1 Corintios 3:1 - Bible in Tzeltal de Oxchuc y Tenejapa

¹ Jich yu'un, quermanotac, ma ju' cu'un te la jc'oponex jich te bit'il mach'atic wentainbilic yu'un te Espiritue. Jich la jc'oponex te bit'il mach'atic wentainbilic to yu'un te sbaq'uetalique, te melel jich c'oemex te bit'il ch'in alaletic ta stojol te Cristoe.

Nuevo Testamento Tzeltal de Amatenango

¹ Te joꞌone, kermanotak, ma juꞌ kuꞌun jkꞌoponex jich tutꞌil gente te tojutesbil yuꞌun te Espiritue, yuꞌun ya kil te jich to ayex ta skuenta atiꞌbalulik. Jich tutꞌil untik ayex ta stojol te Cristoe.

Bible in Tzeltal Bachajón

¹ Ha yu'un, quermanotac, ma ba hu' cu'un te la jc'oponex hich te bin ut'il te mach'atic ayic ta scuenta te Espíritu, como ta scuenta ch'ich'-baq'uet ayex, hich ayex te bin ut'il bic'tal alaletic ta stojol Cristo.

1 Corintios 3:1 Referans Kwoze

Hebreos 5:13

Te mach'atic ja' ya stuuntesic te leche, pajal c'oemic soc te chu'ul alaletique. Melel te mach'a jich ayique, ma to c'oemuc ta yo'tanic te bila lec yo'tan yu'un te Diose.

1 Corintios 2:6

Ja'uc me to, ay nax ya caltic p'ijil c'op ta stojol te mach'atic ayix yip yo'tanique. Te p'ijil c'op te ya cale, ma ja'uc swenta in balumilal to soc ma ja'uc ta swenta te ajwaliletic yu'un balumilal te ya xch'ayic c'axel ta spisilique.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

Romanos 7:14

Melel jna'ojtic stojol te ja' yu'un Dios te mandalile. Yan te jo'one, ch'ich'-baq'ueton nax. Mosoinbilon yu'un te mulile.

1 Juan 2:12

Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

Gálatas 6:1

Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

San Mateo 16:23

Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

1 Corintios 14:37

Teme ay mach'a scuyoj sba ta j'alwaneje, soc teme yic'oj ta sc'op te Espiritue, ac'a c'otuc ta yo'tan te bit'il ja' smandal Cajwaltic te bila la jts'ibuye.