1 Juan 3:13 - Bible in Tzeltal de Oxchuc y Tenejapa

¹³ Quermanotac, ma me x'ayan awo'tanic yu'un teme ya yilayex te mach'atic yu'unic te balumilale.

Nuevo Testamento Tzeltal de Amatenango

¹³ Kermanotak, ma me tut xyal awoꞌtanik teme ya spꞌajex te machꞌatik ayik ta skuenta te balmilale.

Bible in Tzeltal Bachajón

¹³ Quermanotac, ma me jchahpuc xawa'iyic a teme ya yil-o'tantayex te mach'atic ayic ta scuenta te bahlumilale.

1 Juan 3:13 Referans Kwoze

San Juan 17:14

Te jo'one la calbey yaiyic te ac'ope. Pero te mach'atic ayic ta swenta te balumilale la yilayic, yu'un ma swentauc te balumilale, jich bit'il ma yu'unucon balumilal te jo'one.

San Lucas 21:17

Soc ya me yilayex ta spisilic ta swenta jbiil.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

2 Timoteo 3:12

Ja' nanix jich ya me xc'ax swocolic ta uts'inel spisil te mach'atic yat'elinejic xch'uunel te Cristo Jesuse.

San Marcos 13:13

Ya me awich'ic ilayel yu'un spisil ants-winiquetic ta jwenta. Te mach'a ya xcujch' yu'un c'alal ta slajibal, lec me ayix abi.

Romanos 8:7

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Juan 7:7

Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

San Mateo 24:9

“Ya me x'ac'otex ta uts'inel, soc ay me ya xlajex ta milel. Ya me awich'ic ilayel yu'un spisil ants-winiquetic ta swenta jbiil.

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Hechos 3:12

C'alal jich la yil te Pedroe, jajch' sc'opon te lume: —Israeletic, ¿bi yu'un te yan sba ya awilic in to? ¿Bistuc te ya ana'liyotique? ¿Acuyojic bal te jo'otic la jcoltaytic in winic to? ¿Yu'un bal ya acuyic te jo'otic cu'eltic soc te bit'il lec jch'uunejtic Dios te la cac'tic beenuque?

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

San Juan 3:7

Ma me q'uejeluc nax q'uinal ya awaiy yu'un, te la calbat te ya sc'an ya xcha'ayinate.

Apocalipsis 17:7

Jich la yalbon te ch'ul abate: —¿Bi yu'un te cham nax la awaiy yu'une? Ya calbat awaiy te ants te muquen ay sc'oplale soc te muc'ul chambalam te xi'bantic sba te cajal tel a te ay jucp'ij sjol soc lajunch'ix xulub.

Proverbios 29:27

Te mach'atic lec yo'tanic, ma smulanic te mach'atic amen yo'tanique; ja' nix jich te mach'atic amen yo'tanique, ma smulanic te mach'atic lec yo'tanique.