1 Corintios 8:1 - Bible in Tzeltal de Oxchuc y Tenejapa

¹ Ta ora to ya calbeyex sc'oplal te milbil majt'anil yu'un te loc'ombaetique. Melel jna'ojtic jpisiltic te bit'il ay te loc'ombaetique. Ja'uc me to, te bila jna'ojtic stojole, ja' ya jtoy jbatic yu'un. Yan te xc'uxul-o'tanile, ya xmuc'ubotic yu'un stuquel.

Nuevo Testamento Tzeltal de Amatenango

¹ Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

Bible in Tzeltal Bachajón

¹ Te bin ut'il ay sc'oblal te milbil mahtaniletic ac'bilic ta stojol loc'ombahetic, jna'ojtic te jpisiltic bayel na'bil cu'untic. Te bin na'bil ya yac' toybahil, yan te c'uxul-o'tanil ya xmuc'ubteswan.

1 Corintios 8:1 Referans Kwoze

1 Corintios 8:7

Ja'uc me to, ay to tsobol te ma to c'oemuc ta yo'tanique. Melel ay to cha'oxtul te c'aemic ta xch'uunel te loc'ombaetique. C'alal ya sti'beyic te milbil majt'anil yu'un te loc'ombaetique, te bit'il ma'yuc yip te yo'tanique, jich ya scuyic te ya xbolobic yu'un a.

Romanos 14:3

Te mach'a spisil ya swe'eline, ma me slaban te mach'a ma spisiluc ya swe'eline. In te mach'a ma spisiluc ya swe'eline ma me slebey smul te mach'a spisil ya swe'eline, te melel pajal ic'bilic yu'un te Diose.

Isaías 5:21

¡Ya me awil awocolic, ja'ex te ya acuy abaic te p'ijexe, soc te ya ana'ic q'uinal ta lec ta ac'opique!

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

1 Corintios 8:4

Jich yu'un te bit'il ay sc'oplal te we'elil yu'un te milbil majt'anil yu'un te loc'ombaetique, jna'ojtic stojol te tojol ay ta balumilal te loc'ombaetique, te melel jun nax te Diose, ma'yuc yan.

1 Corintios 8:2

Teme ya jcuytic te ay bila jna'ojtic ta leque, yu'un nanix ma jna'tic abi.

Romanos 15:14

Quermanotac, te jo'one jna'oj stojol te ay bayal yutsil awo'tanique, soc te ay bayal sp'ijil awo'tanique, soc te ya xju' awu'unic te talel c'axel ya ajechtac'uy abaique.

Efesios 4:16

Ta swenta Cristo te jun nax sbaq'uetal ya xc'ootic jpisiltic, te bit'il jun ayotic soque, teme lec ya jpastic te at'el te ay ta jwentatic spasel ta juju-jtule, jpisiltic ya me xch'iotic soc ya me xmuc'ubotic ta swenta te xc'uxul co'tantique.

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

Hechos 15:29

Ja' in to: Ma me x'ati'ic ti'bal te yich'oj milel smajt'anin te loc'ombaetique, soc ma me x'ati'beyic sti'balul te bay ts'otbil nax snuc' yich'oj milele, soc ma me xatuuntesic te ch'ich'e, soc ma me xyalex ta mulil. Teme ya ach'uunic in mandal to, lec me ayex abi. Ja' nax abi, quermanotac”, xi' te scartaique.

Isaías 47:10

Te ja'ate awich'oj aba ta muc' soc te bila amen ya apase; soc la anop ta awo'tan: “Ma'yuc mach'a ya yilon”, xaat. Te ap'ijil soc te bitic ya ana' ta ac'ope, la slo'layat. La anop ta awo'tan: “Jo'on nax, ma'yuc yan jich te bit'ilone”, xaat.

Números 25:2

melel ic'otic bael ta swe'el te milbil majt'anil la yac'beyic te lotil diosetic yu'unique. Te israeletic jich ochic ta we'el, soc la squejan sbaic ta stojol te diosetic yu'un te moabetique.

1 Corintios 10:28

Yan teme ay mach'a la yalbeyexe: “Ja' in ti'bal to, ja' milbil smajt'an te loc'ombaetic”, teme xie, ta scaj te la yalbat ta jamal, ma me xati', swenta yu'un ma me xjin yo'tan yu'un. [Melel spisil te bitic ay ta balumilale, ja' yu'un te Cajwaltique.]

