Tito 2:6 - Bible in Tzeltal Bachajón

⁶ Ha nix hich ya me atsits te queremetic te yacuc stsahtay sbahic.

Nuevo Testamento Tzeltal de Amatenango

⁶ Jich mismo ya atsits te bikꞌtal kermetike te ayuk spꞌijilik euk yuꞌun stsael te tut leke.

Bible in Tzeltal de Oxchuc y Tenejapa

⁶ Ja' nanix jich ya sc'an ya atac'uy uuc te muc'ul queremetic te ma xjelawic uuque.

Tito 2:6 Referans Kwoze

Eclesiastés 12:1

Na'a me te Jpaswanej awu'un ta yorahil te jcolel al-nich'anat, te c'alal ma to ba stahoj sc'ahc'alel wocol, soc te ya xc'oht yorahil te hich yac awal: Mayuc yutsilal ya ca'iy, te xchihate;

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

1 Juan 2:13

Ha'ex tatiletic, ya jts'ihbabeyex como yac ana'beyic sba te Mach'a stalel ay ta shahchibal. Ha'ex ach'ix queremetic, ya jts'ihbabeyex como atsalojiquix te mach'a chopole. Ha'ex alaletic, ya jts'ihbabeyex como ana'beyejiquix sba te Tatile.

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

Joel 2:28

Ta patil ya jmal cohel te Espíritu cu'un ta stojol spisil ants-winiquetic, ya me yalic sc'op-jalwanej te aquerem-nich'nabic soc te awantsil-nich'nabic; te mamaletic awu'unic ay bin ya swayichtayic, soc te queremetic awu'unic ya me yilic nahalsitiletic.

1 Timoteo 5:1

Ma me xatij ta c'op te mamal, hichuc yac atsits bin ut'il atat; te mach'a queremetic, hichuc me ta awo'tan te bin ut'il awihts'inabe;

Salmos 148:12

queremetic soc ach'ixetic, mamaletic soc alaletic.

Job 29:8

C'alal la yilonic te jcolel-winiquetic, la sc'al sbahic ta jtojol, soc la stehc'an sbahic ta jtojol te mamaletic;

1 Tesalonicenses 5:6

Ha yu'un ma me xwayotic hich te bin ut'il te yantique, wiq'uiluc me jsitic soc p'ijuc me x'ayinotic.