1 Corintios 1:10 - Bible in Tzeltal de Oxchuc y Tenejapa

¹⁰ Quermanotac, ya calbeyex wocol ta swenta sbiil te Cajwaltic Jesucristoe, pajaluc me ac'opic ta apisilic, soc ma me ayuc xatomba awu'unic. Jun nax me xawac' abaic, soc junuc nax me te bila ya anopique, soc pajaluc nax me awilelic.

Nuevo Testamento Tzeltal de Amatenango

¹⁰ Kermanotak, ta sbiil te Kajwaltik Jesucristoe, awokoliluk te yauk xꞌochex ta akuerdo sok te maꞌ xatꞌojuk abaike. Junuk me awoꞌtan abaik sok junuk nax me te tut ya anopike sok te tut ya awalike.

Bible in Tzeltal Bachajón

¹⁰ Quermanotac, ya calbeyex wocol ta scuenta sbihil te Cajwaltic Jesucristo, te junuc ac'opic ta apisilic, te manchuc yac ajat abahic, te jc'axel junuc awo'tan abahic soc junuc snopojibal awu'unic;

1 Corintios 1:10 Referans Kwoze

1 Corintios 12:25

swenta yu'un ma'yuc bila ya scontroin sbaic yu'un te bila ay ta jbaq'uetaltique. Jich talel c'axel ya xc'uxtay sbaic.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

2 Corintios 13:11

Lec ay, quermanotac, ayuc me sbujts' awo'tanic spisil ora. Antayaic me te lec ya xc'oexe. Muc'ubenuc me q'uinal ya awaiyic spisil ora. Junuc me awo'tan abaic soc lamaluc me q'uinal awu'unic. Ac'a sjoinex spisil ora te Diose, te lamal q'uinal ta swentae soc te bayal c'uxex ta yo'tan stuquele.

Salmos 133:1

Ila awil, mero bayal yutsil soc mero xjamet sbujts' q'uinal yu'un te jun yo'tan sbaic te mach'a yermano sbaique.

1 Corintios 11:18

Te bila sbabiale: Ja' te bit'il ya atsob abaic te ach'uunejic te Diose, caiyoj stojol te tsojboltsojp awac'oj abaic. Jich xch'uunej co'tan jtebuc te jich nix ya apasique.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

Romanos 16:17

Quermanotac, ya calbeyex xan wocol: Ila me abaic yu'un te mach'atic ya yaq'uic xatomba soc te ya sc'an ya xyaleswanic soc te ya scontroinic te bila ach'uunejic te ac'botex anopic ta apisilique. Ma me xajoin abaic soc.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

1 Corintios 4:16

Jich yu'un ya calbeyex wocol te ya me anopbonic te co'tane.

Hechos 4:32

Te jich yipal xch'uunejiquix te Jesuse, jun nax yo'tanic soc jun nax xch'ulelic ta spisilic. Ma'yuc mach'a la yal te stuquel yu'un te sbiluque. Comon tuun yu'unic te bila ay yu'unique.

Jeremías 32:39

Ya me cac' te ayuc yutsil yo'tanic ta jtojol, soc te jc'axel ya yich'onic ta muc' ta spisil xcuxlejal, ta swenta slequilal soc te sts'umbalique.

San Juan 17:23

Te jo'one ainemon ta yo'tanic. In te ja'ate ja' ainemat ta co'tan uuc, swenta yu'un jc'axel me jun ya xc'otic. Tey me ya sna'ic stojol a te mach'atic ayic ta balumilal te ja'at la aticunon tele, soc te c'ux ya awaiy ta awo'tan te mach'atic xch'uunejonixe, jich bit'il te c'ux ya awaiyon ta awo'tane.

1 Tesalonicenses 5:13

Bayaluc me sc'oplal ta awo'tanic, soc c'ux me x'awaiy ta awo'tanic ta scaj te yat'elic te yacalic ta spasele. Lamaluc me q'uinal awu'unic.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

San Juan 10:19

Te c'alal la yaiy stojol te judioetic te bit'il jich la yale, jich ma junuc nax yo'tan sbaic yu'un.

