1 Juan 2:17 - Bible in Tzeltal de Oxchuc y Tenejapa

¹⁷ Ja'uc me to, xquechet ta lajel bael te balumilale soc spisil sbic'tal yo'tanic te ants-winiquetique. Yan te sc'anjel yo'tan stuquel te Diose, sbajt'el q'uinal ay stuquel.

Nuevo Testamento Tzeltal de Amatenango

¹⁷ Pero te balmilale yipal bael ta lajel, y sok spisil te tut ma lekuk ta kꞌanele. Yan te machꞌa jaꞌ ya spasbe te tut ya skꞌan yoꞌtan te Diose, ya xkuxuyin sbajtel kꞌinal stukel.

Bible in Tzeltal Bachajón

¹⁷ Ya me xc'ax bahel te bahlumilal soc te bintic mulambil yu'un te mach'atic ayic ta scuenta, yan te mach'a ya spas te bin ya sc'an yo'tan te Diose, sbahtel q'uinal ya xcuxaj stuquel.

1 Juan 2:17 Referans Kwoze

San Mateo 24:35

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

1 Corintios 7:31

Te mach'atic ya stuuntesic spisil te bila ay ta balumilale, jichuc me c'oem te bit'il ma'yuc bila ya stuuntesique, melel ya xch'ay yutsil spisil te bila t'ujbilic ta balumilale.

1 Pedro 4:2

Te jayeb xan c'aal cuxule, ja' ya xbajt'ix ta yo'tan spasel te sc'anjel yo'tan te Diose, ma ja'uc ya spasix te bila ya sc'an te sbaq'uetale.

Hebreos 10:36

Pasaic me tulan. Ts'ijc'uc me awu'unic te awocolique. Pasbeyaic sc'anjel yo'tan te Diose, jich me ya awich'ic te bila yaloj te ya yac'beyex awu'uninique.

San Marcos 3:35

Melel te mach'a ya spasbey sc'anjel yo'tan te Diose, ja' quijts'inab soc ja' jme' abi —xi' te Jesuse.

1 Pedro 1:5

Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

1 Tesalonicenses 4:3

Melel ja' sc'anjel yo'tan Dios te utstesbil ya xc'ot te awo'tanique. Yu'un ma me ayuc mach'a ya xyal ta mulil.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Salmos 143:10

P'ijubtesawon ta spasel sc'anjel awo'tan, melel ja'at Diosat cu'un. Te lequil espíritu awu'un, ac'a yic'on bael ta toj be.

San Mateo 7:21

“Te mach'atic: “Cajwal, Cajwal”, ya yutonique, ma spisiluc ya x'ochic ta banti ay ta ajwalinel te Dios te ay ta ch'ulchane. Ja' nax ya x'ochic tey a te mach'atic ya spasbey sc'anjel yo'tan te Jtat te ay ta ch'ulchane.

Santiago 4:14

Ja'uc me to, ma x'ana'ic stojol te bila ya xc'ot ta pasel te pajele. ¿Jal bal c'aal ya awaiyic te ya xcuxinexe? Melel te jcuxlejaltique jich c'oem te bit'il sjab lumq'uinal te ajc' nax ya xchicnaj soc ya xch'ay bael ta orae.

San Juan 6:58

Ja' ya calbey sc'oplal te waj coem tel ta ch'ulchane. In waj to, ma pajaluc soc te maná-waj la swe'ic te namey q'uinal me'il-tatiletic te lajic baele. Te mach'a ya swe' in waj to, ya me xcuxinic sbajt'el q'uinal —xi' te Jesuse.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

1 Tesalonicenses 5:18

Albeyaic wocol Dios yu'un te bila ya xc'ot ta awentaique, melel ja' sc'anjel yo'tan Dios ta atojolic ta swenta te Cristo Jesuse.

Colosenses 4:12

Soc ya sticunbeyex spatjibal awo'tanic te Epafras, te abat yu'un Cristo te tey talem ta banti ayexe. Bayal ya sc'oponbeyex Dios spisil ora te junuc awo'tanic soc te jc'axeluc ya awac' abaic ta spasel te sc'anjel yo'tan te Diose.

Proverbios 10:25

C'alal ya xc'ax tulan ic' ta stojol te mach'a amen yo'tan, ya xch'ay ta jc'axel; yan te mach'a toj yo'tane, stalel ya xjil stuquel.

Colosenses 1:9

Ja' swentail te jajch' jc'oponbeyex Dios te bi c'aalil la caiytic stojole. Xujt' ma jcom jbatic ta sc'anel ta stojol Dios te yacuc yac'beyex ana'ic ta lec te sc'anjel yo'tane, soc te yacuc yac'beyex ana'ic stojol spisil ta jchajp te bila ya xju' ta na'el stojol awu'unique, soc te yacuc yac'beyex sp'ijil awo'tanic ta swenta te Espiritue.

San Juan 7:17

Te mach'a yo'tan ya spas te bila ya sc'an yo'tan te Diose, tey me ya sna' stojol a teme ja' nopjibal yu'un Dios te ya cac' ta nopele, o teme jo'on nax jc'op jtuquele.

Salmos 90:9

Melel, spisil te jcuxlejaltic ya xlaj ta swenta te awilimbae; te ja'wiletic cu'untic jich nax ya xc'axic te bit'il ya jic' te co'tantique.

Salmos 39:6

Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.

Salmos 102:26

Ta spisilic jc'axel ya xlajic stuquelic, yan te ja'at atalel cuxul ya xjilat atuquel. Spisilic c'unc'un ya xlajic ta jc'axel jichuc c'u'il; ja'at nix ya ajeltay, jich jeltaybil ya xjil awu'un, jich c'oem te bit'il mach'a ya sjeltay te sc'u'e.