1 Juan 2:24 - Bible in Tzeltal de Oxchuc y Tenejapa

²⁴ Te bila awaiyojic stojol ta xjajch'ibal tele, jc'axel ainuc me ta awo'tanic. Teme jc'axel ya awac' ta awo'tanic te bila la awaiyiquix stojol ta xjajch'ibale, jich me jc'axel jun ayex soc te Nich'anile soc te Tatile.

Nuevo Testamento Tzeltal de Amatenango

²⁴ Jaꞌ yuꞌun, te jaꞌexe kꞌeja ta awoꞌtanik te skꞌoplal la awaꞌiyik desde ta slijkibal to tale. Teme ayix jilel ta awoꞌtanik te tut la awaꞌiyik desde ta slijkibal to tale, jun nax ayex sok te Nichꞌanile y sok te Tatile ta jmel nax.

Bible in Tzeltal Bachajón

²⁴ Te bin awa'iyejic ta shahchibal, jc'axel ayinuc ta awo'tanic. Teme jc'axel ya x'ayin ta awo'tanic te bin la awa'iyic ta shahchibal, ha nix hich jc'axel ya x'ayinex ta stojol te Nich'anil soc ta stojol te Tatile.

1 Juan 2:24 Referans Kwoze

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

1 Juan 4:13

Tey chican a te jc'axel ainemotic ta yo'tan te Diose soc te jc'axel ainem ta co'tantique, ja' te mach'a yac'ojbotic te Espíritu yu'une.

1 Juan 4:16

Jich jna'ojtic stojol, soc xch'uunej co'tantic te c'uxotic ta yo'tan te Diose. Ja' Jc'uxul-o'tanil te Diose. Jich yu'un te mach'a jc'axel ay ta bay te xc'uxul yo'tane, ja' jc'axel ainemix ta yo'tan te Diose, soc jc'axel ainemix ta yo'tan uuc.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

1 Juan 2:7

Quermanotac, ja'ex te bayal c'uxex ta co'tane, ma ach' mandaliluc te la jts'ibubeyexe. Ja' nix te namey mandalil te awaiyojic stojol ta xjajch'ibal toe. Soc ma yanuc, ja' nix te mandalil te la awaiyiquix stojole.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

Apocalipsis 3:11

Ya me xtalon ta ora nax. Canantaya me te bila ay awu'une, swenta yu'un ma'yuc mach'a yan ya yich'bat te acoronae.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

Salmos 119:11

Cac'oj ta co'tan te ac'ope swenta yu'un ma jta jmul ta atojol a.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

Filipenses 4:15

Melel ana'ojic stojol te ja'exe, filipoetic, ma'yuc yan jch'uunjeletic te la scoltayon a te c'alal jajch' ta puquel te lec yach'il c'ope. Ja'ex nax atuquelic te la aticunbonic jcoltayel te c'alal la quijq'uitay jilel te sq'uinal Macedoniae.

3 Juan 1:3

Bayal bujts'naj co'tan yu'un te c'alal jul yalbonic caiy cha'oxtul quermanotactic te bit'il jc'axel ay ta awo'tan te smelelil c'ope, soc te jun nax awo'tan yacat ta spasel te bila smelelile.

2 Juan 1:2

C'uxex ta co'tan ta scaj te smelelil c'op te jc'axel ayix ta co'tantic spisil orae.

Hebreos 2:1

Jich yu'un ya sc'an te c'axem to xan ya quich'tic ta muc' te bila caiyojtiquix stojole. Ma me xquijq'uitaytic jilel te bee.

San Juan 8:25

La yalic: —¿Mach'aat a jiche? —xiic. La yal te Jesuse: —La calbeyex ta xjajch'ibal to tel.

San Lucas 1:2

Jich nix te bit'il la yac'botic jnoptic te mach'atic la yil ta sitic ta xjajch'ibal to tel soc te la yich' yat'elic ta xcholel ta bayuc te bila c'ot ta pasele.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

San Lucas 9:44

—Aiya awaiyic stojol ta lec te bila ya calbeyexe: Te Nich'anile ya me x'ochon ta sc'ab te ants-winiquetique —xi'.

San Juan 6:56

Te mach'a ya swe'bon te jbaq'uetale soc te ya yuch'bon te jch'ich'ele, jc'axel ayix ta jtojol soc jc'axel ayonix ta yo'tan uuc.

1 Juan 3:24

Spisil mach'a yat'elinej xch'uunel smandal te Diose, jich jc'axel ainemix ta yo'tan te Diose soc ainemix ta yo'tan uuc. Jna'ojtic stojol te jc'axel ainem ta co'tantic ta swenta te Espíritu te yac'ojbotique.

1 Juan 4:15

Spisil mach'a ya yal ta jamal te ja' Snich'an Dios te Jesuse, jich jc'axel ainemix ta yo'tan te Diose soc jc'axel ainemix ta yo'tan uuc.

2 Juan 1:9

Te mach'a ya xjowej baele, soc teme ya yijq'uitay te nopjibal yu'un te Cristoe, yu'un nanix ma ba xch'uunej Dios abi. Yan te mach'a ma xyijq'uitay te nopjibal yu'un te Cristoe, ja' xch'uunej te Jtatic Diose soc uuc te Snich'ane.