1 Juan 2:27 - Bible in Tzeltal de Oxchuc y Tenejapa

²⁷ Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

Nuevo Testamento Tzeltal de Amatenango

²⁷ Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

Bible in Tzeltal Bachajón

²⁷ Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

1 Juan 2:27 Referans Kwoze

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

1 Corintios 2:13

Jich te c'alal ya jcholbeytic sc'oplal spisil in to, ma ja'uc ya cac' ta nopel te p'ijil c'op yu'un te ants-winique, ja' ya cac' ta nopel te bila swenta te Espiritue. Jich te bila swenta te Espíritu, ja' ya jcholbeytic yaiyic te mach'atic yic'ojic te Espiritue.

San Juan 16:13

Yan te c'alal ya xtal te Espiritue, ja' ya yac' ta na'el te bila melele, ja' me ya yac'beyex ana'ic stojol spisil te bila smelelile. Melel ma stuquel yo'tanuc te bila ya yale. Ja' me ya xtal yalbeyex spisil te bila yaiyoj stojole, soc ja' me ya yac'beyex ana'ic te bila quechel ya xtale.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.

2 Juan 1:2

C'uxex ta co'tan ta scaj te smelelil c'op te jc'axel ayix ta co'tantic spisil orae.

1 Juan 3:24

Spisil mach'a yat'elinej xch'uunel smandal te Diose, jich jc'axel ainemix ta yo'tan te Diose soc ainemix ta yo'tan uuc. Jna'ojtic stojol te jc'axel ainem ta co'tantic ta swenta te Espíritu te yac'ojbotique.

1 Juan 2:28

Jich yu'un, cal-jnich'nab, jc'axel ainanic soc te Cristoe, swenta yu'un jun nax co'tantic te c'alal ya quilbeytic site. Jich me ma jtatic q'uexlal ta stojol te c'alal ya xchicnaj tele.

1 Pedro 1:23

Melel cha'ayinemexix, ma ja'uc ta swenta bila ya xlaje, ja' ta swenta te sc'op Dios te cuxul soc te ma xlaj sbajt'el q'uinale.

Colosenses 2:6

Jich yu'un, te bit'il la ach'uuniquix te Cajwaltic Jesucristoe, ya sc'an te jich ya xcuxinex ta stojole.

San Juan 14:17

ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

Efesios 4:21

teme melel te awaiyojbeyiquix stojol sc'oplal soc teme la awich'iquix p'ijubtesel ta swenta, jich te bit'il ay sc'oplal ta mero melel te Jesuse.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

1 Timoteo 2:7

Jich yu'un ac'boton quich' cat'el ta xcholel te bit'il ay te jcoleltique. Jich ayon ta p'ijubteswanej ta stojol te jyanlumetique. Ja' ya cac'bey snopic te bit'il ay te xch'uunjel-o'tanil soc te smelelil c'ope. Melel xcal ta stojol Cristo, ma jlotuc.

Proverbios 28:5

Te mach'atic amen yo'tanic, ma xc'ot ta yo'tanic xujt'uc te bila toj ta pasele; yan te mach'atic ya sleic te Cajwaltique, ya xc'ot ta yo'tanic spisil.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

San Juan 6:45

Jich ts'ibubil jilel yu'unic te j'alwanejetique: “Dios me ya xp'ijubtesot yu'un ta spisilic”, te xie. Spisil mach'a ya yaiybeyic stojol sc'op te Jtate soc teme tey la snop a, ya me xtal ta jtojol.

San Juan 14:16

Ya me jc'anbey te Jtate te ya sticunbeyex tel yan Joinwanej te ya sjoinex spisil ora stuquele,

1 Corintios 2:12

Te jo'otique, ma ja'uc quic'ojtic te espíritu yu'un te balumilale. Ja' quic'ojtic te Espíritu te talem ta bay te Diose, swenta yu'un jich me ya jna'tic stojol a te bila yac'ojbotic te Diose.

2 Corintios 1:21

Soc ja' te Diose te la yaq'uix te jc'axel jch'uunejtic te Cristoe; soc ja' la yu'uninotiquix te Diose.

1 Tesalonicenses 4:9

Ja'uc me to, ma yejt'aluc te ya calbeyex xan ta jun te bit'il ya sc'an te c'ux ya caiy jbajtic ta co'tantic soc te quermanotactique, te melel p'ijubtesbilex yu'un Dios te bit'il ya sc'an te c'ux ya awaiy abaique.

Levítico 7:35

Te majt'aniletic ya yich' chiq'uel swenta yich'el ta muc' te Cajwaltique, tey me ya xloc' a te bila ya xc'ot ta swenta te sacerdote Aarón soc te sts'umbale. Ja' me ya xjajch' ta aq'uel a te bi c'aalil ya yich' ch'ultesel soc sts'umbal te ya yac' ochel ta sacerdoteil te Cajwaltique.

Números 7:43

Jich nix yipal la yac' te bit'il te yantique.