Tito 3:5 - Bible in Tzeltal Bachajón

⁵ la scoltayotic, ma ha'uc yu'un te lec ca'tel jpasojtic, ha nax ta scuenta sc'uxul yo'tan, ta scuenta te poquel yu'un cha'ayinel soc ta scuenta te ach'ubtesel yu'un te Ch'ul Espíritu.

Nuevo Testamento Tzeltal de Amatenango

⁵ La skoltayotik, ma yuꞌunuk lek te tut ya jpastik te joꞌotike, sino ke la yakꞌ slekil yoꞌtan ta jtojoltik. Pokbilotik kꞌootik kꞌalal la xchaꞌ yayintesotik ta achꞌe. Jaꞌ ta skuenta te Chꞌul Espiritue te la yaꞌbotik te achꞌ kuxlejale.

Bible in Tzeltal de Oxchuc y Tenejapa

⁵ Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Tito 3:5 Referans Kwoze

2 Timoteo 1:9

Dios la scoltayotic soc la yic'otic ta scuenta te ch'ul iq'uel yu'un, ma ha'uc ta scuenta ca'teltic, ha ta scuenta te hich snopoj soc ta scuenta te yutsil yo'tan te la ya'botic ta scuenta Cristo Jesús te c'alal ma to ayuc bin ay a,

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

1 Pedro 3:21

Te ha'e ha seña te ich'-ha' te ya xcolotic yu'un (ma ha'uc te ya sloq'uesbe yabaquil baq'uet, ha te bin ya calbe wocol Dios yu'un te bin ut'il mayuc bin ya yalbotic te co'tantique). Ha ya xcolotic yu'un ta scuenta te cha'cuxaj te Jesucristo,

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Efesios 2:4

Pero Dios, te bayel ya xc'uxultaywan, ta scuenta smuc'ul sc'uxul yo'tan ta jtojoltic

Efesios 5:26

yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

Salmos 51:10

¡Dios cu'un, pasbon ta sac te co'tane, ach'ubtesbon co'tan te stalel toj ay!

Romanos 11:6

Teme ta scuenta yutsil-o'tanil, yu'un nix ma ta scuentahuc ya'telic a; te ha'uc ta scuenta ya'telic, ma ha'uquix yutsil-o'tanil te yutsil-o'tanile.

Hebreos 4:16

Ha yu'un junuc co'tantic ac'a nopojucotic bahel ta stojol te muc'ul-huctajibal yu'un Dios banti ay yutsil-o'tanil, scuenta yu'un ya jtahtic c'uxultayel soc yu'el te ya scoltayotic ta yorahil te jwocoltique.

Colosenses 3:10

la alapiquix te yach'il acuxlejalic, te xquechet ta ach'ubel te hich yilel ya xc'oht te bin ut'il te Jpaswanej yu'une, scuenta yu'un ts'acal yac ana'beyic sba ta lec a.

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

Gálatas 2:16

jna'ojcotic te ma ba toj ya x'ilot yu'un Dios te winic ta scuenta spasel bin ya yal te Ley, pero ta scuenta sch'uhunel te Jesucristo, ha nix hichotcotic jch'uhunejcotic te Jesucristo scuenta yu'un toj ya x'ilototcotic ta scuenta sch'uhunel te Cristo, ma ha'uc ta scuenta spasel bin ya yal te Ley, como mayuc mach'a toj ya x'ilot yu'un Dios ta scuenta spasel bin ya yal te Ley.

Romanos 3:20

como mayuc jtuhluc ya xhalbot te toj ta stojol Dios ta scuenta spasel te bin ya yal te Ley, como ta scuenta te Ley ya yac' ta na'el te ay mulil.

1 Pedro 2:10

Ta nahil to ma pueblohuquex yu'un Dios, pero yo'tic pueblohexix yu'un te Diose; ta namey tal mayuquex ta c'uxultayel, pero yo'tic awich'ojiquix c'uxultayel.

