1 Corintios 1:7 - Bible in Tzeltal de Oxchuc y Tenejapa

⁷ Jich ma'yuquix bila ya spas falta awu'unic yu'un te bitic majt'anil ya yac' te Diose. Jich jun nax awo'tanic yacalex ta smaliyel te bi ora ya xchicnaj tel te Cajwaltic Jesucristoe.

Nuevo Testamento Tzeltal de Amatenango

⁷ Te tutꞌil jich aye maꞌyukix falta awuꞌunik te tutik ya yakꞌ te Diose. Jich me jun awoꞌtanik te yipalex ta smaliyel te tut kꞌaalil ya xchiknaj tal te Kajwaltik Jesucristoe.

Bible in Tzeltal Bachajón

⁷ ha yu'un mayuc junuc mahtanil ya spasbeyex falta te c'alal yaquex ta smahliyel te ya xchicnaj tal te Cajwaltic Jesucristo,

1 Corintios 1:7 Referans Kwoze

Filipenses 3:20

Yan te jo'otique ja' jlumaltic ya xc'ot te ch'ulchane. Ja' yacotic ta smaliyel te ya xtal te Jcoltaywaneje, ja' te Cajwaltic Jesucristoe.

2 Pedro 3:12

Maliyaic me te bi c'aalil ya xtal te Diose, soc pasaic me spisil te bila ya yac' taluc ta ora yu'une. Te bi c'aalil te ya xtale, te ch'ulchane xpulpon me ta tilel ya xlaj ta c'ajq'uel, soc jich me ya x'ulub te c'aal, u, eq'uetique.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

1 Pedro 4:13

Jich yu'un bayaluc me sbujts' awo'tanic yu'un uuc te bit'il ayex ta woclajele, jich bit'il woclaj stuquel te Cristoe. Jich me c'axem to xan ya xbujts'naj awo'tanic yu'un te c'alal ya xchicnaj tel soc yutsilal ya awilique.

Tito 2:13

Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.

Romanos 8:19

Soc spisil te bitic pasbil yu'un te Diose, yo'tanuc ya xchicnantesot ta ora te mach'atic yal-snich'an te Diose.

San Lucas 17:30

Jich nix ya xc'ot ta pasel te c'alal ya xchicnaj tel te Nich'anile.

1 Pedro 5:4

Jich te c'alal ya xchicnaj te Mach'a mero Jwolwanej yu'un te jcanan-chijetique, ya me awich' acoronaic te ma sna' xlaj soc te jelawen yutsile.

1 Pedro 1:13

Jich yu'un, chajbana me abaic soc ayuc me sp'ijil awo'tanic. Junuc me awo'tanic ya amaliyic spisil ora te bila ya yac'beyex Dios ta swenta yutsil yo'tan te c'alal ya xchicnaj tel te Cristo Jesuse.

2 Timoteo 4:8

Ta ora to, ja' xanix ya jmaliy te jcorona te bit'il toj ainon ta q'uinale te q'uejbil yu'un te Cajwaltique, te ya yac'bon te c'alal ya sta sc'aalelal te ya xcha'tal xane. Melel ja' lequil juez stuquel te toj ya xchajbanwane. Ma jo'ocon nax jtuquel te ya yac'bon jmajt'ane, melel ya yac'bey smajt'an uuc spisil mach'atic bin nax yo'tanic ta smaliyel te bi ora ya xchicnaj tele.

2 Tesalonicenses 1:7

Yan te ja'ex, te awich'ojic controinele, ya me yac'beyex awich'ic lewa yu'un awocolic, soc uuc te jo'otic, te bi ora ya xchicnaj tel ta ch'ulchan te Cajwaltic Jesuse. Joytaybil ta yat c'ajc' ya xtal soc te ch'ul abatetic yu'une te ay bayal yipique.

1 Tesalonicenses 1:10

Soc yacalic ta yalel te bit'il yacalex ta smaliyel te ya xloc' tel ta ch'ulchan te Snich'ane. Ja' te Jesús te cha'cux tel ta bay te animaetique, soc te ya scoltayotic loq'uel ta tulan castigo te ya xtale.

Colosenses 3:4

Ja' acuxlejalic te Cristoe. Jich te c'alal ya xchicnaj tele, tey me ya xchicnajex soc a. Jich me ya ajoinic tey a ta bay nojel te yutsilale.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

San Lucas 12:36

Jichuquex me te bit'il abatetic te chapalic ta smaliyel te ya sujt' tel te yajwalic te baem ta yilel nujbinel te ora ya sjambeyic te c'alal ya xjul stij te ti'naile.

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

Génesis 49:18

“¡Cajwal, yacon ta smaliyel te bit'il ya quich' coltayel awu'une!

2 Corintios 12:13

¿Ay bal banti ma jichuc la quich'ex ta muc' te bit'il la quich' ta muc' te yantic jch'uunjeletique? ¿O ja' bal ma la quich'ex ta muc' ta ac'opic a te ma la cac'beyex awocolic yu'un te bila tuun cu'une? Teme jiche, pasbon me perdón yu'un.

Romanos 8:23

Soc ma stuqueluc nax te yac ta woclajele. Jichotic uuc yacotic ta woclajel manchuc teme quic'ojtiquix te Espiritue, te ja' sbabial seña te jayeb bi ya yac'botic ta spisil te Diose. Jich bayal ayotic ta ajc'an jpisiltic te bit'il yacotic ta smaliyel te bi ora yal-snich'an Dios ya xc'ootique. Tey me ya xcolotic soc a te jbaq'uetaltique.

Gálatas 5:5

Yan te jo'otique ta swenta te Espíritu te ya cac' xch'uunjel co'tantic. Jich jun co'tantic ya jmaliytic te bit'il toj ya yilotic te Diose.