1 Juan 3:14 - Bible in Tzeltal de Oxchuc y Tenejapa

¹⁴ Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

Nuevo Testamento Tzeltal de Amatenango

¹⁴ Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.

Bible in Tzeltal Bachajón

¹⁴ Jna'ojtic te ma ba ayotiquix ta scuenta lajel, ayotiquix ta scuenta cuxlejal, como c'ux ya ca'iy ta co'tantic te quermanotactique. Te mach'a ma ba c'ux ya ya'iy ta yo'tan te yermano, yu'un ni me ay to ta scuenta lajel a abi.

1 Juan 3:14 Referans Kwoze

1 Juan 5:2

Teme c'ux ya caiytic ta co'tantic te Diose, soc teme ya cat'elintic spasel te bi la yal ta mandale, yu'un nanix c'ux ya caiytic ta co'tantic uuc te mach'a yal-snich'nab te Diose.

San Juan 13:35

Teme c'ux ya awaiy abaique, tey me ya sna'ic stojol spisil te mach'atic ayic ta balumilal te bit'il jnopojelex cu'un ta melele —xi' te Jesuse.

1 Tesalonicenses 4:9

Ja'uc me to, ma yejt'aluc te ya calbeyex xan ta jun te bit'il ya sc'an te c'ux ya caiy jbajtic ta co'tantic soc te quermanotactique, te melel p'ijubtesbilex yu'un Dios te bit'il ya sc'an te c'ux ya awaiy abaique.

San Juan 5:24

“Jamal ya calbeyex, ja' te mach'a ya yaiybon stojol te jc'ope, soc teme ya xch'uun te mach'a la sticunon tele, ya me xcuxin sbajt'el q'uinal. Ma ba ya x'ac'ot ta castigo, jich ma'yuquix ta swenta lajel, ayix ta swenta cuxinel.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

Hebreos 13:1

Ma me xawijq'uitayic te talel c'axel c'ux ya awaiy abaic te bit'il awermano abaique.

San Juan 15:12

Te jmandal ya calbeyexe, ja' te c'ux ya awaiy abaic ta awo'tanique, jich te bit'il c'ux la caiyex ta co'tan te jo'one.

1 Juan 4:12

Jtul ma'yuc mach'a yilojbey sit te Diose. Teme talel c'axel c'ux ya caiy jbajtique, yu'un nanix jc'axel ainemix ta co'tantic a te Diose, soc jich me ya cac'tic ta ilel te xc'uxul yo'tan Dios cu'untic.

1 Juan 3:23

Te smandal yaloje, ja' in to: Ja' te ya jch'uunbeytic sbiil te Snich'ane, ja' te Jesucristoe, soc te talel c'axel c'ux ya caiy jbajtique, jich bit'il yalojbotic mandal te Cristoe.

1 Pedro 3:8

Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque.

Colosenses 1:4

Yu'un la caiytiquix stojol te bit'il ay xch'uunjel awo'tanic ta stojol te Cristo Jesuse, soc te bit'il c'ux ya awaiy abaic ta awo'tanic soc spisil te mach'atic ch'ul lum yu'un te Diose.

Efesios 1:15

La caiyix stojol te bit'il ay xch'uunjel awo'tanic ta swenta te Cajwaltic Jesuse soc te bit'il c'ux ya awaiy ta awo'tanic spisil te mach'atic ch'ul lum yu'un te Diose.

1 Juan 5:13

La jts'ibubeyex in to, ja'ex te ach'uunejic te sbiil te Snich'an Diose, swenta yu'un jich me ya ana'ic stojol te ay acuxlejalic sbajt'el q'uinal.

San Juan 15:17

Te jmandal ya calbeyexe, ja' te talel c'axel c'ux ya awaiy abaic ta awo'tanique.

1 Juan 2:3

Teme ya jch'uunbeytic smandal te Diose, tey ya jna'tic stojol a te jna'ojbeytic sbae.

2 Pedro 1:7

Teme la ana'ic spisil ora te Diose, junuc me awo'tan abaic soc te awermanotaque. Teme junaj awo'tanique, c'ux me x'awaiy abaic.

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

2 Corintios 5:1

Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

Salmos 16:3

Te yajcananic te ay ta jlumale, bayal yu'el ta sc'opic, jich ya yalic te mach'atic bin nax yo'tanic yu'un.

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

San Lucas 15:24

Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

Proverbios 21:16

Te ants-winic te ma st'un te sbelal te p'ijil c'ope, ya me xc'o stejc'an sba ta yolilic te mach'atic lajemique.

San Lucas 7:5

Melel c'ux ta yo'tan te jlumaltique, soc ja' nix la yac' ta pasel te sinagoga cu'untique —xiic.