1 Corintios 7:2 - Bible in Tzeltal de Oxchuc y Tenejapa

² Ja'uc me to, scaj te ay yalel ta mulile, jich yu'un juju-jtul ayuc me yinam te winique soc ayuc me smamlal te antse.

Nuevo Testamento Tzeltal de Amatenango

² Pero ta skaj te ay antsiwejele, ta juju-tul ya skꞌan te ayuk batsꞌi yiname y ta juju-tul te antse ya skꞌan te ayuk batsꞌi smamlale.

Bible in Tzeltal Bachajón

² Pero ta scaj te ay ya sta smulic ta scuenta antsiwej, ha lec te ayuc yihnam te jujutuhl winiquetic, soc ayuc smamalal te jujutuhl antsetic.

1 Corintios 7:2 Referans Kwoze

Efesios 5:28

Jich te winiquetic te nujbinemique ya sc'an te c'ux ya yaiy ta yo'tan te yinamique, jich bit'il c'ux ya yaiy stuquel te sbaq'uetale. Te mach'a c'ux ya yaiy ta yo'tan te yiname ja' nix c'ux ya yaiy sba a.

Efesios 5:33

Ja'uc me to, ja' sc'oplal uuc te c'ux me x'awaiy ta awo'tanic juju-jtulex te awinamique, jich te bit'il c'ux ya awaiy aba atuquele. Te antse ac'a yich' ta muc' te smamlale.

1 Corintios 7:9

Yan teme ma'yuc smajt'an yu'un te ya scom sba soc te sbaq'uetale, ac'a nujbinuc. Yu'un ja' lec teme nujbineme, ja' amen teme ya xwoclaj yu'une.

Proverbios 18:22

Teme la sta yinam te winique, ja' me la staix te bila leque; ja' me la yich'ix a te c'uxtayel yu'un te Diose.

1 Corintios 6:18

Jich yu'un, ijq'uitayaic te yalel ta mulile. Biluc xan yantic muliletic te ya spas te ants-winique, ma me ja'uc ya spas te bila ya sc'an te sbaq'uetale. Yan te mach'a ya xyal ta mulile, ja' ya yac' ta q'uexlal a te sbaq'uetal te la spas mulil soque.

1 Timoteo 4:3

Ya scomotic ta nujbinel, soc ay we'elil ya scomotic ta stuuntesel. Ja'uc me to, Dios la spas spisil te we'elile, swenta yu'un ya me yich' albeyel wocol Dios te c'alal ya stuuntesic te we'elil te jch'uunjeletic te xch'uunejic te smelelil c'ope.

Malaquías 2:14

Soc ya to ajojc'oyic te bi yu'une. Ja' testigo te Cajwaltic te ma c'ot ta pasel awu'un te bila la achap ta stojol te ach'ix nujbinat soc te c'alal queremat toe. Ja' ajoy ta xjajch'ibal, soc la awalbey ta jamal te jun me awo'tan ta stojol ta sbajt'el ora.

Proverbios 19:14

Ta swenta sme'-stat ya yich' sna soc sc'ulejal te quereme; soc ta swenta Cajwaltic te ya x'ac'bot yinamin te ants te ay sp'ijile.

San Mateo 5:32

Ja'uc me to, jo'on ya calbeyex: Teme ay mach'a ya yijq'uitay sba soc te yiname, teme ma ta scajuc yajmule, ya me yac' ta mulwej abi. Teme ay mach'a ya yic' yinamin te ants te ijq'uitaybilix yu'un te smamlale, mulwej ya xc'ot soc abi.

1 Corintios 7:1

Ta ora to, ya me jpasbeyex sujt'ib te bila la ajojc'obonic ta cartae: Lec teme ma sle yinam te winiquetique.

1 Corintios 7:3

Te winique junuc me yo'tan ac'a spas te ya sc'opon sba soc te yinam te nujbinem soque. Soc ja' nanix uuc te antse, junuc yo'tan ta stojol te smamlale.

1 Tesalonicenses 4:4

Ta juju-jtulex, ya sc'an te jun nax awo'tan ya awic' abaic soc te awinamique, soc ya me awich' ta muc', soc ya me ana' te ch'ul lumex yu'un te Diose.

Jueces 21:22

Teme ya xtal sc'oponotic te sme'-static o yermanotac te ach'ixetique, ya me calbeytic: ‘Jo'otic ya caltic wocol ta atojolic te ya apasbotic perdón, yu'un ma la jtabeytic yinamic ta spisilic a te c'alal ba cac'beytic guerra te lum Jabes. Te bit'il ma ja'uc la awac'beyic te ja'ex, jich ma'yuc amulic yu'un’, ya me cutic”, xiic.