1 Juan 3:11 - Bible in Tzeltal de Oxchuc y Tenejapa

¹¹ Melel ja' sc'op Dios in to, te awaiyojic stojol ta xjajch'ibal to tele, ja' te bit'il talel c'axel c'ux me ya caiy jbajtique.

Nuevo Testamento Tzeltal de Amatenango

¹¹ Jaꞌ to jaꞌ skꞌoplal te awaꞌiyejik te jaꞌex desde ta slijkibal to tale: jaꞌ te kꞌux me ya kaꞌiy jbajtik ta juju-tule.

Bible in Tzeltal Bachajón

¹¹ Hich ay te c'op te awa'iyejic ta shahchibal to tal: ha te talel c'axel c'ux ac'a ca'iy jbahtic.

1 Juan 3:11 Referans Kwoze

San Juan 15:12

Te jmandal ya calbeyexe, ja' te c'ux ya awaiy abaic ta awo'tanique, jich te bit'il c'ux la caiyex ta co'tan te jo'one.

2 Juan 1:5

Ta ora to, me'tic, ya calbat wocol te c'ux me ac'a caiy jbajtic ta co'tantic ta jpisiltic. Te bit'il la jts'ibubat in to, ma ach' mandaliluc te la calbate. Ja' nix te caiyojtic stojol ta xjajch'ibal toe.

1 Juan 4:7

Quermanotac te c'uxex ta co'tane, ya sc'an te talel c'axel c'ux ya caiy jbajtique, melel ta swenta Dios ya xtal te c'uxul-o'tanile. Spisil mach'a ay xc'uxul yo'tan, ayinemix ta swenta Dios abi, soc sna'ojbey sba te Diose.

1 Juan 4:21

Melel jich la yalbotic mandal te Diose: “Te mach'a c'ux ya yaiy ta yo'tan te Diose, c'uxuc me ac'a yaiy ta yo'tan uuc te yermanoe”, te xie.

1 Pedro 4:8

Ja' tulan sc'oplal stuquel te ma p'isbiluc nax c'ux ya awaiy abaic ta awo'tanic, melel te c'uxul-o'tanile, ya xch'ay bayal ta jten mulil yu'un.

1 Pedro 3:8

Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

1 Juan 1:5

Ja' in sc'op Dios to, ja' la yac'botic jnoptic te Jesucristoe. Ja' te ya calbeyex awaiyic: Te Diose, ja' saquil q'uinal, ma'yuc ijc' q'uinal ta swenta stuquel.

1 Tesalonicenses 4:9

Ja'uc me to, ma yejt'aluc te ya calbeyex xan ta jun te bit'il ya sc'an te c'ux ya caiy jbajtic ta co'tantic soc te quermanotactique, te melel p'ijubtesbilex yu'un Dios te bit'il ya sc'an te c'ux ya awaiy abaique.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

1 Timoteo 1:5

Te bi swentailuc in mandal to, ja' te xc'uxul-o'tanil te ayinem ta bay lequil-o'tanil, soc te lequil nopjibale, soc te xch'uunjel-o'tanil ta melel.

Gálatas 6:2

Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.

1 Juan 4:11

Quermanotac te c'uxex ta co'tane, te bit'il jich c'ux la yaiyotic ta yo'tan stuquel te Diose, jich yu'un ya sc'an te talel c'axel c'ux ya caiy jbajtique.