1 Corintios 1:30 - Bible in Tzeltal de Oxchuc y Tenejapa

³⁰ Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Nuevo Testamento Tzeltal de Amatenango

³⁰ Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

Bible in Tzeltal Bachajón

³⁰ Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

1 Corintios 1:30 Referans Kwoze

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Filipenses 3:9

soc jun me ya xc'oon soc te Cristoe. Jich ma ja'uc tojobenon yu'un spasel te mandalile, ja' nax ta swenta xch'uunjel co'tan ta stojol Cristo te bit'il lec ya x'iloton yu'un te Diose, ja' ta swenta te xch'uunjel co'tane.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

1 Corintios 1:2

ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Colosenses 1:14

Ja' ta swenta xch'ich'el te la sman jcoleltique, jich la spasbotic perdón yu'un te jmultique.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

Jeremías 33:16

Te bi yorail ya cale, te Judá ya me xcol soc Jerusalén, jun nax me yo'tan ya xcuxinic. Ja' me sbiil ya awalbeyic: “Cajwaltic te toj ya yaiy tsalaw cu'untique”, xi' me.

Proverbios 2:6

Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Gálatas 1:4

Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

1 Corintios 1:24

Yan te mach'atic ic'bilic yu'un te Diose, chican teme judioetique o teme jyanlumetique, jich c'oem ta yo'tanic te bit'il ja' yu'el Dios soc ja' sp'ijil Dios te Cristoe.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

2 Pedro 1:1

Jo'on Simón Pedroon, yabaton te Jesucristoe soc jpuc-c'opon yu'un. Ya jpatbeyex awo'tanic ja'ex te ay xch'uunjel awo'tanic, te jelawen yutsil jich te bit'il jch'uunejtique. Melel te Diose soc te Jcoltaywanej cu'untique, ja' te Jesucristoe, toj yo'tan stuquel.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

Efesios 4:30

Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.

1 Corintios 12:8

Ta swenta te Espiritue, ay mach'a ya x'ac'bot bayal sp'ijil ta c'op. Soc ja' nix ta swenta te Espiritue te ay mach'a ya x'ac'bot bayal sp'ijil ta q'uinale.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Efesios 1:14

Te Ch'ul Espiritue, ja' seña te bila ya yac'botic quich'tic te Diose te c'alal ju'ix yu'un scoltayel spisil te mach'atic yu'une, swenta yu'un jich me ya jc'ajintaybeytic te yutsilale.

1 Corintios 12:27

Jich te ja'exe ja' sbaq'uetalex te Cristoe. Juju-jtul jun nax c'oemex soc.

Romanos 8:23

Soc ma stuqueluc nax te yac ta woclajele. Jichotic uuc yacotic ta woclajel manchuc teme quic'ojtiquix te Espiritue, te ja' sbabial seña te jayeb bi ya yac'botic ta spisil te Diose. Jich bayal ayotic ta ajc'an jpisiltic te bit'il yacotic ta smaliyel te bi ora yal-snich'an Dios ya xc'ootique. Tey me ya xcolotic soc a te jbaq'uetaltique.

Romanos 8:9

Ja'uc me to, te ja'exe, ma me ja'uc cuxulex xan ta swenta te abaq'uetalique. Ja'uc me cuxulex ta swenta te Espiritue, nainemuc ta awo'tanic te Espíritu yu'un te Diose. Yan teme ma nainemuc ta awo'tanic te Espíritu yu'un te Cristoe, ma yu'unuquex Cristo abi.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

Romanos 5:19

Ja' bi ta swenta bit'il la xc'axintay mandal te jtul winique jich jmulawiletic c'ot spisil te ants-winiquetique, ja' nanix jich ta swenta bit'il la xch'uun mandal te jtul xan Winique, Dios la yac' ta libre yu'un smulic spisil te ants-winiquetique.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Romanos 4:6

Jich te bit'il la yal te muc' ajwalil Davide, te c'alal la sta ta alel te ja' bin nax yutsil te winic te toj ya x'ilot yu'un Dios a te ma ja'uc ta swenta te yat'el spasoje.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

San Mateo 1:21

Ya me x'ayin squerem-al. Jesús sbiil ya xc'ot awu'un te yale. Jich ay te sbiile, yu'un ya me scoltay ta lajel yu'un smulic te lum yu'une —xi' te ch'ul abate.

Oseas 13:14

¿Ya bal cac' ta libre yu'un yu'el te muquenale? ¿Ya bal jcoltay loq'uel yu'un a te lajele? ¿Banti ay awu'el, ja'at lajel, te jinwanejate? ¿Banti ayic, muquenal, te bila amen awu'une? Ma ba ya jna'beyix yo'bolil sba te ants-winiquetique —xi' te Cajwaltique.

