1 Corintios 16:3 - Bible in Tzeltal de Oxchuc y Tenejapa

³ Te c'alal ya xtalone, ya me jticun bael te mach'atic ya atsaique. Ya me jpasbey bael carta, swenta yu'un jich me ya xc'o yac'beyic ta sc'abic te smajt'an Dios te quermanotactic ta Jerusalén.

Nuevo Testamento Tzeltal de Amatenango

³ Y te kꞌalal ya xkꞌoone, ya me jtikon bael ta Jerusalen te machꞌatik atꞌujojike. Ya me jpasbe bael skartaik yuꞌun ya yichꞌbeyik bael te hermanoetik te majtanil la awakꞌik bael ta Jerusalene.

Bible in Tzeltal Bachajón

³ C'alal ya xtalon, ya jticon bahel soc carta te mach'atic tsahbil awu'unic scuenta yu'un ya yich'ic bahel ta Jerusalén te mahtanil awu'unique.

1 Corintios 16:3 Referans Kwoze

2 Corintios 8:6

Jich yu'un la calbeytiquix wocol te Titoe, yacuc xba sju'tes ta stsobel te coltayele, te ja' nix neel jajch' stsob ta awolilique.

2 Corintios 8:4

La yalbotic bayal wocol te yacuc xju' ya yaq'uic uuc te coltayel yu'un te mach'atic ch'ul lum yu'un Dios ta Jerusalén.

1 Corintios 11:34

Teme ay mach'a ay wi'nal ya yaiye, ac'a we'uc ta sna, swenta yu'un ma ba ya x'ac'botex castigo yu'un Dios te bit'il ya atsob abaique. In te yantic aiyejetique, ya me jchajban te c'alal ya xtal quilexe.

1 Corintios 16:4

Teme ya xju' cu'un te ya xboone, ja' me ya join bael.

2 Corintios 3:1

¿Yu'un bal ya acuyic te tey ya xjajch' cac' jbajtic xan ta ich'el ta muc' a? ¿Soc yu'un bal ya sc'an te ay carta ya cac'beyex awilic te banti ya yalbotic te bit'il lec cat'eltic, jich te bit'il ay ya spasic te yantique? ¿Soc ya bal sc'an te ya jc'anbeyex carta ta atojolic uuc te ja'exe?