Tito 2:8 - Bible in Tzeltal Bachajón

⁸ soc lequil c'op xawal te ma xhu' ta contrahinel, scuenta yu'un ya sta q'uexlal a te acontra soc ma xweht bin chopol ya yalbotic jc'oblaltic.

Nuevo Testamento Tzeltal de Amatenango

⁸ Jaꞌ me xꞌawal te lekil kꞌop te maꞌyuk machꞌa ya xjuꞌ ya skome. Jich me ya sta kꞌexlal machꞌauk a te ya xlijk skontrainate, yuꞌun ma spas ay tut ma lek ya yalbeyate.

Bible in Tzeltal de Oxchuc y Tenejapa

⁸ Ja' me xawal te lequil c'op te ma xju' ta controinele. Tey me ya xq'uexawic a te mach'atic ya scontroinexe, te melel ma xwejt' yu'unic te bila ya yac'beyex amulinique.

Tito 2:8 Referans Kwoze

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

1 Pedro 2:15

Como ha ya sc'an te Dios te yac apasic te bin lec scuenta yu'un hich yac amacbeyic ye a te mach'atic ma sna'ic q'uinal.

1 Pedro 3:16

Lecuc me bin ya yalbat awo'tan, scuenta yu'un ya xq'uexawic te mach'atic chopol bin ya yalbeyic sc'oblal te bintic lec yac apasic te bin ut'il yu'unex Cristo.

1 Timoteo 6:3

Teme ay mach'a yan bin ya yac' ta nopel, te ma pajaluc soc te lequil c'opetic yu'un te Cajwaltic Jesucristo soc te nohptesel bin ut'il toj ta ch'uhunel te Diose,

2 Tesalonicenses 3:14

Teme ay mach'a ma ba ya sch'uhun spasel te bin ya calcotic ta scuenta te carta ini, na'beyahic sba mach'a a soc ma me xajoquinic, scuenta yu'un hich ya xq'uexawan a.

Nehemías 5:9

Hich la jcal xan: Ma lecuc te bin yacalex ta spasele. ¿Ma bal ha'uc lec te ya xbehenex ta scuenta yich'el ta muc' te Dios cu'untic, scuenta yu'un ma ba ya quich'tic labanel yu'un te yantic nacionetic te ha jcontratique?

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

1 Timoteo 5:14

Ha yu'un ya jc'an te ya xnuhpunic te me'ba' antsetic te peq'uel to ya'bilalic, ac'a scoltes yalataquic, ac'a scuentahin snahic, hich ma xweht te bin chopol ya yal yu'un te contra,

San Lucas 13:17

Te c'alal hich la yal, q'uexawic spisil te scontratac; pero spisil te ants-winiquetic tse'el yo'tanic yu'un spisil yutsil ya'tel te Jesús.

San Marcos 12:34

Ha yu'un te Jesús, c'alal la yil te lec la sjac' te winic, hich la yalbe: Ma ba namal ayat te banti ay te cuentahinel yu'un te Diose, xchi. Mayuquix yan mach'a ay bin la sjoc'obe xan.

San Marcos 12:32

Hich la yal yu'un te escribano: Lec ay, Maestro, melel te bin la awal te jtuhl nax Dios ay, mayuc yan;

San Marcos 12:28

Ay jtuhl escribano nohpoj tal, la ya'iy te bin la yalbe sbahic, la sna' te lec la sjac' te Jesús, ha yu'un hich la sjoc'obe: Ta spisil te mandariletic, ¿banti ay te mero tulan sc'oblale? xchi.

San Marcos 12:17

La sjac' te Jesús: A'beyahic César te bintic yu'un César, soc a'beyahic Dios te bintic yu'un Dios, xchi. Xcham yo'tanic yu'un.

Tito 3:14

Te mach'atic pajal jch'uhunejtic Dios soc ya sc'an ya snopic spasel lequil a'teliletic ta stojol te mach'atic ay falta yu'unic, scuenta yu'un hich ay scuentahil te scuxlejalique.