Daniel 2:20

jich la yal: —Bayaluc me yutsil sbajt'el q'uinal te sbiil te Diose, melel ja' yu'un stuquel te p'ijil-o'tanile, soc ja' yu'un stuquel te yip yu'ele.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

1 Juan 5:6

Ja' xtaluc te Jesucristo te chicnaj ta swenta ja' soc ta swenta ch'ich'. Ma ja'uc nax chicnaj ta swenta te ich' ja'e, chicnaj xan ta swenta te la smal te xch'ich'ele. Te Espíritu ja' ya yal ta testigo, melel te Espiritue smelelil te bila ya yale.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

Efesios 1:10

Ja' la xchap te c'alal ya sta yorail yu'une, ya me x'och ta swenta Cristo spisil te bitic ay ta ch'ulchane soc ta balumilal.

1 Corintios 12:18

Ja'uc me to, te Diose chican te bit'il la sc'an yo'tan ta bay la yac' juju-jchajp ta bay te jbaq'uetaltique.

Romanos 16:11

Albon spatjibal yo'tan uuc te Herodión te jchapomale, soc uuc te mach'atic ayic ta sna te Narciso te xch'uunejic te Cajwaltique.

Romanos 16:7

Albon spatjibal yo'tanic uuc te Andrónico soc te Junias te jchapomale, te la quich' chuquel soque. Ja'ic te muc' sc'oplalic yu'un te jpuc-c'opetique. Ja' neel la xch'uunic Cristo cu'un.

Romanos 12:5

Ja' nanix jich te jo'otique. Manchuc teme tsobolotic ta jtule, ja'uc me to, jun nax jbaq'uetaltic ta stojol te Cristoe, jich bit'il jun nax ay te bitic ay ta jbaq'uetaltique.

Romanos 11:36

Te melel spisil te bitic aye, ja' yu'un. Ja' nix spasoj spisil, soc ja' swentainej stuquel. Ja' ac'a chicnajuc yutsilal ta bayuc sbajt'el q'uinal. Jichuc.

Romanos 1:17

Melel ya yal te lec yach'il c'ope te ja' toj ya x'ilot yu'un Dios te mach'a ay xch'uunjel yo'tane. Jich nix te bit'il ts'ibubil jilele: “Te mach'a toj ya x'ilot yu'un Dios ta swenta xch'uunjel yo'tane, ja' me ya xcuxin yu'un”, te xie.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

San Juan 17:26

La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Isaías 54:17

ja'uc me to, ma'yuc mach'a spasoj te at'ejibaletic te ya xju' ya sjinate. Ya me awac' xmajc' jilel ye te mach'a ya sleat ta c'ope. Ja' ya cac'bey te ya yaiy tsalaw te mach'atic ya yac' sbaic ta abatinel cu'une —xi'. Jich la yal te Cajwaltique.

Isaías 45:17

Ja'uc me to, te Israel coltayotix yu'un te Cajwaltique, sbajt'el q'uinal te coltayel la yac'beye; mero ma xjilic ta q'uexlal stuquelic, ni ma me peq'ueluc ya xjilic yu'un.

Proverbios 8:5

Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.

Proverbios 1:20

Ta calleetic soc ta banti ya stsob sbaic te lume, te p'ijil-o'tanil ya yac' ta aiyel sc'op;

2 Corintios 12:2

Ay jtul winic te xch'uunej Cristo te jna'ojbey sba ta leque, ayix ta xchanlajunebal ja'wil te ic'ot moel c'alal ta yoxcajal te ch'ulchane. (Ma jna' teme soc sbaq'uetal ic'ot moele o teme ma socuc sbaq'uetale. Ja' nax sna'oj te Diose.)

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

San Lucas 11:49

“Jich yu'un te Dios te ay sp'ijil stuquele, jich la yal: “Ya jticunbeyex j'alwanejetic soc jpuc-c'opetic. Ay ya amilic soc ay ya anutsic”, te xie.

1 Corintios 4:15

Manchuc teme ay lajunmil (10,000) jp'ijubteswanejetic awu'unic ta swenta te Cristoe, ja'uc me to, ma tsoboluc te atatique. Ja' nax atatonic c'oem ta swenta xch'uunjel awo'tanic ta stojol Cristo Jesús, te bit'il jajch' ach'uunic te lec yach'il c'op ta jwenta.

1 Tesalonicenses 5:23

Dios, te lamal q'uinal ta swentae, ts'acal ac'a me yutstesex. Soc ya me swentainbeyex spisil te acuxlejale: te awo'tane, te ach'ulele soc te abaq'uetale, swenta yu'un ma me ayuc bila quechel ta awentaic a te c'alal ya xchicnaj tel te Cajwaltic Jesucristoe.