1 Corintios 1:17 - Bible in Tzeltal de Oxchuc y Tenejapa

¹⁷ Melel ma ja'uc sticunejon ta yaq'uel ich'ja' te Cristoe. Ja' sticunejon ta xcholel te lec yach'il c'ope. Ja'uc me to, ma swentauc sp'ijil ants-winiquetic te la cal loq'uel ta quee, swenta yu'un jich ma tojoluc ya xc'ot te bit'il laj ta cruz te Cristoe.

Nuevo Testamento Tzeltal de Amatenango

¹⁷ Yuꞌun te Cristoe ma jaꞌuk a stikonon ta yakꞌel ichꞌ jaꞌ. Jaꞌ nax a stikonon ta yalel skꞌoplal te kolele. Y ma jaꞌuk ta spꞌijil genteetik te la kal lokꞌel ta jtiꞌe, yuꞌun ma lomuk nax ya xkꞌot a te cham ta krus te Cristoe.

Bible in Tzeltal Bachajón

¹⁷ Como ma ha'uc sticonejon ta yaq'uel ich'-ha' te Cristo, ha sticonejon ta spuquel te lec yach'il c'op, pero ma ha'uc scuenta sp'ijil-c'op ants-winiquetic, scuenta yu'un ma tojoluc ya xc'oht a te cham ta cruz te Cristo.

1 Corintios 1:17 Referans Kwoze

1 Corintios 2:1

Jich yu'un, quermanotac, te c'alal tal calbeyex awaiyic te sc'op Diose, ma ja'uc la cal te bila swenta p'ijil c'op soc t'ujbil c'op.

1 Corintios 2:13

Jich te c'alal ya jcholbeytic sc'oplal spisil in to, ma ja'uc ya cac' ta nopel te p'ijil c'op yu'un te ants-winique, ja' ya cac' ta nopel te bila swenta te Espiritue. Jich te bila swenta te Espíritu, ja' ya jcholbeytic yaiyic te mach'atic yic'ojic te Espiritue.

2 Pedro 1:16

La cac'beyex anopic te bit'il ay yu'el te ya xcha'tal xan te Cajwaltic Jesucristoe. Ma ja'uc la calbeyex awaiyic jowil lo'laywanej c'op te ay lajel ta swentae, melel la quiltic ta jsitic soc smuc'ul yutsilal te Cajwaltique.

2 Corintios 10:10

Ay ya awalic te c'ux soc tulan te cartaetic cu'une. Yan te c'alal ayon ta atojolique: “Ma'yuc yip yo'tan”, xaex, soc ya alabanbonic te jc'ope.

2 Corintios 4:2

La quijq'uitaytiquix jilel te bila la jpastic ta muquen te ya xq'uexawotic yu'une. Ma ba ya caiytic lo'laywanej, soc ma ba ya jcaptic ta lotil p'ijubtesel te sc'op Diose. Ja' nax ya caltic te bila smelelile. Jich ya cac'tic ta ilel ta stojol spisilic te bit'il ay te co'tantic ta stojol te Diose.

San Juan 4:2

(Ja'uc me to, ma ja'uc la yac' ich'ja' te Jesuse, ja' la yac' ich'ja' te jnopojeletic yu'une.)

2 Corintios 11:6

Manchuc teme ma xtojob lec te jc'ope, ja'uc me to, bayal te bila jna'oj stojole. Soc spisil ora ja' la cac'beyex ana'ic ta swenta te bila jpasojtiquixe.

Hechos 10:48

Jich la yal mandal te ya x'ac'bot yich'ic ja' ta swenta sbiil te Jesucristoe. Jich yu'un la yalbeyic wocol te Pedro te yacuc sjoinic che'oxebuc c'aale.

San Juan 4:1

Te fariseoetic la yaiyic stojol te bit'il ayix bayal jnopojeletic yu'un te Jesuse, soc c'ax jich yac ta yaq'uel ich'ja' te bit'il te Juane.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.