Tito 2:7 - Bible in Tzeltal Bachajón

⁷ Ta spisil ac'a ta ilel ta yohlilic te bin lec ta pasele. C'alal yac awa'iy p'ijubteswanej ac'a ta ilel te jun ay te awo'tan, te ay sc'oblal ta awo'tan,

Nuevo Testamento Tzeltal de Amatenango

⁷ Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

Bible in Tzeltal de Oxchuc y Tenejapa

⁷ Soc te ja'ate ac'a me ta ilel lequil ejemplo ta swenta te lequil at'elile. Te c'alal ya ap'ijubtese, ts'acal me xawal, soc bayaluc me sc'oplal ta awo'tan.

Tito 2:7 Referans Kwoze

1 Pedro 5:3

Ma me xacuy abahic ta ajwalil ta stojol te mach'atic ayic ta acuentahic, ha me xawa'beyic yil ta scuenta te bintic yac apasique.

1 Timoteo 4:12

Ma me ayuc mach'a ma xyich'at ta cuenta yu'un te jcolel winicat, a'beya yilic bin lec ta pasel te mach'atic ya sch'uhunic, a'beya yilic ta scuenta ac'op, atalel, sc'uxul awo'tan, sch'uhunel awo'tan soc te ma x'ana' slehel mulil.

Filipenses 1:10

scuenta yu'un hich yac atsahic a te bin lec, scuenta yu'un mayuc awa'baquilic soc mayuc bin quechel ta acuentahic a ta yorahil sc'ahc'alel te Cristo,

2 Corintios 4:2

Ha hilix cu'uncotic te bin muquen ay ta pasel soc te bintic q'uexlaltic sba, ma ba ya ca'iycotic lo'loywanej soc ma ba ya jyanijtesbecotic sc'oblal te sc'op Dios. Yan bin ya jpascotic, te bin ut'il jamal ya cac'cotic ta ilel te bin smelelil, ta stojol Dios ya cac' jbahcotic ta na'el ta yo'tanic spisil ants-winiquetic.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

2 Tesalonicenses 3:9

Ma yu'unuc te ma xhu' te hich ya jpascotic, ha nax la jpascotic yu'un te hich la jca'beyexcotic awilic yu'un hich yac anopbotcotic co'tancotic a.

Efesios 6:24

Ac'a c'ohtuc te yutsil yo'tan Dios ta stojol spisil mach'atic c'ux ta yo'tanic te Cajwaltic Jesucristo soc sc'uxul-o'tanil te ma xch'aye. Hichuc.

2 Corintios 2:17

Te ho'otcotic ma hichuc ayotcotic te bin ut'il tsobolic te ya schonic te sc'op Dios scuenta spasel ganar; ho'otcotic smelelil ya xc'opojotcotic ta stojol Dios ta scuenta Cristo, te bin ut'il ticombilotcotic yu'un Dios.

2 Corintios 8:8

Ma yu'unuc ya jpasex ta mandar, ha nax ya jtsajex teme melel ay sc'uxul awo'tanic, teme pajal ay soc te yantique.

1 Timoteo 5:10

te lec sc'oblal yu'un te lec ya'tel: ha teme ay scoltesej yalatac, teme bayel yutsil yo'tan ya x'otseswan ta sna, teme ay la spocticlambe yoc mach'atic ch'uhltesbilic, teme ay la sc'uxultaylan mach'atic ay swocolic, teme ya'telinej spasel spisil lequil a'teliletic.

Tito 3:8

Ha stojil c'op ini, soc ya jc'an te tulan sc'oblal yac awa'be sna'ic, scuenta yu'un te mach'atic sch'uhunejic Dios ya me ya'telinic spasel lequil a'teliletic, te ha lec soc te ya xtuhun yu'un te ants-winiquetique.