1 Juan 2:25 - Bible in Tzeltal de Oxchuc y Tenejapa

²⁵ Soc yalojix te Jesucristo te ya yac' cuxinucotic sbajt'el q'uinale.

Nuevo Testamento Tzeltal de Amatenango

²⁵ Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

Bible in Tzeltal Bachajón

²⁵ Yaloj Dios te ya ya'botic cuxlejal sbahtel q'uinal.

1 Juan 2:25 Referans Kwoze

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

Tito 3:7

swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.

1 Timoteo 6:12

Aiya me lequil tsalaw ta swenta te xch'uunjel awo'tane, swenta yu'un jich ya xcuxinat sbajt'el q'uinal. Melel ja' swentail te ic'bilatix yu'un te Diose, soc te la awalix ta jamal ta stojol tsobol testigoetic te bit'il ach'uunej te Diose.

1 Juan 1:2

Ac'ot ta ilel te cuxinele. Te jo'on soc te jo'taque la quiltic. Ja' testigo c'oemon yu'un soc te jo'taque. Ja' ya calbeyex awaiyic sc'oplal te cuxinel sbajt'el q'uinale, te sjoinej sba soc te Tatil te chicnajix ta jtojoltique.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

San Juan 12:50

Jna'oj stojol te ya yac' cuxinel sbajt'el q'uinal te smandal te Jtate. Jich yu'un te bila ya cale, ja' ya cal te bila yalojbon te Jtate —xi' te Jesuse.

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

1 Timoteo 6:19

Jich ya stsob sc'ulejalic te ya xtuun yu'unic ta patile. Jich me ya staic xcuxlejalic sbajt'el q'uinal.

San Juan 6:54

Te mach'a ya swe'bon te jbaq'uetale soc teme ya yuch'bon te jch'ich'ele, ya me xcuxin sbajt'el q'uinal, soc ya me jcha'cuxes tel ta slajibal c'aal.

San Juan 6:47

Jamal ya calbeyex, te mach'atic ya xch'uunonique ya me xcuxinic sbajt'el q'uinal.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

San Juan 5:39

Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

San Lucas 18:30

bayal buelta ya x'esmaj sjelol ya yich' li'to ta balumilal, ta patil ya me staic xcuxlejalic sbajt'el q'uinal —xi' te Jesuse.

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

1 Timoteo 1:16

Ja'uc me to, la xc'uxtayon te Diose, swenta yu'un jich me ya yac' ta ilel ta jwenta te bit'il bayal perdón ay ta yo'tan te Jesucristoe. Ja' ejemplo ya yilic a te mach'atic patil ya xch'uunic te Jesucristoe, swenta yu'un jich me ya staic xcuxlejalic sbajt'el q'uinal yu'un.

Gálatas 6:8

Melel te mach'a ya sts'un ta swenta baq'uet, ja' nix ya sc'aj ta swenta baq'uet te ya xlaje. Yan te mach'a ja' ya sts'un te bila swenta te Espiritue, ja' nix ya sc'aj ta swenta Espíritu te ay cuxlejal yu'un stuquele.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

San Juan 3:15

swenta yu'un spisil te mach'a ya xch'uune, ma xch'ay. Ya xcuxin sbajt'el q'uinal —xi' te Jesuse.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.