ay oxten te ma xlaj sc'oplale: Ja' te xch'uunjel-o'tanile, ja' te bila ay ta maliyele, soc te xc'uxul-o'tanile. Ja'uc me to, te bay cajal sc'oplal ta yoxebale, ja' te xc'uxul-o'tanile.

1 Juan 3:9

Spisil mach'a ayinem ta stojol te Diose, ma ba ya yat'elin sleel smul, melel jc'axel ja' sts'umbalinej te Diose. Jich ma xju' ya sleulay smul, yu'un ayinemix ta swenta te Diose.

1 Pedro 2:2

Jichuquex me te bit'il alaletic te ayinelic toe, c'anaic me te lequil chu'ul yu'un te Espíritu te ma'yuc bila capal ae. Jich me ya xmuc'ubex yu'un stuquel, soc jich me ya ata acolelic ta swenta.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Romanos 8:24

Colemotiquix ta swenta te bila yacotic ta smaliyele. Yan teme la quiltiquix ta sitique, jich ma'yuquix bi ya jmaliytic abi. Melel teme chicanix ya quiltique, ¿bistuc xan ya jmaliytic?

Romanos 8:11

Soc teme nainem ta awo'tanic te Espíritu te la xcha'cuxes tel ta bay animaetic te Cristo Jesuse, ja' nanix jich te abaq'uetalic te ya xlaje, ya xcuxin ta swenta te Espíritu te nainem ta awo'tanique.

San Juan 1:13

Ma ta swentauc sc'anjel yo'tan ch'ich'-baq'uet te ayinique, soc ma ta swentauc sc'anjel yo'tan winic; ja' ta swenta sc'anjel yo'tan Dios te ayinique.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Isaías 26:19

Ja'uc me to, te animaetic awu'une ya xcha'cuxic stuquelic; te sbaq'uetalique ya xcha'cuxic. Te mach'atic wayalic ta lumq'uinal, ya xtijotic jajch'el, soc ya me x'awunic yu'un sbujts' yo'tanic. Melel jich ya aticun tel te luz awu'un ta stojolic, te bit'il ts'ujul ya xyal ta ajc'ubale; jich te animaetic ya me xcha'chicnajic loq'uel ta lum.

1 Juan 5:18

Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

Romanos 5:10

Melel te bit'il contro quiloj jbatic soc te Diose, jich la yac' junajuc co'tan jbatic soc ta swenta bit'il laj te Snich'ane. In te bit'il junajemix co'tan jbatic soque, jich me c'axem to xan ya xcolotic ta swenta te bit'il cuxulix stuquele.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Salmos 41:13

Te Cajwaltic, te Dios yu'un Israel, jelawen yutsil sc'oplal ta ora to soc ta sbajt'el q'uinal. Jichuc.

1 Crónicas 29:20

Te David la yalbey spisil te tsobleje: —Ora yo'tic albeyaic yutsil sc'oplal te Cajwaltic te Dios cu'untique —xi'. Jich yu'un te tsoblej mero soc yo'tanic la yalbeyic yutsilal te Cajwaltic te Dios yu'un te antiguo sme'-static, la squejan sbaic ta stojol te Cajwaltic soc ta stojol te muc' ajwalile.

1 Reyes 8:15

Jich la yal: —Bin nax yutsil te Cajwaltic, te Dios cu'untic te israelotique, melel c'otix ta pasel te bi la yalbey te David, ja' te jtat, te bit'il jich la yalbeye:

1 Juan 4:7

Quermanotac te c'uxex ta co'tane, ya sc'an te talel c'axel c'ux ya caiy jbajtique, melel ta swenta Dios ya xtal te c'uxul-o'tanile. Spisil mach'a ay xc'uxul yo'tan, ayinemix ta swenta Dios abi, soc sna'ojbey sba te Diose.

1 Tesalonicenses 4:13

Quermanotac, ya jc'antic te ya ana'ic stojol ta lec te bit'il ay sc'oplal yu'un Dios te mach'atic wayemix sbaq'uetalic, swenta yu'un ma me jichuc ya amel awo'tanic te bit'il ya smel yo'tanic te mach'atic ma'yuc bila smuc'ulinej yo'tanique.

Gálatas 6:16

Spisil mach'a xch'uunejic in c'op to, pajal me lamal q'uinal ya yaiyic soc pajal me ya yich'ic c'uxtayel soc spisil te lum Israele.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

1 Pedro 1:13

Jich yu'un, chajbana me abaic soc ayuc me sp'ijil awo'tanic. Junuc me awo'tanic ya amaliyic spisil ora te bila ya yac'beyex Dios ta swenta yutsil yo'tan te c'alal ya xchicnaj tel te Cristo Jesuse.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

1 Pedro 3:5

Jich bit'il te namey q'uinal antsetic te la xch'uunic te Diose, ja' la xch'al sbaic a te yutsil yo'tanique, soc la yich'ic ta muc' te smamlalique.

1 Pedro 3:15

Ich'aic ta muc' ta awo'tanic te Cajwaltic Cristoe. Chapaluquex me spisil ora ta sujt'esbeyel sc'opic te mach'atic ya sjojc'obat te bit'il ay te bin nax awo'tanic ta smaliyel te bila ya x'ac'botex ta apisilic yu'un te Diose. Lamaluc me awo'tanic ta stojolic soc sbelal me xc'opojex.

2 Crónicas 31:8

C'alal ba yil te muc' ajwalil Ezequías soc te sjo'tac ta ajwalil te busajtique naxe, la yalbeyic yutsil sc'oplal te Cajwaltic soc te lum Israel yu'une.