1 Corintios 1:12 - Bible in Tzeltal de Oxchuc y Tenejapa

¹² Ja' ya calbeyex ta jamal te ay jich ya awalic juju-jtul te ja'exe: “Jo'on ayon ta swenta Pablo”. “Jo'on ayon ta swenta Apolos”. “Jo'on ayon ta swenta Pedro”. “Jo'on ayon ta swenta Cristo”, te xaexe.

Nuevo Testamento Tzeltal de Amatenango

¹² Jaꞌ te ay jtul-chebex te ya awalik: “Joꞌon ayon ta skuenta jPablo”, yan ya yal: “Joꞌon ayon ta skuenta Apolos”, yan ya yal: “Ayon ta skuenta jPedro”, yan ya yal: “Joꞌon ayon ta skuenta Cristo”, xchaex.

Bible in Tzeltal Bachajón

¹² Ay laj hich yac awalic: Ho'on jt'unoj te Pablo; o: Ho'on jt'unoj te Apolos; o: Ho'on jt'unoj te Cefas; o: Ho'on jt'unoj te Cristo, ay laj xchihex.

1 Corintios 1:12 Referans Kwoze

San Juan 1:42

Jich la yic' bael tey a ta ba ay te Jesuse. Jesús la yil te Simone. Jich la yalbey: —Ja'at Simonat snich'anat Jonás, ja'uc me to, Cefas abiil ya xc'oat —la yut. Te Cefas te xie, Pedro, xi' c'oem.

Gálatas 3:17

Ja' ya cal in to: Te Dios la spas trato soc te Abrahame, ja' swentail te ma teyuc laj sc'oplal a te bit'il lajuneb xcha'winic xcha'bajc' (430) ja'wil ta patil, chicnaj te mandalile. Melel te mandalil te patil chicnaje, ma ja'uc la slajinbey sc'oplal te bila la yal Dios ta stojol te Abrahame.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

2 Corintios 9:6

Na'aic me in to: Te mach'a jteb nax ya yaiy awale, ja' nanix jich, jteb nax te bila ya sc'aje. Soc te mach'a bayal ya yaiy awale, ja' nanix jich, bayal ya sc'aj.

1 Corintios 16:12

Yan te quermanotic Apolose, la calbey bayal wocol te yacuc xtal yilex soc te quermanotactique. Ja'uc me to, ma la sc'an te ya xbajt' ta orae. Pero ya to xtal yilex, chican bi ora te ya xju' yu'une.

1 Corintios 15:50

Quermanotac, ya calbeyex in to: Te ch'ich'-baq'uete ma xju' ya xc'o ainuc tey a ta banti ay ta ajwalinel te Diose. Te bila swenta c'a'ele, ma xju' ya xc'o sjoin tey a te bila stalel ma xc'a' stuquele.

1 Corintios 15:5

La yac' sba ta ilel ta stojol te Pedro, soc ta patil la yac' sba ta ilel ta stojol te jpuc-c'opetique.

1 Corintios 9:5

¿Yu'un bal ma'yuc ta jwenta yinaminel jtul ants te xch'uunej Dios te jichuque, jich bit'il te yantic jpuc-c'opetique soc te yijts'inab te Cajwaltique soc uuc te Pedroe?

1 Corintios 7:29

Quermanotac, te bila ya calbeyexe, ja' in to: Ma'yuquix bayal c'aal. Jich yu'un, ja'ex te ay awinamique, jich me x'ainex te bit'il ma'yuc awinamic c'oeme.

1 Corintios 4:6

Quermanotac, te bit'il la calix jba ta ejemplo soc te Apolose, ta swenta xc'uxul co'tan ta atojolic, swenta yu'un yacuc ana'ic a te ma xju' ya xjelawex yu'un te bila ts'ibubile. Yu'un jich ma ba ya atoyesbeyic sc'oplal te jtule soc ma ba ya ap'ajic te yane.

Hechos 18:24

Jich ora c'ot ta lum Efeso jtul judio-winic te Apolos sbiil te ja' slumal te lum Alejandría. Te winique la sna' c'op ta lec, soc ya sna' ta lec te Sjun Diose.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

Hechos 19:1

Te c'alal ay ta lum Corinto te Apolose, te Pablo c'ax tel ta witstiquil, c'ot ta lum Efeso. Ay jnopojeletic c'o sta tey a.

1 Corintios 1:11

Quermanotac, ja' la xcholbonix ac'oplalic te mach'atic ay yu'un te Cloé, te ay c'op jajch'em awu'unique.

2 Corintios 10:7

Te ja'exe, ja' nax yacalex ta yilel te bila chican ya awilic ta asitique. Teme ay mach'a ya yal: “Ja' yu'unon te Cristoe”, teme xie, ac'a me sna' ta lec te bit'il c'oem ya yaiy ta yo'tane. Melel teme yu'un te Cristoe, ja' nanix jich te jo'otique, yu'unotic uuc te Cristoe.

1 Reyes 16:21

Te lum Israel cha'chajp la yac' sba. Te jchajbe la yac' sba ta swenta Tibni te snich'an Ginat, yu'un ya sc'anic ya x'och ta muc' ajwalil. Te yantique la yac' sbaic ta swenta Omri.