1 Juan 3:17 - Bible in Tzeltal de Oxchuc y Tenejapa

¹⁷ Te mach'a ay bila ay yu'un li' ta balumilal to, teme ya yil te yermano te ma'yuc bi ay yu'une, teme ma ba ya xc'uxtaye, yu'un nanix ma c'uxuc ya yaiy ta yo'tan a te Diose.

Nuevo Testamento Tzeltal de Amatenango

¹⁷ Yuꞌun teme ay jtuluk te jkꞌuleje y ya yil te yermano te ay tut puersa ya skꞌan koltayele, pero teme makꞌ ya yaꞌbeye, ¿tutꞌil kꞌan ayuk skꞌuxul yoꞌtan Dios ta yoꞌtan?

Bible in Tzeltal Bachajón

¹⁷ Te mach'a ay bintic ay yu'un ta bahlumilal, teme ya yil te mayuc bin ay yu'un te yermano, pero teme ma sc'an ya sc'uxultay, ¿bin ut'il ay sc'uxul yo'tan Dios ta yo'tan?

1 Juan 3:17 Referans Kwoze

Hebreos 13:16

Soc ma me xch'ay ta awo'tanic te bit'il ya sc'an ya awat'elinic spasel te bila leque soc te ya ac'uxtayic yantic a te bila ay awu'unique. Spisil in to ja' smajt'an cu'untic te bin nax yo'tan Dios yu'une.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?

San Lucas 3:11

La yal te Juane: —Te mach'a ay cha'lijc' sc'u' ya sc'an ya yac'bey lijc'uc te mach'a ma'yuc sc'u'e. Ja' nanix jich te mach'a ay swe'ele, ya sc'an ya yac'bey uuc te mach'a ma'yuc swe'ele —xi'.

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Santiago 2:15

Jich bit'il teme ay jtul quermanotic, chican teme ants o teme winique, te ma'yuc sc'u'-spac' soc swe'el ya xtuun yu'un te jujun c'aale,

Proverbios 28:9

Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

Proverbios 12:10

Te mach'a toj yo'tan, ya sna' te ay yo'bolil sba te xchamsbalame; yan te mach'a amen yo'tane, ma'yuc bi ya sna'bey yo'bolil sba.

Proverbios 14:31

Teme ya jtentic ta uts'inel te me'bae, ja' me ya cuts'intic a te Jpaswanej cu'untique; yan teme ya jna'beytic yo'bolil sba te me'bae, ja' me ya quich'tic ta muc' a te Jpaswaneje.

Proverbios 21:13

Te mach'a ma xyich'bey ta wenta te bi ya yal wocol yu'un te me'ba, ja' nix me jich ma x'ac'bot sujt'ib te c'alal ya sc'an coltayele.

Santiago 2:16

soc teme ay jtulex te ja'exe te jich ya awalbeyique: “Lec ay, quermano, baan, ma me xamel awo'tan. Q'uixinan me, we'an uch'ajan, mac'lina aba ta lec”, teme ya awute, ja'uc me to, teme ma ba ya awac'bey ts'iin te bila ya xtuun yu'un soc te sbaq'uetale, ¿bila ya sta yu'un awaiy te jich la awalbeye?