1 Corintios 2:3 - Bible in Tzeltal de Oxchuc y Tenejapa

³ Te c'alal ayon ta atojolique, mero ma'yuc te quipe. Ayon ta xiwel soc ta nijq'uel.

Nuevo Testamento Tzeltal de Amatenango

³ Te kꞌalal ayon ta awolilike, maꞌyuk puersa a kaꞌiy y ben yaꞌbon sik yuꞌun xiꞌel.

Bible in Tzeltal Bachajón

³ Te c'alal ayon ta awohlilic mayuc quip soc bayel ayon ta xiwel soc nihc co'tan yu'un.

1 Corintios 2:3 Referans Kwoze

2 Corintios 13:4

Jich c'oem te bit'il mero ma'yuc yipe, jich la yich' jijp'anel ta cruz. Ja'uc me to, cuxulix ta swenta yu'el te Diose. Ja' nanix jich te jo'otique, ma'yuc quiptic uuc. Ja'uc me to, pajal cuxulotic soc ta swenta yu'el te Diose swenta yu'un ya cac' jbajtic ta abatinel ta atojolic.

2 Corintios 13:9

Ya xbujts'naj co'tantic yu'un te bit'il ma'yuc quiptique, teme ay awipic atuquelic te ja'exe. Soc ja' ya jc'anbeytic Dios te jc'axel lec ya xc'oexe.

2 Corintios 10:10

Ay ya awalic te c'ux soc tulan te cartaetic cu'une. Yan te c'alal ayon ta atojolique: “Ma'yuc yip yo'tan”, xaex, soc ya alabanbonic te jc'ope.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

2 Corintios 6:4

Jich yu'un ja' ya sc'an ya cac'beytic yilic spisil ants-winiquetic te bit'il abatotic yu'un te Diose, chican te bila ya xtal ta jtojoltique. Ya sc'an sts'ijc' cu'untic te uts'inele, te me'bale, soc te jwocoltique.

2 Corintios 4:16

Ja' swentail te ma xpejc'aj te co'tantique. Manchuc teme yanyan ta lajel te jbaq'uetaltique, ja'uc me to, yanyan ta ach'ubel jujun c'aal te co'tantique.

2 Corintios 4:1

Ja' swentail te ma xpejc'aj co'tantic, te melel Dios la yac'botiquix cat'eltic ta swenta bit'il la quich'tic c'uxtayel yu'un.

Hechos 18:12

Ja'uc me to, te c'alal och ta ajwalil te Galión ta sq'uinal Acaya, te judioetic la stsob sbaic ta scontroinel te Pabloe. Jich la yiq'uic bael ta bay te chajbajibal yu'un te Galione.

Hechos 18:6

Ja'uc me to, te judioetic jajch' scontroinic te Pabloe soc la stoybac'optayic. Te Pablo jich la yal ta slilanel te sc'u'e: —Ay ta awenta atuquelic teme ch'ayel ya xbaexe. Te jo'one, ma jwentauc ya xc'ot. Ta ora to, ja' ya xba calbey yaiy lec yach'il c'op te jyanlumetique —la yut jilel.

2 Corintios 7:5

Te c'alal julotic ta bay te sq'uinal Macedoniae, ma'yuc bay la jtajtic te ya jcux co'tantic soc te jbaq'uetaltique. C'axix jwocoltic ta bayuc. Bayuc nax la jtajtic c'op, soc bayal la jtajtic xiwel.

Hechos 17:1

Te Pablo soc te Silase c'axic bael ta lum Anfípolis soc ta lum Apolonia. Jich c'otic ta lum Tesalónica ta banti ay sinagoga yu'un te judioetique.

Hechos 18:1

Patil te Pablo la yijq'uitay te lum Atenas, bajt' ta lum Corinto.

Isaías 19:16

Te bi c'aalil jich ya xc'ot ta pasele, te egipcioetic jich me ya xc'otic yilel te bit'il antsetique; ya me xnoj xiwel ta yo'tanic te c'alal ya yilic te ya sjach sc'ab ta stojolic te Cajwaltic te Spisil ya xju' yu'une.

2 Corintios 7:15

Jelawen to xan c'ux ya yaiyex ta yo'tan ta ora to, te melel ya sna'ulay te bit'il la ach'uunbeyic smandal ta apisilic, soc te jun awo'tanic la awic' ta atojolic, soc te bit'il la awich'ic ta muq'ue.

Efesios 6:5

Abatetic, ch'uunbeyaic smandal te awajwalic ta balumilale. Xi'aic, soc nijc'anic me ta stojol, soc peq'uel me xawac' abaic ta stojol jich bit'il ta stojol te Cristoe.