Efesios 4:23

ach'ubenuc me apensaric,

Romanos 3:28

Como ya caltic te ha halbil te toj te ants-winic ta scuenta sch'uhunel yo'tan, ma ha'uc ta scuenta spasel bin ya yal te Ley.

Romanos 9:11

C'alal ma to ba ayinemic a, ma to spasojic a te bin lec o te bin ma lecuc, (scuenta yu'un ya xc'oht ta pasel te bin schapoj Dios te ha tsahbil ya xc'oht yu'un, ma ha'uc ta scuenta ya'telic, ha ta scuenta te iq'uel yu'une),

San Lucas 1:78

ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

San Lucas 1:54

La scoltay te Israel te a'bat yu'une, la to sna' te ya sc'uxultay

San Lucas 1:50

soc te sc'uxul yo'tan ya xc'oht ta stojol te cajalcaj mach'atic ya yich'ic ta muc'!

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Salmos 143:2

Ma me xawic' tal ta chahpanel te a'bat awu'un, como mayuc jtuhluc te toj ta atojol.

Salmos 130:7

Israel, ac'a smuc'ulin awo'tan te Jehová, como ay c'uxultayel yu'un, soc jc'axel ya x'ac'awan ta libre stuquel.

Job 25:4

Ha yu'un ¿bin ut'il ya xhu' ya xhalbot te toj yo'tan ta stojol Dios te winique? ¿Bin ut'il c'an lecuc yo'tan te mach'a ayintesot yu'un ants?

Tito 3:4

Pero te c'alal chicnaj te lec yo'tan soc te sc'uxul yo'tan Dios, te Jcoltaywanej cu'untic, ta stojol spisil ants-winiquetic,

Romanos 9:30

¿Bin ya caltiquix yu'un a hiche? Te jyanlumetic te ma ba la st'unic bin ut'il toj ya xc'ohtic ta stojol Dios, la stahic, ha te toj ya xc'ohtic ta stojol Dios ta scuenta sch'uhunel-o'tanil;

Romanos 9:16

Ha yu'un ma ha'uc chican te mach'a ya sc'an o te ya yo'tantay, ha chican te sc'uxul yo'tan te Diose,

Romanos 4:5

Yan te mach'a ma x'a'tej, teme ya sch'uhun te Mach'a ya yal te ha toj te mach'a chopole, hich ya x'ilot te toj ay ta scuenta sch'uhunel yo'tan.

San Lucas 1:72

yu'un ya sc'uxultay te jme'jtatic, soc yu'un sna'el te ch'ul chapbil-c'op yu'une,

Isaías 57:12

Ya jpuc ta halel te ma lecuc te bintic toj yac apas ta ac'op soc te awa'tele, te mayuc bin ya scoltayat a.

Hebreos 6:6

teme ya xcha'yahlic, ma xhu'ix ta suhtesbeyel yo'tanic, como ha'ic nix la scha'aq'uic xan ta lajel ta cruz te Snich'an Dios soc la yaq'uic xan ta labanel ta comonsitil.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Salmos 62:12

soc ha'at awu'un, Cajwal, te c'uxultaywanej. Ta jujutuhl yac awa'be stojol sc'abic, ha chican bin yilel te ya'telique. Salmo yu'un David te c'alal ay ta jochol taquin q'uinal yu'un Judá.

Job 15:14

¿Bin a te winic, te lec ya xhu' ya xc'oht, te ya xhalbot mayuc smul te mach'a ya x'ayintesot yu'un ants?

Job 9:20

Teme ya cal te tojon ta winiquil, ha nix te que ya yal te ay jmul; aunque lecon ta winiquil, ha me ya yal te jtahoj jmul.

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

Romanos 11:14

scuenta yu'un ayuc bin ut'il ya cac' hahchuc yo'tanic te mach'atic jun jts'umbal soc, te hich ayuc mach'atic ya xcolic a,

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.