1 Juan 3:22 - Bible in Tzeltal de Oxchuc y Tenejapa

²² Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

Nuevo Testamento Tzeltal de Amatenango

²² Sok jich me ya yaꞌbotik spisil te tut ya jkꞌanbetike, porke jchꞌuunejbetik te mantaliletik yuꞌune y ya jpastik te tut lek ya yile.

Bible in Tzeltal Bachajón

²² soc ha ya ya'botic spisil bintic ya jc'ambetic, como ya jch'uhumbetic te mandariletic yu'un soc ya jpastic te bin lec yo'tan yu'une.

1 Juan 3:22 Referans Kwoze

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Juan 9:31

Jna'ojtic stojol ta jpisiltic te Dios ma xyaiybey stojol sc'op te jmulawiletique. Ja' nax ya yaiybey stojol sc'op te mach'atic jun yo'tanic ta stojole soc te ya spas te bila ya sc'an yo'tane.

San Mateo 21:22

Spisil te bila ya ac'anic ta sc'oponel te Diose, ya x'ac'botex teme jich ach'uunejique —xi' te Jesuse.

1 Juan 5:14

Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.

San Marcos 11:24

Ja' swentail te ya calbeyexe, te bila ya ac'anic ta sc'oponel Dios, ac'a xch'uunjel awo'tanic te ya yac'beyexe. Jich me ya awich' te bila ya ac'anique.

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

Proverbios 15:29

Te Cajwaltic ya spijt'es te mach'atic amen yo'tanique; yan te mach'atic toj yo'tanique, ja' ya yat'elinbey yaiyel stojol sc'opic.

Salmos 34:4

La jle te Cajwale, la stsacbon jc'op, jich jilon ta libre yu'un spisil te xiwele.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

San Juan 8:29

Te bit'il sticunejonix tel te Jtate, ma ba pijt'emon yu'un. Sjoinejon te Jtate, yu'un ja' nax ya jpas te bila lec yo'tan yu'un —xi'.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

Jeremías 33:3

Awtayawon, ya jac'bat. Soc jich ya calbat bitic muc' sc'oplal soc te bitic ma xju' ta na'el awu'une.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

San Juan 6:29

Te Jesús jich la yalbey: —Ja' in to: Ja' yat'el Dios teme ya ach'uunonic te ticunbilon tel yu'une —xi'.

Filipenses 4:18

Te bila la aticunic tele la quich'ix ta spisil. C'ax bayalix a. Ma'yuquix falta ya caiy a te bit'il la quich'ix te la aticunbonic tel soc te Epafroditoe. Te majt'anil la aticunbonic tele, xuq'uet nax sbujts' ta stojol Dios, jich bit'il milbil majt'anil te bin nax yo'tan yu'un te Diose.

Hechos 17:30

Te Diose, ma'yuc bila la yal yu'un te jich yipal c'aal ayiquix tel te ants-winiquetic te bit'il ma la sna'ic stojole. Yan ta ora to, ya spasix ta mandal spisil ants-winiquetic ta bayuc te ya sujt'es yo'tanique.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

Proverbios 28:9

Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.

Salmos 10:17

Cajwal, ya awaiybey stojol sc'op te ya sc'oponat te mach'atic peq'uelique, ja'at ya awac'bey yip yo'tan, soc ya awentain.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Job 22:26

Ja' me yutsilal awo'tan spisil ora, soc ay me smuc'ul awo'tan ta stojol.

Santiago 4:3

Manchuc teme ya ac'anique, ja'uc me to, ma x'ac'botex, yu'un ma lecuc awo'tanic ta sc'anel. Melel ja' nax ya ac'anic yu'un te ya xbujts'naj awo'tanic yu'une.

1 Juan 2:3

Teme ya jch'uunbeytic smandal te Diose, tey ya jna'tic stojol a te jna'ojbeytic sbae.