Hechos 21:25

Yan te mach'atic jyanlumetic te xch'uunejiquix te Cajwaltique, la calbeytiquix ta carta te bila jnopojtiquix te ma yejt'aluc ya xch'uunic te mandalile. Ja' nax ma me sti'ic ti'bal te yich'oj milel smajt'anin te loc'ombaetique, soc ma me stuuntesic te ch'ich'e, soc ma me sti'ic ti'bal ta bay ts'otbil nax snuc' te yich'oj milele, soc te ma me xyalic ta mulil —xiic.

Hechos 15:10

Jich yu'un ¿bistuc te ya awilbeyic yo'tan te Diose, te ya awac'bey yijc'ats te jch'uunjeletic ta xch'uunel te bila ma ju' cu'untic xch'uunel soc uuc te jme'-jtatique?

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Colosenses 2:18

Ma me xawaq'uic ta pojel te amajt'anic yu'un te mach'atic te jowil nax peq'uel ya yac' sbaic ta c'axem to xan, soc te ya slajin sbaic ta stojol te ch'ul abatetique. Scuyoj sbaic te ay bila ac'botix yil ta swaichic ta sc'opique. Muc' yac'oj sbaic yu'un te bila snopojic ta swenta nax te sbaq'uetalique.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

1 Corintios 5:6

Na'aic me te ma lecuc te toybaile. ¿Yu'un bal ma ba ana'ojic te bit'il: “Jteb nax levadura ya spajubtes ta sc'olol te wots'bil harinae”, te xie?

1 Corintios 5:2

Yan te ja'exe, atoyoj abaic te lec ayex ta ac'opique. ¿Ma bal ja'uc lec te lajuc amel awo'tanic yu'un soc te lajuc yich' loq'uesel ta awolilic te mach'a spasoj te mulile?

1 Corintios 4:18

Ja'uc me to, ay cha'oxtulex te atoyoj abaique, yu'un acuyojic te ma ba ya xtal quilexe.

1 Corintios 4:10

Cuybilotic ta bol, ta swenta te Cristoe. Yan te ja'exe, ay ap'ijilic ta swenta Cristo. Te jo'otique, ma'yuc quiptic. Yan te ja'exe, bayal awipic. Ayex ta ich'el ta muc' yu'un te ants-winiquetique. Yan te jo'otique, p'ajbilotiquix.

1 Corintios 1:5

Melel ta swenta Cristo la yac'beyex ac'ulejalinic spisil te bitic aye, soc la yac'beyexix ana'ic spisil te lequil c'ope soc spisil te p'ijilile.

Romanos 14:22

Te bit'il ay xch'uunjel awo'tan te ja'ate, jich me ya sc'an ya apasulay ta stojol te Diose. Bin nax me yutsil te mach'a ya sna' te ma ja'uc ya sta smul a te bila ya spase.

Romanos 14:14

Te jo'one, jna'oj stojol ta swenta Cajwaltic Jesús, te ma'yuc we'elil te ya xju' ya xbolob jc'oplaltic ta stojol Dios yu'une. Yan teme ay mach'a jich c'oem ta yo'tan te ya xbolob sc'oplal yu'un te we'elile, yu'un nanix amen teme ya stuuntese.

Romanos 14:10

Jich yu'un te ja'ate, ¿Bi yu'un te ya alebey smul te awermanoe? Soc te ja'ate, ¿Bi yu'un te ya ap'aj te awermanoe? Melel ta jpisiltic ya me xc'o jtejc'an jbajtic ta muc'ul chajbajibal yu'un te Cristoe.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

Romanos 14:19

Jich yu'un, ac'a me cantaytic te bila lamal q'uinal ya caiytic yu'une, jich me ya xmuc'ub ta ch'uunel cu'untic a te Diose.

1 Corintios 4:6

Quermanotac, te bit'il la calix jba ta ejemplo soc te Apolose, ta swenta xc'uxul co'tan ta atojolic, swenta yu'un yacuc ana'ic a te ma xju' ya xjelawex yu'un te bila ts'ibubile. Yu'un jich ma ba ya atoyesbeyic sc'oplal te jtule soc ma ba ya ap'ajic te yane.

1 Corintios 10:15

Jich ya jc'oponex te bit'il mach'atic p'ijique; nopa awaiyic ta lec te bila ya calbeyexe.