1 Juan 2:28 - Bible in Tzeltal de Oxchuc y Tenejapa

²⁸ Jich yu'un, cal-jnich'nab, jc'axel ainanic soc te Cristoe, swenta yu'un jun nax co'tantic te c'alal ya quilbeytic site. Jich me ma jtatic q'uexlal ta stojol te c'alal ya xchicnaj tele.

Nuevo Testamento Tzeltal de Amatenango

²⁸ Te ora to, kuntikil, jun nax xꞌanex sok te Cristo ta jmel nax. Yuꞌun me jun koꞌtantik a te kꞌalal ya xchiknaj tale, y jich makꞌ jtajtik kꞌexlal ta sit stukel te kꞌalal ya xtale.

Bible in Tzeltal Bachajón

²⁸ Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.

1 Juan 2:28 Referans Kwoze

1 Juan 4:17

Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.

San Marcos 8:38

Teme ya xq'uexawex cu'une soc teme ya xq'uexawex yu'un te jc'op ta stojol te mach'atic ayic ta q'uinal ta ora to te ma junuc yo'tanic ta stojol Dios soc te c'aemic ta mulile, ja' nix jich ya me xq'uexaw awu'unic uuc te Nich'anile, te c'alal ya xtal soc yutsilal te State soc te ch'ul abatetic yu'une —xi' te Jesuse.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

1 Juan 3:21

Quermanotac te bayal c'uxex ta co'tan, teme ma ba ya yalbotic co'tantic te ay jmultic, jich ay smuc'ul co'tantic ta stojol te Diose.

Colosenses 3:4

Ja' acuxlejalic te Cristoe. Jich te c'alal ya xchicnaj tele, tey me ya xchicnajex soc a. Jich me ya ajoinic tey a ta bay nojel te yutsilale.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Tesalonicenses 3:13

Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.

Malaquías 3:2

Ja'uc me to, ¿mach'a ya xcujch' yu'un te bi c'aalil ya xtale? ¿Mach'a ya xju' yu'un te stalel teq'uel ya xjile? Melel jich ya xjul te bit'il c'ajc' te ya slecubtesotic, jich bit'il xapon te ya sloq'uesbotic sbolil te co'tantique.

1 Juan 5:14

Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.

1 Pedro 5:4

Jich te c'alal ya xchicnaj te Mach'a mero Jwolwanej yu'un te jcanan-chijetique, ya me awich' acoronaic te ma sna' xlaj soc te jelawen yutsile.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

1 Tesalonicenses 2:19

Melel, ¿bila a te ya jmaliye? soc ¿bila a te xbujts' co'tane? soc ¿bila a te corona te toyol q'uinal ya caiy yu'une? ¿Ma bal ja'uc te ja'exe te ayex ta stojol te Cajwaltic Jesucristoe? Jich me bin nax co'tan awu'unic te c'alal ya xchicnaj tele.

1 Corintios 1:7

Jich ma'yuquix bila ya spas falta awu'unic yu'un te bitic majt'anil ya yac' te Diose. Jich jun nax awo'tanic yacalex ta smaliyel te bi ora ya xchicnaj tel te Cajwaltic Jesucristoe.

Romanos 9:33

Jich bit'il ts'ibubil ta Sjun te Diose: “Jo'on ya cac' ta bay wits Sión te ton swenta c'ojch'injibale, soc te ton te ya xyaleswane. Te mach'a jayeb ya xch'uunique, ma'yuc bi ora ya staic q'uexlal yu'un”, te xie.

Tito 2:13

Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.

2 Timoteo 4:8

Ta ora to, ja' xanix ya jmaliy te jcorona te bit'il toj ainon ta q'uinale te q'uejbil yu'un te Cajwaltique, te ya yac'bon te c'alal ya sta sc'aalelal te ya xcha'tal xane. Melel ja' lequil juez stuquel te toj ya xchajbanwane. Ma jo'ocon nax jtuquel te ya yac'bon jmajt'ane, melel ya yac'bey smajt'an uuc spisil mach'atic bin nax yo'tanic ta smaliyel te bi ora ya xchicnaj tele.

1 Timoteo 6:14

Ja' ya calbat te ya me ach'uun spasel te bila la calbat ta mandale. Ma me xawac' sts'ilaj soc ma me xawac' ta c'axintayel, ja' to te c'alal ya xchicnaj tel te Cajwaltic Jesucristoe.

1 Tesalonicenses 5:23

Dios, te lamal q'uinal ta swentae, ts'acal ac'a me yutstesex. Soc ya me swentainbeyex spisil te acuxlejale: te awo'tane, te ach'ulele soc te abaq'uetale, swenta yu'un ma me ayuc bila quechel ta awentaic a te c'alal ya xchicnaj tel te Cajwaltic Jesucristoe.

1 Corintios 15:23

Ja'uc me to, juju-jtul xmelmon ya xc'ot cha'cuxel ta swenta. Ja' sbabial te Cristoe; ta patil ja' te mach'atic yu'un te Cristoe, te c'alal ya xcha'tal xan.

Malaquías 4:5

“Aiya awaiyic, ya jticunbeyex te j'alwanej Elías te c'alal ma to xc'ot sc'aalelal te Cajwaltic, te mero muc' sc'aalelal te xiweltic sbae.

Isaías 25:9

Te bi c'aalil ya xc'ot ta pasele, jich me ya yalic: “Ja' Dios cu'untic, ja' la smuc'ulin co'tantic melel ja' ya scoltayotic stuquel. Binuc nax me co'tantic, bujts'najuc me co'tantic, melel ja' la scoltayotic stuquel”, xiic me.

1 Pedro 1:7

Melel te bit'il ay xch'uunjel awo'tanique, ay yiljibal awo'tanic yu'un. Jich c'oem te bit'il oro te bayal yutsilal te ya yich' ultesel ta c'ajc' yu'un ya yich' ilel teme ma'yuc scape. Te xch'uunjel-o'tanil te ya spasot ta pruebae, c'ax jich ay sc'oplal stuquel te bit'il ay sc'oplal te oro te puersa ya xlaje. Teme chican te ay xch'uunjel awo'tanique te pasbil ta pruebae, lec me sc'oplal ya xc'ot, soc ay me yutsil, soc bayal me sc'oplal ya xc'ot te c'alal ya xchicnaj tel te Jesucristoe.

Isaías 45:17

Ja'uc me to, te Israel coltayotix yu'un te Cajwaltique, sbajt'el q'uinal te coltayel la yac'beye; mero ma xjilic ta q'uexlal stuquelic, ni ma me peq'ueluc ya xjilic yu'un.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

San Lucas 17:30

Jich nix ya xc'ot ta pasel te c'alal ya xchicnaj tel te Nich'anile.

Efesios 3:12

Soc ja' ta swenta Cristo te ya xju' ya xnoptsajotic ta stojol te Diose. Jun co'tantic ya x'ochotic tey a ta swenta bit'il te xch'uunjel co'tantique.