1 Juan 3:19 - Bible in Tzeltal de Oxchuc y Tenejapa

¹⁹ Jich jna'ojtic stojol te wentainbilotic yu'un te smelelil c'ope, soc jich ma'yuc bi ya x'ayan co'tantic yu'un ta stojol te Diose.

Nuevo Testamento Tzeltal de Amatenango

¹⁹ Te jich aye, jnaꞌojtik te yuꞌunotik te tut batsꞌi jiche, y jich ya kaꞌitik ta koꞌtantik te seguro ayotik ta stojol te Diose.

Bible in Tzeltal Bachajón

¹⁹ Hich to me ya jna'tic a te ayotic ta scuenta te smelelil c'op, soc hich ya jna'tic a te jun co'tantic ayotic ta stojol te Dios,

1 Juan 3:19 Referans Kwoze

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

1 Juan 3:21

Quermanotac te bayal c'uxex ta co'tan, teme ma ba ya yalbotic co'tantic te ay jmultic, jich ay smuc'ul co'tantic ta stojol te Diose.

Isaías 32:17

Te stojil chajbanele, ja' ya yac' lamal q'uinal, senel q'uinal soc smuc'ul-o'tanil ta sbajt'el q'uinal.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

2 Timoteo 1:12

Ja' swentail te ay jwocol yu'un ta ora to. Ja'uc me to, ma ba ya xq'uexawon yu'un, melel ya jna' te mach'a jch'uuneje, soc xch'uunej co'tan te bit'il ay yu'el ta scanantayel te bila cac'ojix jilele ja' to te c'alal ya sta sc'aalelal te ya xcha'tal xane.

Romanos 4:21

Melel jc'axel la yac' ta yo'tan te ay yu'el te Diose, te ya yac' c'otuc ta pasel ta swenta spisil te bila yaloje.

San Juan 13:35

Teme c'ux ya awaiy abaique, tey me ya sna'ic stojol spisil te mach'atic ayic ta balumilal te bit'il jnopojelex cu'un ta melele —xi' te Jesuse.

1 Juan 3:14

Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

Hebreos 11:13

Spisilic in to, te c'alal lajic baele, ma to ac'bot yu'uninic te bila la yal te Diose. Ja'uc me to, ta swenta xch'uunjel yo'tanic c'ubul to yacalic ta yilel, la xch'uun yo'tanic, soc bayal sbujts' yo'tanic yacalic ta sna'el. Jich la yalic ta jamal te c'axel c'axel nax ayic soc beom nax ayic ta smajanel te q'uinale.

Romanos 8:38

Jich yu'un, jich ay ta co'tan: Ni ja'uc te lajele, ni ja'uc te cuxinele, ni ja'uc te ch'ul abatetique, ni ja'uc te mach'atic ay tulan yat'elique, ni ja'uc te mach'atic ay yu'elique, ni ja'uc ta ora to, ni ja'uc ta patil,

1 Juan 2:21

La jts'ibubeyex in to, ma yu'unuc ma to ba ana'ojic te smelelil c'ope, melel ana'ojiquix. Jich ana'ojic stojol ta lec te xujt' ma'yuc lotil c'op ya xchicnaj ta swenta te smelelil c'ope.

1 Juan 3:20

Teme ya yalbotic co'tantic te ay jmultic, ja'uc me to, te Diose, c'ax to xan jich stuquel a te bit'il te co'tantique. Melel spisil sna'oj stuquel.

Salmos 119:56

Ay ta jwenta spasel te ya jch'uun te mandaliletic awu'une.