1 Corintios 4:1 - Bible in Tzeltal de Oxchuc y Tenejapa

¹ Te ja'exe, jichuc me c'oemotic ta awo'tanic te bit'il yaj-at'elotic nax te Cristoe, te ay ta jwentatic yaq'uel ta nopel te muquen c'op chapal yu'un te Diose.

Nuevo Testamento Tzeltal de Amatenango

¹ Te jaꞌexe ma me kuyotik ta mukꞌ yuꞌun jaꞌ ayotik ta tuuntesel yuꞌun te Cristoe. Jaꞌ ay ta jkuentatik yakꞌel ta naꞌel te tut mukul snopoj te Diose.

Bible in Tzeltal Bachajón

¹ Ha yu'un ya sc'an ya sna'ic te ants-winiquetic te ha ya'batotcotic Cristo te ho'otcotic soc jcuentahinejcotic te bin muquen ay yu'un Dios.

1 Corintios 4:1 Referans Kwoze

1 Pedro 4:10

Jech abatina abaic juju-jtul, chican bila majt'anil ac'bilex yu'un te Diose. Melel ya sc'an te ya awac' abaic ta abatinel ta stojol te yantique, chican te bit'il ac'bilex yu'un te Diose.

Tito 1:7

Melel te mach'a yich'oj yat'el ta jwolwanej yu'un te jch'uunjeletique, ja' swentainejbey sna sbiluc te Diose. Jich yu'un ya sc'an te ma'yuc bi quechel ta swentae, te ma toybauque, te ma jlemuc ta c'ope, te ma xyaiy yacubele, te ma c'aemuc ta xjajch'esel te c'ope, soc te ma smulan slo'layel te taq'uine.

1 Timoteo 3:9

Ya sc'an te ay xch'uunjel yo'tanique, soc te ma'yuc mulil ta yo'tanique.

2 Corintios 4:5

Melel te jo'otique, ma ja'uc ya jchol jc'oplaltic, ja' ya jcholbeytic sc'oplal te Cajwaltic Jesucristoe. Te jo'otique, abat nax ayotic ta atojolic ta swenta xc'uxul yo'tan te Jesuse.

Efesios 6:19

Soc c'oponbonic Dios ta jwenta uuc, swenta yu'un ya me scoltayon ta c'op te c'alal ya cal te sc'op Diose, soc ma me xiw co'tan te ya cac' ta na'el te lec yach'il c'op te muquen ay ta neelal toe.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

Romanos 16:25

Ac'a calbeytic bayal wocol Dios te ya xju' ya stulantesbeyex awo'tanic ta swenta te lec yach'il c'op te yacon ta xcholel ta bayuque, ja' bi, ja' te p'ijubtesel yu'un te Jesucristoe. Ja' in to, la yaq'uix ta na'el stojol te Diose te bila muquen ay ta neelal te la xchap ta yo'tan te c'alal ma to ayuc a te ch'ulchan balumilale.

Colosenses 4:3

C'oponbotic me Dios uuc te jo'otique, swenta yu'un Dios me ya sjambotic be te ya jcholtic te sc'ope, soc te ya xju' ya caltic te muquen c'op yu'un te Cristoe. Ja' swentail te ayon ta chuquel yu'une.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

2 Corintios 12:6

Te yacuc jc'an te ya jtoyes q'uinal caiy ta jwenta jtuquele, ma jowil c'opuc te ya cal te jichuque, te melel smelelil te bila ya cale. Ja'uc me to, ma jichuc ya jpas, swenta yu'un ma me ayuc mach'a ya yal te c'axem to xan jich ayon te bi quilele soc te bila ya cale.

2 Corintios 11:23

¿Abatetic bal yu'un te Cristoe? C'axem to xan jich ayon te jo'one, (manchuc teme tabilon ta jowejel te ya xc'opojone.) C'ax jich at'ejemon jtuquel a te bit'il at'ejemique. C'axem to xan la quich' majel ta nujc'ul. Soc c'axem to xan la quich'ix chuquel. Soc bayal buelta te c'an lajucone.

San Lucas 12:42

Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

1 Timoteo 3:6

Te mach'a ya x'ac'bot yich' yat'ele ma me ja'uc te mach'a xch'uunbel to te Diose, teme repente ya xcaj stoy sba soc te yat'ele. Teme jiche, pajal me castigo ya yich' soc te pucuje.

2 Corintios 6:4

Jich yu'un ja' ya sc'an ya cac'beytic yilic spisil ants-winiquetic te bit'il abatotic yu'un te Diose, chican te bila ya xtal ta jtojoltique. Ya sc'an sts'ijc' cu'untic te uts'inele, te me'bale, soc te jwocoltique.

1 Corintios 4:13

Ya sbolc'optayotic, ja'uc me to, lec ya jsujt'esbeytic sc'opic. Jich c'oemotic ja' to c'alal ora to, te bit'il sts'ubil c'a'palotic yu'un te balumilale, te ma'yuc sc'oplal ta jc'axele.

1 Corintios 3:5

¿Mach'a a te Pabloe? ¿Soc mach'a a te Apolose? Abatetic nax yu'un te Diose, te jich la ach'uunic Dios ta swentaique. Yu'un ja' nax ya spasic te bila ac'botic ta swentaic spasel juju-jtul yu'un te Cajwaltique.

1 Corintios 2:7

Ja' ya caltic te sp'ijil sc'op Dios te ma'yuc ta na'el ta nameye, ja' te namey jich chapal sc'oplal yu'un te Dios te c'alal ma to pasbiluc a te balumilale, ta swenta cutsilaltic sbajt'el q'uinal.

San Marcos 4:11

Te Jesús la yalbey yaiyic: —Te ja'exe, Dios ya yac'beyex ana'ic stojol te bit'il ay ta ajwalinel te Dios te ma'yuc ta na'el stojol ta neelal toe. Yan te yantique, ja' ya x'albot yaiyic ta swenta seña-c'op stuquelic,

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

San Lucas 8:10

Te Jesús la yalbey yaiyic: —Te ja'exe Dios ya yac'beyex ana'ic stojol te bila wocol ta na'el te bit'il ay ta ajwalinel te Diose. Yan te yantique ya jc'opon ta seña-c'op, swenta yu'un manchuc teme ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic.

San Lucas 1:2

Jich nix te bit'il la yac'botic jnoptic te mach'atic la yil ta sitic ta xjajch'ibal to tel soc te la yich' yat'elic ta xcholel ta bayuc te bila c'ot ta pasele.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

1 Corintios 4:2

Ta ora to, te mach'a ay ta swenta spuquel te sc'op Diose, ya sc'an te jun nax yo'tan ya yat'elin spuquele.