1 Juan 3:15 - Bible in Tzeltal de Oxchuc y Tenejapa

¹⁵ Spisil mach'a yilayej te yermanoe, ja' jmilawal abi. Soc ana'ojic stojol te jc'axel ma'yuc ta swenta cuxinel sbajt'el q'uinal te mach'a jmilawale.

Nuevo Testamento Tzeltal de Amatenango

¹⁵ Spisil te machꞌa ya spꞌaj te yermanoe, jaꞌ jmilaw abi. Y te jaꞌexe anaꞌojik te ni jtuluk jmilaw ya xjuꞌ ya sta te kuxlejal sbajtel kꞌinal stukele.

Bible in Tzeltal Bachajón

¹⁵ Spisil mach'a ya yil-o'tantay te yermano, jmilaw me c'ohem. Ana'ojic te mayuc jtuhluc jmilaw te ay scuxlejal scuenta sbahtel q'uinal.

1 Juan 3:15 Referans Kwoze

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Hechos 23:14

Jich la sc'oponic te wolwanej-sacerdoteetic soc te principaletic yu'un te judioetique, jich c'o yalic ta stojol: —Te jo'otique la jchaptiquix jc'optic te ya me yac'botic castigo te Diose teme ya xwe'-x'uch'ajotic te bit'il ma to xlaj ta milel cu'untic a te Pabloe.

Santiago 1:15

Teme ya x'ipaj te bic'tal-o'tanile, tey ya xchicnaj a te mulile. Soc teme la yich' yip te mulile, tey ya xchicnaj a te lajele.

Hechos 23:12

Ta yan c'aal ay judioetic te la xchap sc'opic te bit'il ya smilic te Pabloe: —Ya me yac'botic castigo te Dios teme ya xwe'-x'uch'ajotic te bit'il ma to xlaj ta milel cu'untic a te Pabloe —xiic ta xchapel.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Marcos 6:19

Jich te Herodiase ilin yo'tan yu'un. Yo'tan c'an smil ta ora te Juane, ja'uc me to, ma ju' yu'un.

San Mateo 5:28

Ja'uc me to, jo'on ya calbeyex: Spisil mach'a ya xbic'taj sit ta smulanel te antse, la yaiyix mulwej ta yo'tan soc abi.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

1 Pedro 1:23

Melel cha'ayinemexix, ma ja'uc ta swenta bila ya xlaje, ja' ta swenta te sc'op Dios te cuxul soc te ma xlaj sbajt'el q'uinale.

Deuteronomio 19:11

“Pero teme ay jtul winic te scontroinej yan, te spisil ora yac ta sleel bila ya yute, teme la sta yorail ju' yu'un te la smile, teme tey bajt' ta anel ta lum anjibal te c'alal la smile,

1 Juan 2:9

Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

1 Juan 2:11

Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.