1 Juan 2:15 - Bible in Tzeltal de Oxchuc y Tenejapa

¹⁵ Ma me ja'uc c'ux ya awaiy ta awo'tanic te balumilale, ni te bitic swenta nax te balumilale. Teme ay mach'a c'ux ya yaiy ta yo'tan te balumilale, jich ma ba c'ux ya yaiy ta yo'tan te Jtatic Diose.

Nuevo Testamento Tzeltal de Amatenango

¹⁵ Ma me jaꞌuk kꞌux ya awaꞌiy ta awoꞌtanik te balmilale ni te tutik ay ta balmilale. Teme ay machꞌa kꞌux ya yaꞌiy ta yoꞌtan te balmilale, ma jaꞌuk kꞌux ta yoꞌtan te Jtatik Diose.

Bible in Tzeltal Bachajón

¹⁵ Ma me c'uxuc xawa'iy ta awo'tanic te bahlumilal o te bintic ayic ta bahlumilal. Te mach'a c'ux ya ya'iy ta yo'tan te bahlumilal, ma ba yich'oj te sc'uxul yo'tan te Jtatic Dios,

1 Juan 2:15 Referans Kwoze

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

San Lucas 16:13

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule, yan te yane, c'ux ya yaiy ta yo'tan stuquel. Te jtule jun yo'tan ta stojol, ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios teme ja' baem ta awo'tanic te ac'ulejalique —xi' te Jesuse.

San Juan 15:19

Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

1 Juan 3:17

Te mach'a ay bila ay yu'un li' ta balumilal to, teme ya yil te yermano te ma'yuc bi ay yu'une, teme ma ba ya xc'uxtaye, yu'un nanix ma c'uxuc ya yaiy ta yo'tan a te Diose.

1 Timoteo 6:10

Melel te bic'tal-o'tanil yu'un te taq'uine, ja' mero yisim yu'un spisil ta jchajp te bila amene. Ay mach'atic te scaj sbic'tal yo'tanic yu'un taq'uin te ch'ayix xch'uunjel yo'tanic yu'une. Jich la staiquix bayal swocolic ta c'axem to xan yu'un.

Gálatas 1:10

Te bit'il jich la calixe, ¿yu'un bal ja' ya jle awaiyic te bit'il lecuc jc'oplal ya xc'oon ta stojol te ants-winiquetique? ¿O ja' bal ya jle te lecuc jc'oplal ya xc'oon ta stojol Dios? ¿Yu'un bal acuyojic te ja' ya jmulan te lecuc jc'oplal yu'un te ants-winiquetique? Melel teme ja' ya jc'ane, yu'un nanix ma ja'uc yabaton a te Cristoe.

1 Juan 4:5

Ja'ic te ayic ta swenta te balumilale, ja' ya yalic te bila swenta te balumilale. Jich ya x'aiybot stojol sc'opic yu'un te mach'a pajal ayic ta swenta te balumilale.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

1 Juan 5:10

Te mach'a ya xch'uun te Snich'an Diose, ay ta yo'tan te testigo-c'op yaloj te Diose. Yan te mach'a ma xch'uun te testigo-c'op yalojix te Diose, ja' la spas lot ta sc'op te Diose, melel ma ba xch'uunej te testigo-c'op yu'un Dios ta swenta te Snich'ane.

San Mateo 4:8

Yan buelta te Jesús ic'ot bael yu'un te pucuj ta bay muc' toyol wits. Tey la yac'bey yil spisil ta jchajp lumetic te ayic ta balumilale soc te yutsilalique.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.