Tito 3:2 - Bible in Tzeltal Bachajón

² Ma me ayuc mach'a ya sbohlobtesbeyic sc'oblal, soc ma me xya'iyic hach-c'op, ayuc me yutsil yo'tanic, yacuc yaq'uic ta ilel te manso yo'tanic ta stojol spisil ants-winiquetic.

Nuevo Testamento Tzeltal de Amatenango

² Ma me ayuk machꞌa ma lek ya yalbe skꞌoplal. Ma me yauk slijkesik kꞌop. Ayuk slekil yoꞌtanik. A me yakꞌik ta ilel te kꞌun yoꞌtanik te tut ya spasik sok te genteetike.

Bible in Tzeltal de Oxchuc y Tenejapa

² Ma me ayuc mach'a ya sboltesbeyic sc'oplal jtuluc. Ma me smulanic xjajch'esel c'op. Ayuc me yutsil yo'tanic ta stojol te ants-winiquetic te peq'uel yac'oj sbaique.

Tito 3:2 Referans Kwoze

Efesios 4:31

Jc'axel hiluc awu'unic spisil lablab-o'tantaywanej, c'ahc'ubel, ilimba, utaw, ixta'c'op, soc spisil bintic chopol.

Efesios 4:2

Peq'ueluc me xawac' abahic, lamaluc me awo'tanic, talel c'axel cuhchuc awu'unic ta scuenta sc'uxul awo'tanic,

1 Timoteo 3:3

ma xyacub, lec yo'tan, ma orahuc ya x'ilin, lamaluc yo'tan soc ma xbic'taj yo'tan yu'un c'uhlejalil.

1 Pedro 3:10

como hich ya yal: Te mach'a ya sc'an ya sc'uxultay te scuxlejal soc te ya yil te lec ya xc'ax jujun c'ahc'al yu'un, ac'a scom ye ta yalel bin chopol, soc ma me xloc' lo'loywanej ta ye.

1 Pedro 3:8

Ta scuenta slajibal, junuc me awo'tan abahic ta apisilic, na'a yo'bolil abahic, c'ux me xawa'iy abahic te bin ut'il awermano abahic, a'iyahic c'uxultaywanej soc peq'uel me xawac' abahic.

Santiago 4:11

Quermanotac, ma me talel c'axeluc xawalbe abahic bin chopol. Te mach'a ya yalbe bin chopol te yermano o ya yich' ta c'op, ha ya yalbe chopol sc'oblal te Ley soc ha ya yich' ta c'op. Teme ha'at yac awich' ta c'op te Ley, ma ba yac apas te bin ya yal te Ley, ha jchahpanwanejat yu'un ya xc'ohat.

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

San Mateo 11:29

Ich'bonic te yugo cu'un soc nopbonic co'tan, como manso soc peq'uel co'tan, hich yac atahic cux-o'tanil yu'un ach'uhlelic a,

1 Pedro 2:1

Ha yu'un jc'axel me ac'a hiluc awu'unic spisil bintic chopol, lo'loyel, chebal-o'tanil, ti'ti'o'tantaywanej, soc spisil lehaw ta c'op.

Santiago 3:17

Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

Gálatas 6:10

Ha yu'un, ha chican ban c'alal ya xhu' cu'untic, ac'a jpastic te bin lec ta pasel ta stojol spisil yantic, soc c'ax hich a ta stojol te mach'atic pajal ay sch'uhunel co'tantic soque.

2 Samuel 22:36

La awa'bon te smahquil te colel awu'un, te yutsil awo'tan la smuc'ubtesbon jc'oblal.

Gálatas 6:1

Quermanotac, teme ay mach'a la sta smul, ha'ex te cuentahimbilex yu'un te Espíritu ya me acha'sutic xan tal soc slamalil awo'tanic, pero ya me atsahtay aba, te manchuc ha'at nix yac atahic sujel ta mulil.

1 Timoteo 3:11

Ha nix hich te antsetic, ya sc'an te lec sc'oblalic, ma xlehawanic ta c'op, ya sc'an ya sna'ic stsahtayel sbahic soc jun yo'tanic ta stojol spisil bintic ay ta scuentahic spasele.

1 Tesalonicenses 2:7

Pero la jc'uxultayexcotic, hich te bin ut'il nanil ya sc'uxultay yalatac.

Filipenses 4:5

Ac'a chicnajuc ta comonsitil te slequil awo'tanique. Nopol ya xtal te Cajwaltique.

1 Corintios 9:19

Ha yu'un, aunque libre ayon ta stojol spisilic, cac'oj jba ta a'batinel yu'un spisilic scuenta yu'un bayel xan mach'atic ya sch'uhunic a te Cristo.

Salmos 140:11

Ma me xhalaj ta q'uinal te mach'a chopol ya xc'opoj; ac'a yich' nutsel yu'un te bin chopol te mach'a ya x'uts'inwan.

2 Corintios 12:20

Ya jxi' te c'alal ya xc'ohon ma hichuc ya jtahex te bin ut'il ya jc'an, soc ma hichuc yac atahonic te bin ut'il yac ac'anique. Ya jxi' te ay wan c'op ta awohlilic, o il-o'tantaywanej, ilimba, jatamba, hach-c'op, le-c'op, toybahil soc ma ba ich'apastay.

2 Corintios 10:1

Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

Hechos 23:5

La sjac' te Pablo: Quermanotac, ma ba jna'oj teme ha te muc'ul sacerdote; como hich ts'ihbabil: Ma me xawixta'c'optay te mach'a yich'oj ya'tel ta alumal, xchi.

Proverbios 25:24

Ha lec xan te nahinel ta xuhc ba na te bin ut'il sjoquinel ta muc'ul na te ants te bayel ya x'utawan.

Proverbios 6:19

te lotil testigo te ma meleluc bin ya yal, soc te mach'a ya shach c'op ta stojol yermanotac.

Judas 1:10

Pero te winiquetic ini ya yixta'c'optayic te bintic ma sna'beyic scuentahil; soc te bintic stalel ay ta na'el yu'unic, ya sbohlobtes sbahic a, hich te bin ut'il chambahlametic te ma sna'ic q'uinal.

Judas 1:8

Ha nix hich ya sbohlobtes sbaq'uetalic te jwaychijeletic ini, ya sp'ajic te mach'atic ay ya'telic, soc ya sbohlc'optayic mach'atic ay yu'elic.

2 Pedro 2:10

soc c'ax hich a te mach'atic ya st'unic te bintic chopol ya sc'an te sbaq'uetal soc ya sp'ajic te ya xcuentahinotique. Tulan yo'tanic soc biluc ya slomic ta pasel, ma xiwic te ya yixta'c'optayic te mach'atic tulan ya'telic ta ch'ulchan.

1 Pedro 4:4

Jchahp ya ya'iyic a te ma ba yac ajoquinic ta spasel te biluc nax mulil ya smulanic spasele, ya slabanex yu'un.

1 Corintios 6:10

j'eleq'uetic, mach'atic ay st'ut'ilic, jyacubeletic, j'ixta'c'opetic, jlo'loyej-biluquetic, ha'ic ini ma ba ya x'a'bot yich'ic te cuentahinel yu'un Dios.

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Proverbios 19:19

Te mach'a bayel ya x'ilin, ya me yich' castigo yu'un; teme yac acoltay ta castigo, yac awac' te chopol xan ya xc'oht.