1 Juan 2:16 - Bible in Tzeltal de Oxchuc y Tenejapa

¹⁶ Melel ta spisil te bitic ay ta balumilale, ja' te bitic ya sc'an te jbaq'uetaltique, soc te bila ya smulan yilel te jsitique, soc te toybail ta cuxinele, ma ja'uc yac'oj te Tatile. Spisil in to, ja' yac'oj te balumilale.

Nuevo Testamento Tzeltal de Amatenango

¹⁶ Porke te tut ya yakꞌ te balmilale, ma jaꞌuk ya xtal ta stojol te Jtatik Diose. Jaꞌ ya yakꞌ te balmilale te tutik ma lekuk ya skꞌan te stiꞌbalul gentee, sok te sbikꞌtal yoꞌtan te sitike, y sok te toybajel yuꞌun te kꞌulejalile.

Bible in Tzeltal Bachajón

¹⁶ como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

1 Juan 2:16 Referans Kwoze

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Gálatas 5:17

Melel te bila ya smulan spasel te abaq'uetalique, ja' scontroinej sba soc te Espiritue. Ja' nanix jich te bila ya sc'an te Espiritue, ja' scontroinej sba soc te abaq'uetalique. Jich scontroinej sbaic ta xchebalic. Jich ma xju' awu'unic spasel te bila ya ac'an ya apasique.

Génesis 3:6

La yil te ants te bit'il t'ujbil soc lec ta lo'el sit te te'e, soc la yil te lec ta tuuntesel te bit'il ya yac' p'ijil-o'tanil teme ay mach'a ya slo'e. Jich yu'un la sc'oc slo', soc la yac'bey slo' uuc te smamlale.

Proverbios 27:20

Te lajel, te muquenal, soc te sbic'tal co'tantic, mero ma'yuc bi ora te tic' ya yaiy a te bila ay ta swentae.

Efesios 2:3

Ta jpisiltic jich ayotic uuc ta neelal to. Ja' bajt' ta co'tantic spasel te bila la smulan spasel te jbaq'uetaltique. Ja' la jpasbeytic te bila ya sc'an yo'tan te jbaq'uetaltique soc te bila la jnop ta co'tantique. Ja' nax ayotic ta swenta yich'el tulan castigo, jich bit'il te yantique.

Santiago 3:15

Te p'ijil-o'tanil to, ma ja'uc talem ta bay te Diose. Ja' p'ijil-o'tanil swenta balumilal, soc yu'un te ch'ich'-baq'uet, soc yu'un te pucuje.

1 Pedro 2:11

Quermanotac te c'uxex ta co'tane, ya calbeyex wocol, te jich c'oemex te bit'il jyanlum te beomal nax ayex li'to ta balumilale, ac'a jiluc awu'unic te bila mulanbil ta pasel yu'un te abaq'uetalique te ja' scontro te ach'ulelique.

2 Pedro 2:10

C'axem to xan ya me yac'bey castigo ta patil spisil mach'a yat'elinejic spasel te biluc muliluc te ya smulan sbaq'uetalique soc te ma sc'an yajwalinic te Cajwaltique. Tulan yo'tanic, ma'yuc q'uexlal ta yo'tanic, ma xi'ic stoybac'optayel te mach'atic cajal yu'elic ta ch'ulchane.

Josué 7:21

Ta yolil te biluquetic la jtatic ta Jericó, la quil t'ujbil c'u'il talem ta Babilonia, soc ay lajunwinic (200) ta sejp plata, soc ay jpejch' oro te c'axem ta olil kilo yalal. Ja' la jmulan ta lec te biluquetique, jich yu'un la quich' jilel. Tey mucajtic cu'un ta jnailpac', te taq'uine ay ta yet'al —xi'.

Tito 2:12

Ayotic ta p'ijubtesel yu'un te bit'il ya sc'an ya xjil cu'untic spisil te bila amene soc spisil te bila mulanbil sba ta pasel ta balumilale. Soc ya sc'an te ma xjelawotique, ya sc'an toj ya cac' jbatic, ya sc'an te spisil ora ay ta co'tantic Dios te jayeb c'aal ayotic ta q'uinale.

Salmos 78:18

La spasic ta prueba te Diose, jajch' sc'an swe'ic te bila la sc'an yo'tanique.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

1 Pedro 1:14

Lequil alnich'anuquex me ta xch'uunel te smandale. Ma me ja'uc xach'uunic xan spasel te bila mulanbil sba ta pasel awu'unic ta neelal to te c'alal ma to ana'ojbeyic sba a te Diose.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

San Mateo 5:28

Ja'uc me to, jo'on ya calbeyex: Spisil mach'a ya xbic'taj sit ta smulanel te antse, la yaiyix mulwej ta yo'tan soc abi.

Salmos 73:6

Jich yu'un ja' yuanejic te toyba-o'tanil, soc ja' sc'u'inejic te uts'inwanej.

Job 31:1

“Te jo'on jpasoj trato te jc'axel ma xbic'taj co'tan yu'un te ach'ixetique.

San Lucas 4:5

Te pucuje ic'ot bael yu'un ta bay toyol wits. Ta ora nax ac'bot yil yu'un spisil ta jchajp lumetic te ayic ta balumilal.

Gálatas 5:24

Te mach'atic yu'unix te Cristoe, la yaq'uix ta lajel ta cruz te bila ya smulan spasel te sbaq'uetalique.

Números 11:4

Te israeletic ay mach'atic tsobolic te capalic soc, bayal ta jchajp te ja' nax ay ta yo'tanic te we'ele. Te israeletic la sc'ainbey yo'tanic, jajch'ic ta oq'uel. Jich la yalic: —¡Ayuc laj ti'bal jti'tic caiytic!

San Mateo 4:8

Yan buelta te Jesús ic'ot bael yu'un te pucuj ta bay muc' toyol wits. Tey la yac'bey yil spisil ta jchajp lumetic te ayic ta balumilale soc te yutsilalique.

Salmos 78:30

Pero ya to sc'an xan yo'tanic a, ay to ta yeic a te swe'elic,

Números 11:34

Ja' yu'un la yac'beyic sbiilin te q'uinal Kibrot-hataava, yu'un tey la yich'ic muquel a te mach'atic ja' nax bajt' ta yo'tanic te we'ele.

Proverbios 6:25

Ma me xawac' slo'laybat awo'tan te st'ujbilale; ma me xawac' stsalat te sit-yelawe.

1 Corintios 10:6

Spisil in to, ja' ejemplo c'ot ta jtojoltic te jo'otique, swenta yu'un ma me xbic'taj co'tantic yu'un te bila amene, jich te bit'il bic'taj yo'tanique.

Génesis 6:2

te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Santiago 4:16

Yan te ja'exe, ja' nax ya atoy abaic soc te ac'opique. Spisil te toybaile, xujt' ma lecuc.