1 Pedro 2:11

Quermanotac te c'uxex ta co'tane, ya calbeyex wocol, te jich c'oemex te bit'il jyanlum te beomal nax ayex li'to ta balumilale, ac'a jiluc awu'unic te bila mulanbil ta pasel yu'un te abaq'uetalique te ja' scontro te ach'ulelique.

2 Timoteo 4:1

Ya jpasat ta mandal ta stojol te Diose soc ta stojol te Cajwaltic Jesucristoe, te ya xtal ta muc' ajwalile soc te ya yilbey bi yilel yat'el spisil te mach'atic cuxulique soc te mach'atic lajemique.

Filipenses 3:16

Ja'uc me to, ta bay c'alal c'oemix ta co'tantique, jich me ac'a jna'tic soc jich me ac'a jpastic.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

San Juan 7:43

Jich ma junuc yo'tan sbaic yu'un te Jesuse.

San Marcos 2:21

“Ma'yuc mach'a ya spac'antay ta ach' pac' te pocol c'u'ile, melel te ach' paq'ue ya x'ojts'. Jich ya xch'i' yu'un te pocol c'u'ile. Jich c'ax muc' ya xc'ot xan a te xch'i'benale.

San Mateo 9:16

“Ma'yuc mach'a ya spac'antay ta ach' pac' te pocol c'u'ile, melel te ach' paq'ue ya x'ojts'. Jich ya xch'i' yu'un te pocol c'u'ile. Jich c'ax muc' ya xc'ot xan a te xch'i'benale.

1 Timoteo 5:21

Ya calbat mandal ta stojol te Diose soc ta stojol te Cajwaltic Jesucristoe soc ta stojol te ch'ul abatetic tsabilic yu'une, te jich me xapas spisil ora. Ma me tsabiluc nax awu'un te mach'a ya achajbane.

2 Tesalonicenses 2:1

Quermanotac, te bit'il ay sc'oplal te ya xtal te Cajwaltic Jesucristoe, soc te ya quich'tic stsobel yu'un ta stojole, ya calbeyex wocol ta atojolic:

Gálatas 4:12

Quermanotac, ya calbeyex bayal wocol te jichuc ya xc'oex te bit'il ayone, te melel jich nix ayon uuc te bit'il ayexe. Ma'yuc la awac'bonic jwocol.

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

Romanos 15:30

Quermanotac, ya calbeyex wocol ta swenta te Cajwaltic Jesucristo soc ta swenta te xc'uxul yo'tan yac'ojbotic te Espiritue: Coltayawonic ta sc'oponel te Diose,

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

Romanos 1:13

Quermanotac, ya calbeyex awaiyic te bayal buelta te c'an tal quilexe. Ja'uc me to, ay bila la scomon te jujun bueltae. Te bila ay ta co'tane, ja' te ya caiy c'ajoj ta awolilic uuc, jich te bit'il la jpasix ta stojol te yantic jyanlumetique.

1 Corintios 1:11

Quermanotac, ja' la xcholbonix ac'oplalic te mach'atic ay yu'un te Cloé, te ay c'op jajch'em awu'unique.

1 Corintios 3:3

te melel swentainejex to te abaq'uetalique. Melel tey chican a te ay to paichal ta awo'tanic, ya ajachic c'op, soc ya ajat abaic. ¿Ma bal ja'uc yat'el abaq'uetalic in to? Melel jich ya apasic te bila ya spasic spisil te ants-winiquetic te ma ba xch'uunejic te Diose.

2 Corintios 13:9

Ya xbujts'naj co'tantic yu'un te bit'il ma'yuc quiptique, teme ay awipic atuquelic te ja'exe. Soc ja' ya jc'anbeytic Dios te jc'axel lec ya xc'oexe.

1 Pedro 5:10

Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic.

Josué 22:15

Spisilic bajt'ic ta Galaad, ja' te ba ayic te sts'umbal Rubén, Gad soc te olil sts'umbal Manasés, jich c'o yalbeyic:

San Marcos 3:24

Jich bit'il te mach'atic jtul nax muc' ajwalil ay yu'unique. Teme ya xat sbaique soc teme ya xjajch' scontroin sbaique, ma ba ya xjalajic ta q'uinal yu'un.