1 Juan 5:14 - Bible in Tzeltal de Oxchuc y Tenejapa

¹⁴ Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.

Nuevo Testamento Tzeltal de Amatenango

¹⁴ Jun koꞌtantik ta stojol te Diose, porke jnaꞌojtik teme ay tut ya jkꞌanbetik jich tutꞌil te ya skꞌan yoꞌtane, ya yaꞌibotik.

Bible in Tzeltal Bachajón

¹⁴ Ha smuc'ul co'tantic ini ta stojol Dios: teme hich ya jc'ambetic te bin ya sc'an yo'tan stuquel, ya ya'iyotic.

1 Juan 5:14 Referans Kwoze

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

Jeremías 33:3

Awtayawon, ya jac'bat. Soc jich ya calbat bitic muc' sc'oplal soc te bitic ma xju' ta na'el awu'une.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Mateo 21:22

Spisil te bila ya ac'anic ta sc'oponel te Diose, ya x'ac'botex teme jich ach'uunejique —xi' te Jesuse.

Salmos 34:17

Te Cajwaltic yat'elinej yaiybel sc'op te mach'atic toj yo'tanique, soc ya yac' ta libre yu'un spisil te swocolique.

Santiago 4:3

Manchuc teme ya ac'anique, ja'uc me to, ma x'ac'botex, yu'un ma lecuc awo'tanic ta sc'anel. Melel ja' nax ya ac'anic yu'un te ya xbujts'naj awo'tanic yu'une.

San Juan 9:31

Jna'ojtic stojol ta jpisiltic te Dios ma xyaiybey stojol sc'op te jmulawiletique. Ja' nax ya yaiybey stojol sc'op te mach'atic jun yo'tanic ta stojole soc te ya spas te bila ya sc'an yo'tane.

Efesios 3:12

Soc ja' ta swenta Cristo te ya xju' ya xnoptsajotic ta stojol te Diose. Jun co'tantic ya x'ochotic tey a ta swenta bit'il te xch'uunjel co'tantique.

San Juan 16:24

Ma to ayuc bila ac'anojic ta jwenta. C'anaic, jich me ya yac'beyex, swenta yu'un jich me ya xbujts'naj ta lec awo'tanic yu'un.

1 Juan 2:28

Jich yu'un, cal-jnich'nab, jc'axel ainanic soc te Cristoe, swenta yu'un jun nax co'tantic te c'alal ya quilbeytic site. Jich me ma jtatic q'uexlal ta stojol te c'alal ya xchicnaj tele.

Proverbios 15:29

Te Cajwaltic ya spijt'es te mach'atic amen yo'tanique; yan te mach'atic toj yo'tanique, ja' ya yat'elinbey yaiyel stojol sc'opic.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

Salmos 69:33

Melel te Cajwaltic ya yaiybey sc'opic te mach'a me'baetic; ma ba ya xch'ay te mach'atic yu'un te ayic ta chuquele.

Salmos 31:22

Te c'alal tenbilonix la caiy, la cal ta co'tan te aloq'uesejonix ta atojole; ja'uc me to, te c'alal la jc'anbat te coltayele, la awaiybon stojol te cawe.

Hebreos 10:35

Ma me xch'ay awu'unic te bit'il jun awo'tanic ta stojol te Diose, melel ya me x'ac'botex muc' amajt'anic yu'un.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

San Juan 11:42

Jna'oj stojol te spisil ora ya awaiybon stojol te jc'ope. Ja'uc me to, ya cal ta scaj te bayal mach'atic sepoj sbaic li'to, yu'un jich me ya xch'uunic te ja'at la aticunon tele —xi'.

Job 34:28

Ja' ta swentaic te awunic ta stojol Dios te me'baetique, soc nix te mach'atic ay swocolic ta uts'inele, jich aiybot sc'opic yu'un Dios.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

1 Reyes 3:12

Ja' yu'un, ya me cac'bat te bila la ac'anbone. Ya me cac'bat ana' spisil, soc ya me cac'bat sp'ijil awo'tan yu'un stsajtayel spisil. Ma'yuc jich sp'ijil yich'ojic te mach'atic neel c'ax awu'une, soc ni ayuc mach'a jich ya yich' xan te mach'a patil awu'une.

Salmos 145:19

Te mach'atic ya yich'ic ta muc' te Cajwaltic, ya me x'ac'botic yu'un te bila ya sc'anique; c'alal ya sc'anbeyic coltayel, ya me x'aiybot sc'opic, ya me yich'ic coltayel.

Proverbios 10:24

Te mach'a amen yo'tane, ya me xc'ot ta swenta te bila ya xi'e; yan te mach'a toj yo'tane, ja' ya x'ac'bot te bila ya sc'an yo'tane.