1 Juan 4:8 - Bible in Tzeltal de Oxchuc y Tenejapa

⁸ Yan te mach'a ma'yuc xc'uxul yo'tane, yu'un nanix ma sna'bey sba te Diose, te melel ja' Jc'uxul-o'tanil stuquel te Diose.

Nuevo Testamento Tzeltal de Amatenango

⁸ Te machꞌa ma xkꞌuxutaywane, ma snaꞌojbeyuk sba te Diose, porke te Diose ay xkꞌuxul yoꞌtan.

Bible in Tzeltal Bachajón

⁸ Yan te mach'a ma sna' c'uxultaywanej, ma sna'be sba te Diose, como jc'uxultaywanej stuquel te Diose.

1 Juan 4:8 Referans Kwoze

1 Juan 4:16

Jich jna'ojtic stojol, soc xch'uunej co'tantic te c'uxotic ta yo'tan te Diose. Ja' Jc'uxul-o'tanil te Diose. Jich yu'un te mach'a jc'axel ay ta bay te xc'uxul yo'tane, ja' jc'axel ainemix ta yo'tan te Diose, soc jc'axel ainemix ta yo'tan uuc.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

1 Juan 4:7

Quermanotac te c'uxex ta co'tane, ya sc'an te talel c'axel c'ux ya caiy jbajtique, melel ta swenta Dios ya xtal te c'uxul-o'tanile. Spisil mach'a ay xc'uxul yo'tan, ayinemix ta swenta Dios abi, soc sna'ojbey sba te Diose.

2 Corintios 13:11

Lec ay, quermanotac, ayuc me sbujts' awo'tanic spisil ora. Antayaic me te lec ya xc'oexe. Muc'ubenuc me q'uinal ya awaiyic spisil ora. Junuc me awo'tan abaic soc lamaluc me q'uinal awu'unic. Ac'a sjoinex spisil ora te Diose, te lamal q'uinal ta swentae soc te bayal c'uxex ta yo'tan stuquele.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Efesios 2:4

Ja'uc me to, te Diose, mero Jc'uxtaywanej stuquel. Ta swenta smuc'ul xc'uxul yo'tan te la xcuxtayotique.

1 Juan 1:5

Ja' in sc'op Dios to, ja' la yac'botic jnoptic te Jesucristoe. Ja' te ya calbeyex awaiyic: Te Diose, ja' saquil q'uinal, ma'yuc ijc' q'uinal ta swenta stuquel.

1 Juan 3:6

Spisil mach'a jc'axel jun ay soc te Jesucristoe, jich ma ba ya sleulay smul. Yan te mach'a ya sleulay smule, yu'un nanix ma yilojuc a soc ma sna'bey sba.

1 Juan 2:9

Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

Hebreos 12:29

Melel te Dios cu'untique, jich ay te bit'il c'ajc' te ya xju' ya xlajinwane.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.