1 Juan 3:21 - Bible in Tzeltal de Oxchuc y Tenejapa

²¹ Quermanotac te bayal c'uxex ta co'tan, teme ma ba ya yalbotic co'tantic te ay jmultic, jich ay smuc'ul co'tantic ta stojol te Diose.

Nuevo Testamento Tzeltal de Amatenango

²¹ Kermanotak te kꞌuxex ta koꞌtane, teme maꞌyuk tut ya yalbotik te koꞌtantike, ay smukꞌul koꞌtantik ta stojol te Diose.

Bible in Tzeltal Bachajón

²¹ Ha'ex te c'uxex ta co'tan, teme mayuc bin ya yalbotic te co'tantic, hich jun co'tantic ayotic ta stojol a te Diose;

1 Juan 3:21 Referans Kwoze

1 Juan 2:28

Jich yu'un, cal-jnich'nab, jc'axel ainanic soc te Cristoe, swenta yu'un jun nax co'tantic te c'alal ya quilbeytic site. Jich me ma jtatic q'uexlal ta stojol te c'alal ya xchicnaj tele.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

1 Juan 5:14

Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.

Salmos 101:2

Ya jc'an toj ya x'ainon ta q'uinal. ¿Bi ora ya xtalat ta jtojol? Ma'yuc bila amen jpasoj, ni ta jna;

1 Juan 4:17

Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Job 22:26

Ja' me yutsilal awo'tan spisil ora, soc ay me smuc'ul awo'tan ta stojol.

1 Corintios 4:4

Melel ma'yuc bila amen jpasoj ya caiy ta co'tan, ja'uc me to, ma xcal te ma'yuc te jmule. Ja' ay ta swenta yalel stuquel te Cajwaltic te bi quilel ya yile.

Job 27:6

Ma ba ya jquejch'an yalel te toj ayon, melel ma'yuc bi ya stijbon ta c'op ya caiy te co'tane.

1 Timoteo 2:8

Jich yu'un ya jc'an te ya sc'oponic Dios ta bayuc te winiquetique. Te c'alal ya stoyes sc'abic ta sc'oponel te Diose, ya sc'an ch'ultesbiluc, soc ma me ilinemuc yo'tanic, soc ma me ayuc guerra ta yo'tanic.

Romanos 14:22

Te bit'il ay xch'uunjel awo'tan te ja'ate, jich me ya sc'an ya apasulay ta stojol te Diose. Bin nax me yutsil te mach'a ya sna' te ma ja'uc ya sta smul a te bila ya spase.

Efesios 3:12

Soc ja' ta swenta Cristo te ya xju' ya xnoptsajotic ta stojol te Diose. Jun co'tantic ya x'ochotic tey a ta swenta bit'il te xch'uunjel co'tantique.

1 Juan 2:7

Quermanotac, ja'ex te bayal c'uxex ta co'tane, ma ach' mandaliluc te la jts'ibubeyexe. Ja' nix te namey mandalil te awaiyojic stojol ta xjajch'ibal toe. Soc ma yanuc, ja' nix te mandalil te la awaiyiquix stojole.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

1 Juan 3:20

Teme ya yalbotic co'tantic te ay jmultic, ja'uc me to, te Diose, c'ax to xan jich stuquel a te bit'il te co'tantique. Melel spisil sna'oj stuquel.