1 Juan 1:8 - Bible in Tzeltal de Oxchuc y Tenejapa

⁸ Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

Nuevo Testamento Tzeltal de Amatenango

⁸ Teme ya kaltik te maꞌyuk jmultike, joꞌotike nax mismo ya jloꞌlayej jbajtik y te tut batsꞌi jiche maꞌyuk ta jtojoltik.

Bible in Tzeltal Bachajón

⁸ Teme ya caltic te mayuc jmultic, ya jlo'loy jbahtic, ma ba ay ta co'tantic te smelelil c'ope.

1 Juan 1:8 Referans Kwoze

Romanos 3:23

te melel sleoj smulic ta spisilic. Loq'uemic tey a ta bay yutsilal te Diose.

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

Eclesiastés 7:20

Melel ma'yuc ni jtuluc ta balumilal te mero toj, te spisil ora ja' ya spas te bila leque, te ma'yuc ya sleix smule.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

1 Juan 1:10

Yan teme ya caltic te ma'yuc jmultic jpasojtique, ja' jpas-lot ta jc'optic te Diose, soc ma ba c'oem ta co'tantic ta melel te sc'ope.

Proverbios 20:9

Ma'yuc mach'a ya xju' ya yal te sacuben yo'tan, te ma'yuc mulil snopoje.

Job 15:14

Ma'yuc winic te mero leque, ma'yuc mach'a libre ay yu'un smul.

Gálatas 6:3

Melel teme ay mach'a scuyojix sba ta muc' teme ma meleluque, jich slo'layej sba stuquel a.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Salmos 143:2

Ma me x'awic'on ta chajbanel te awabatone, melel ta atojol ma'yuc mach'a ma'yuc smul.

Santiago 1:26

Teme ay mach'a ya yal te xch'uunej ta lec te Diose, teme ma sna' scomel te yaq'ue, ja' nax ya slo'lay sba stuquel abi. Xujt' ma'yuc swentail te bit'il xch'uunej ta sc'op te Diose.

1 Timoteo 6:5

Soc ya yut sbaic yu'un te bit'il boloben yo'tanique, yu'un ch'ayix ta yo'tanic te smelelil c'ope. Ja' nax ya sc'an ya sta sc'ulejalic a te bila xch'uunejique. Ma me xajoin aba soc te mach'atic jich yo'tanique.

Job 25:4

¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

1 Reyes 8:46

“Te c'alal ya sta smulic ta atojole, melel ma'yuc mach'a ma sta smul, teme ilinat ta stojolique, soc teme la awac' ta sc'ab te scontro swenta yu'un ya yic' bael ta chuquel ta slumalic ta c'ubul o ta nopole,

1 Corintios 3:18

Ma me mach'a ya slo'lay sba. Melel teme ay mach'a ya scuy sba ta p'ij ta swenta in balumilal to, jichuc ac'a scuy sba te ma'yuc bi ya sna'e, swenta yu'un jich me ay sp'ijil ya xc'ot a.

Job 14:4

Ma'yuc mach'a ya spas te ay bila lec ya xloc' yu'un a te bila ma lecuque.

2 Crónicas 6:36

“Jich nix teme ay ya sta smulic ta atojole, melel ma'yuc mach'a ma sta smul, teme ya xc'ajc'ub awo'tan ta stojolic, soc jich ya awac' ta c'abal yu'un te scontroic swenta yu'un ya xchuquic bael, ya yiq'uic bael ta yan lum, teme c'ubul o nopol,

2 Juan 1:2

C'uxex ta co'tan ta scaj te smelelil c'op te jc'axel ayix ta co'tantic spisil orae.

1 Juan 1:6

Teme ya caltic te jun ayotic soc te Diose, teme ja' yacotic ta spasel te bila swenta te ijc' q'uinale, yacotic nax ta lot abi. Yu'un ma ba yacotic ta spasel te bila melele.

Santiago 1:22

Ja'uc me to, pasaic me te bila ya yal te sc'op Diose. Ma me ja'uc nax te ya awaiyic stojole. Ma me xalo'lay abaic atuquelic a.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

Job 9:2

—Jna'oj ta lec te melel jich aye, soc jna'oj te ma xju' yu'un jtuluc winic te ya yac' ta na'el ta stojol Dios te ma'yuc bila spasoje.

3 Juan 1:3

Bayal bujts'naj co'tan yu'un te c'alal jul yalbonic caiy cha'oxtul quermanotactic te bit'il jc'axel ay ta awo'tan te smelelil c'ope, soc te jun nax awo'tan yacat ta spasel te bila smelelile.

2 Pedro 2:13

Ya me x'ac'bot stojic ta woclajel te bit'il ya yac'bey c'axuc swocol te yantique. Scuyoj sbaic te staojic bayal sbujts' yo'tanic yu'un te bila ajc' nax ya smulanic spasele. Ya yaq'uex ta q'uexlal yu'un te ya sboltesbeyex ac'oplalic te c'alal ya sjoinex ta spasel te q'uine. Yu'un toyol yo'tanic ta spasel ta awolilic te yixtailique.

Jeremías 2:35

Ja'uc me to, manchuc me jich ay, jich ya awal: “Jo'on ma'yuc jmul. Ma ba ilinemix Dios ta jtojol”, xaat. Lec ay, te bit'il ya awal te ma ba apasoj mulile, ya me quic'at ta chajbanel.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Romanos 3:10

Melel jich ts'ibubil jilel ta Sjun te Diose: “Ma'yuc mach'a toj ta q'uinal, ni jtuluc.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?

Levítico 13:12

“Teme ora nax ya xpujc' bael te c'a'el-chamele, teme ya sc'an ya xpotsbot jajch'el ta yacan c'alal ta sjol te mach'a ay ta chamele,

2 Reyes 20:15

Jojc'obot yu'un te Isaías: —¿Bi la yilic tey ta anae? —xi'. La sjac' te Ezequías: —Spisil la yilic te bitic ayic ta jnae. La cac'bey yilic spisil te bitic jayeb ayic ta yawil cu'une —xi'.