1 Corintios 1:8 - Bible in Tzeltal de Oxchuc y Tenejapa

⁸ Ja' me ya yac'beyex yip awo'tanic, ja' to c'alal ta slajibal c'aal. Jich me ma'yuc amulic ya xjul staex te Cajwaltic Jesucristoe.

Nuevo Testamento Tzeltal de Amatenango

⁸ Dios me ya yaꞌbeyex spuersa awoꞌtanik jaꞌ to kꞌalal ta slajibal kꞌaal. Jich ma me ayuk amulik te kꞌalal ya sujt tal te Kajwaltik Jesucristoe.

Bible in Tzeltal Bachajón

⁸ ha te mach'a ya ya'beyex yip awo'tanic yalel c'alal ta slajibal ora, scuenta yu'un hich mayuc amulic ya xtahbotex c'alal ya xtal te Cajwaltic Jesucristo.

1 Corintios 1:8 Referans Kwoze

1 Tesalonicenses 3:13

Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.

Colosenses 1:22

Ta ora to, ta swenta Cristo te la yac' junajuc awo'tanic ta stojol Dios ta swenta bit'il c'ax swocol ta lajel soc sbaq'uetal. Jich te c'alal ya stejc'anex ta stojol te Diose, ch'ultesbilex soc ma'yuc bila boloben soc ma'yuc amulic ta stojol.

Filipenses 1:6

Xch'uunej co'tan te Dios ya sju'tes te lequil at'elil te la sjajch'es ta pasel ta awo'tanic, ja' to te bi ora ya xtal te Jesucristoe.

2 Tesalonicenses 3:3

Ja'uc me to, jun yo'tan te Cajwaltique. Ya me stulantesbeyex awo'tanic spisil ora, soc ya me scanantayex te ma xyaq'uex ta uts'inele.

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

Romanos 16:25

Ac'a calbeytic bayal wocol Dios te ya xju' ya stulantesbeyex awo'tanic ta swenta te lec yach'il c'op te yacon ta xcholel ta bayuque, ja' bi, ja' te p'ijubtesel yu'un te Jesucristoe. Ja' in to, la yaq'uix ta na'el stojol te Diose te bila muquen ay ta neelal te la xchap ta yo'tan te c'alal ma to ayuc a te ch'ulchan balumilale.

1 Pedro 5:10

Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic.

Filipenses 1:10

Jich me ya xju' awu'unic stsael spisil ora te bila lec ta pasele, jich me ma'yuc amulic te cuxulex ta q'uinale, soc ma'yuc bi quechel ta awentaic a te c'alal ya xtal te Cristoe.

2 Pedro 3:14

Jich yu'un quermanotac te bayal c'uxex ta co'tane, te jayeb xan c'aal yacalex ta smaliyele, antayaic me te ma me ayuc bila quechel ta awentaic ta stojol a te ya xjul staex te Diose. Ma me bolobenuc awo'tanic yu'un mulil a te ya xtale.

Romanos 14:4

¿Mach'a ya acuy abaic a te ya alebey smul yabat te yane? Te yajwale ay ta swenta stuquel teme ya yalbey lec sc'oplale, o teme amen sc'oplal ya yalbeye. Ja'uc me to, puersa me lec ya xc'ot, melel te Cajwaltique ya xju' yu'un te lec ya xc'ot yu'une.

Salmos 37:28

Melel te Cajwaltic ja' ya smulan te bila stojil ta pasel. Ma ba ya spijt'es te mach'a jun yo'tan ta stojole; yan te mach'atic amen yo'tanic ya slajin stuquel, jc'axel ya slajinbey sts'umbal.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

2 Corintios 1:21

Soc ja' te Diose te la yaq'uix te jc'axel jch'uunejtic te Cristoe; soc ja' la yu'uninotiquix te Diose.

Salmos 37:17

Melel te Cajwaltic ya yac'bey slajibal stuquel te mach'atic amen yo'tanique; yan te mach'atic lec yo'tanic, ya me stsac ta yu'el stuquel.

2 Corintios 1:14

jich te bit'il ana'ojiquix oliluque. Te c'alal ya xcha'tal xan te Cajwaltic Jesuse, te ja'exe ya me sbujts'naj awo'tanic cu'untic, jich te bit'il ya xbujts'naj co'tantic awu'un uuc te ja'exe.

1 Corintios 5:5

Jich me ya awaq'uic ta sc'ab Satanás te winique, swenta yu'un ya me xc'ax swocol ta sbaq'uetal. Jich me ya xcol xch'ulel te c'alal ya xtal te Cajwaltique.

San Lucas 17:24

Yu'un te bi ora ya xtal te Nich'anile, jich me ya xchicnaj tel te bit'il ya xlem tel tsantsewal ta bay juju-jmejch' te ch'ulchane.

San Lucas 17:30

Jich nix ya xc'ot ta pasel te c'alal ya xchicnaj tel te Nich'anile.

Romanos 8:19

Soc spisil te bitic pasbil yu'un te Diose, yo'tanuc ya xchicnantesot ta ora te mach'atic yal-snich'an te Diose.

1 Corintios 3:13

Te yat'el juju-jtule ya me xchicnaj te bi yilele, melel ya me sta sc'aalelal te ya yich' tsajel ta c'ajc' te yat'el ta juju-jtule.

2 Corintios 1:13

Ta bay cartaetic te ts'ibubil cu'untique, ma yan yanuc la jpasbeyex. Jich nix la jpasbeyex te bit'il ya xju' awu'unic yilele soc te bit'il ya xc'ot ta awo'tanique. Soc co'tanuc te lecuc ya xc'ot ta awo'tanique,

Colosenses 2:7

Ismajemuquex me ta lec ta stojol Cristo, soc ipajemuquex me ta lec ta swenta. Jc'axeluc me ay xch'uunjel awo'tanic jich nix te bit'il ac'botex anopique. Albeyaic bayal wocol spisil ora te Diose.

1 Tesalonicenses 5:2

melel ana'ojic stojol ta lec te bit'il ya xc'ot sc'aalelal te Cajwaltique. Jich ay te bit'il ya xtal j'elec' ta ajc'ubale.

2 Tesalonicenses 2:2

Ma me ayuc yan te bila ora nax ya xyanaj ta nopel awu'unique. Ma me xjajch' amel awo'tanic yu'un teme ay mach'a ya yalbey sc'oplal te c'axix sc'aalelal te Cajwaltique, soc teme ya yalic te jo'on caloj ta sc'opique, soc teme ya yalic te ay carta te pasbil cu'untic te jich ya yal ta sc'opique.

2 Timoteo 1:12

Ja' swentail te ay jwocol yu'un ta ora to. Ja'uc me to, ma ba ya xq'uexawon yu'un, melel ya jna' te mach'a jch'uuneje, soc xch'uunej co'tan te bit'il ay yu'el ta scanantayel te bila cac'ojix jilele ja' to te c'alal ya sta sc'aalelal te ya xcha'tal xane.

2 Timoteo 1:18

Ac'a me yich' c'uxtayel yu'un Cajwaltic te bi ora ya sta sc'aalelal te ya xcha'tal xane. Te ja'ate ana'oj ta lec te bit'il bayal la yac' sba ta abatinel cu'untic ta lum Efeso.