1 Juan 2:18 - Bible in Tzeltal de Oxchuc y Tenejapa

¹⁸ Cal-jnich'nab, slajibalix c'aal ayotic. Jich bit'il awaiyojic stojol te ya xtal te anticristoe, jich ay chicanajemix tsobol anticristoetic. Jich ya jna'tic stojol a te slajibalix c'aal ayotique.

Nuevo Testamento Tzeltal de Amatenango

¹⁸ Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.

Bible in Tzeltal Bachajón

¹⁸ Cal-jnich'nab, slajibalix c'ahc'al ayotic. Hich te bin ut'il awa'iyejic te ya xtal te anticristo, chicnajemix tsobol anticristohetic. Hich ya jna'tic a te slajibalix ora ayotique.

1 Juan 2:18 Referans Kwoze

1 Juan 4:3

Spisil mach'a ya yal te ma la yich' sbaq'uetal te Jesucristo te xtaluque, tey me ya ana'ic a te ma ja'uc Espíritu yu'un Dios te yic'ojique. Yu'un ja' yic'ojic te espíritu yu'un te anticristoe. Te ja'exe awaiyojiquix stojol te ay mach'a jich ya xtale. Melel nix a, ayix ta balumilal ta ora to.

2 Juan 1:7

Yu'un ay tsobol jlo'laywanejetic te yacalic ta beel ta spamal te balumilale, ya yalic te ma la yich' sbaq'uetal te Jesucristo te xtaluque. Te mach'a jich ya yale ja' me jlo'laywanej abi, soc ja' me te anticristo abi.

1 Juan 2:22

¿Mach'a a te jpas-lote? Ja' me te mach'a ya yal te ma ja'uc Cristo te Jesuse. Ja' me anticristo te mach'a ma xyich' ta muc' te Tatile soc te Nich'anile.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

San Mateo 24:5

melel ay me tsobolic ya xtalic te yich'ojbon jbiil ta sc'opique, jich me ya yalic: “Jo'on Cristoon”, xiic me. Ay me tsobol ta jtul te ya xlajic ta lo'layel yu'une.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

San Marcos 13:6

Melel ay me tsobolic ya xtalic te ya slotbonic jbiile. Ya me yalic: “Jo'on Cristoon”, xiic me. Ay me tsobolic ta jtul te ya xlajic ta lo'layel yu'unique.

2 Pedro 2:1

Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

San Mateo 24:11

Soc ya me xchicnaj tsobol lotil j'alwanejetic. Jich me tsobol ta jtul ya xlajic ta lo'layel yu'un.

Judas 1:18

Melel jich la yalbeyex awaiyic: “Ta nopol slajibal c'aal ay me jlabanwanejetic. Yu'un ja' nax baem ta yo'tanic spasel te bila amen smulanejic spasele”, te xiique.

2 Pedro 3:3

Na'aic me stojol ta lec neeluc in to: Ta nopol slajibal c'aal ay mach'atic ya xlabanwanic, yu'un ja' nax baem yo'tanic ta spasel te bila amen ya smulanic spasele.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

1 Pedro 1:20

Chapalix yu'un Dios a te c'alal ma to pasbiluc a te ch'ulchan balumilale. Ja'uc me to, slajibal to ora chicnaj tel, swenta yu'un jich me ya awich'ic coltayel yu'un ta apisilic.

1 Pedro 1:5

Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

San Juan 21:5

Te Jesús jich la yal: —Winiquetic, ¿ay bal la atsaquic cojt'uc te chaye? —xi'. La yalic: —Ma'yuc —xiic.

Romanos 13:11

Spisil in to ja' me ya apasic, yu'un ana'ojic te bin ja'wil ayotic ta ora to. Ac'a wijc'uquix jsitic yu'un te jwayeltique, melel te jcoleltique nopol ayix tel. Ma jichuquix te bit'il najt' to xan sc'an a te c'alal la jch'uuntic te sc'op Diose.

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.