1 Juan 5:19 - Bible in Tzeltal de Oxchuc y Tenejapa

¹⁹ Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Nuevo Testamento Tzeltal de Amatenango

¹⁹ Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

Bible in Tzeltal Bachajón

¹⁹ Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

1 Juan 5:19 Referans Kwoze

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Gálatas 1:4

Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

San Juan 16:11

Te castigo yu'un mulil, ja' te ya yich' castigo te ajwalil yu'un te balumilale.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

1 Juan 5:13

La jts'ibubeyex in to, ja'ex te ach'uunejic te sbiil te Snich'an Diose, swenta yu'un jich me ya ana'ic stojol te ay acuxlejalic sbajt'el q'uinal.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

1 Juan 5:10

Te mach'a ya xch'uun te Snich'an Diose, ay ta yo'tan te testigo-c'op yaloj te Diose. Yan te mach'a ma xch'uun te testigo-c'op yalojix te Diose, ja' la spas lot ta sc'op te Diose, melel ma ba xch'uunej te testigo-c'op yu'un Dios ta swenta te Snich'ane.

1 Juan 3:24

Spisil mach'a yat'elinej xch'uunel smandal te Diose, jich jc'axel ainemix ta yo'tan te Diose soc ainemix ta yo'tan uuc. Jna'ojtic stojol te jc'axel ainem ta co'tantic ta swenta te Espíritu te yac'ojbotique.

Apocalipsis 20:3

Soc la xch'oj ochel ta xaab, la smac jilel ta llave, soc la smac jilel ta sello, swenta yu'un ma ba ya slo'layix a te chajbalchajp nacionetique, ja' to teme loc' te jmil (1,000) ja'wile. Te c'alal loq'uix a te jmil (1,000) ja'wile, ya me yich' coltayel loq'uel jun chebuc c'aal.

1 Juan 5:18

Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

2 Corintios 5:1

Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

Romanos 8:16

Ja' nix te Espíritu te ya xc'opoj ta co'tantique, te ya yac' jna'tic te jo'otic yal-snich'anotic te Diose.

1 Juan 3:14

Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

2 Timoteo 1:12

Ja' swentail te ay jwocol yu'un ta ora to. Ja'uc me to, ma ba ya xq'uexawon yu'un, melel ya jna' te mach'a jch'uuneje, soc xch'uunej co'tan te bit'il ay yu'el ta scanantayel te bila cac'ojix jilele ja' to te c'alal ya sta sc'aalelal te ya xcha'tal xane.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

San Lucas 4:6

Te pucuje la yal: —Ya cac'bat tulan awat'el ta swentainel spisil ta jchajp in lumetic to soc te yutsilale. Melel ochem ta jwenta spisilic, chican co'tan jtuquel te mach'a ya cac'beye.

San Juan 17:15

Ma ja'uc ya calbat wocol yu'un te ya aloq'uesbon ta balumilale; ja' ya jc'anbat te ma xawac' a te bila amene.

1 Juan 5:15

Teme jna'ojtic stojol te yaiyojbotic stojol te bila la jc'anbeytique, jich la jna'tic stojol te ja' la yac'botiquix te bila c'anbil cu'untique.