Tito 2:2 - Bible in Tzeltal Bachajón

² Te mamaletic ya sc'an ya stsahtay yo'tanic, te ya x'ich'awanic ta cuenta, ya stsahtay sbahic, te ay lec sch'uhunel yo'tanic, te ay sc'uxul yo'tanic soc te ya xcuhch yu'unic spisil.

Nuevo Testamento Tzeltal de Amatenango

² Te ansianoetike ya skꞌan te kuidado ayike, y te lek te skuxlejalike, sok te ya snaꞌik stsael te tut leke. Ya skꞌan te ayuk lek te xchꞌuunel yoꞌtanike, y sok te xkꞌuxul yoꞌtanike, sok te ay yip yoꞌtanik yuꞌun ya xkujch te wokole.

Bible in Tzeltal de Oxchuc y Tenejapa

² Te jtatiquetique ya sc'an ya sna' stsajtayel yo'tanic, soc te lec yo'tanique, soc te ma xjelawique. Ya sc'an te ay lec xch'uunjel yo'tanic soc xc'uxul yo'tanic, soc te ya sts'ijc' yu'unique.

Tito 2:2 Referans Kwoze

Gálatas 5:23

manso-o'tanil, soc ya xhu' yu'un scomel sba; mayuc ley te ya scontrahinlan ini.

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

1 Timoteo 3:11

Ha nix hich te antsetic, ya sc'an te lec sc'oblalic, ma xlehawanic ta c'op, ya sc'an ya sna'ic stsahtayel sbahic soc jun yo'tanic ta stojol spisil bintic ay ta scuentahic spasele.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Tito 1:13

Melel nix a te bin halbil sc'oblalique. Ha yu'un tulan me xatsits, scuenta yu'un lecuc me te sch'uhunel yo'tanic

1 Timoteo 3:2

Te anciano ya sc'an te mayuc bin ya sutot ta c'op yu'un, te jtuhl nax yihnam, ya stsahtay sba, ya xhu' scombel sba, lec stalel, ya x'otseswan ta sna, ya xhu' yu'un p'ijubteswanej,

Proverbios 16:31

Te mach'a saquix sjol ha scorona te ich'el ta muc'; ay ta tahel ta scuenta spasel te bin toj.

1 Tesalonicenses 5:8

Yan te ho'otic te yu'unotic te c'ahc'alel, p'ijuc me x'ayinotic, ac'a jlaptic te smahquil jtahntic, ha te sch'uhunel co'tantic soc te sc'uxul co'tantic, soc ac'a jlaptic te smahquil joltic, ha te smuc'ul co'tantic yu'un te colele.

Romanos 12:3

Ta scuenta te bin a'bilon yu'un Dios, ya calbeyex ta apisilic te ma me c'ax hich muc' yac acuy abahic a te bin ut'il ya sc'ane, yich'ojuc me scuentahil te yac ap'is abahic, ha chican hich smuc'ul sch'uhunel awo'tan a'botex yu'un Dios ta jujutuhlex.

Job 12:12

Ay sp'ijil-o'tanil ta yohlil te mamaletic; soc ay snopojibal ta banti ay te mach'a bayel ya'bilal.

Levítico 19:32

Ya me atehc'an aba ta stojol te mach'a saquix sjol, ya me awich' ta muc' te me'el mamal; soc ya me axi' te Dios awu'une. Ho'on, Jehovahon.

1 Pedro 1:13

Ha yu'un chahpana me apensaric; tsahtaya me abahic, ac'a smuc'ulin awo'tanic te yutsil-o'tanil yac awich'ic te c'alal ya xchicnaj tal te Jesucristo.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

Salmos 92:14

Ya to sitin aunque mamalix, ay me yipic soc stalel yaxic,

2 Pedro 1:6

teme ay bintic ana'ojic, ya sc'an te yac ana' scomel abahic; teme la ana' scomel abahic, ya sc'an te ya xcuhch awu'unic; teme ya xcuhchix awu'unic, ya sc'an te lec yac ach'uhunic Dios;

Tito 2:7

Ta spisil ac'a ta ilel ta yohlilic te bin lec ta pasele. C'alal yac awa'iy p'ijubteswanej ac'a ta ilel te jun ay te awo'tan, te ay sc'oblal ta awo'tan,

Tito 1:8

Ha ya sc'an te ya x'otseswan ta sna, te c'ux ta yo'tan te bin lec, te ya stsahtay sba, toj yo'tan, ch'ultesbil, soc ya xhu' scomel sba.

1 Timoteo 3:4

Ya sc'an te sbehlal ya scuentahin mach'atic ay yu'un ta sna, te ya xch'uhumbot smandar yu'un te yal-snich'nab soc ich'bil ta cuenta yu'unic.

1 Timoteo 1:5

Te bin scuentahil te mandar ini ha te c'uxul-o'tanil te hahchem tal ta o'tanil te mayuc yabacul, ta o'tanil te mayuc bin ya yal yu'un, soc ta sch'uhunel-o'tanil te melel ay.

1 Tesalonicenses 5:6

Ha yu'un ma me xwayotic hich te bin ut'il te yantique, wiq'uiluc me jsitic soc p'ijuc me x'ayinotic.

Filipenses 4:8

Ta slajibal, quermanotac, spisil te bin smelelil, te bin lec sc'oblal, te bin stojil, te bin mayuc ya'baquil, te bin t'ujbil, te bin lec sc'oblal; teme ay bin t'ujbil ta pasel, teme ay bin ya xhalbot yutsil sc'oblale, ha me xana'ulanic.

2 Corintios 5:13

Teme sohquem jolcotic, ha ta scuenta Dios; teme lec te jpensarcotic, ha'ex me ta acuentahic.

1 Corintios 9:25

Spisil te mach'atic ya ya'iyic tsaltamba bayel ya stsahtay sba; hich ya spasic scuenta yu'un ya yich'ic te corona te ya xlaj, pero te ho'otic ya jpastic scuenta yu'un ya quich'tic te corona te ma xlaje.

Hechos 24:25

Pero te c'alal halbot yu'un te Pablo bin ut'il ay te toj-o'tanil, te bin ut'il ya scom sba, soc bin ut'il ay sc'oblal te ich'el ta c'op te ya xtale, xiw yo'tan yu'un te Félix, hich la yalbe: Bahanix, c'alal ay tiempo cu'un ya jticonat xan ta iq'uel, xchi.

San Lucas 8:35

Te ants-winiquetic loq'uic tal ta yilel te bin c'ohtix ta pasele. C'alal c'ohtic ta banti ay te Jesús, huculix ta ye'tal yoc Jesús a c'oht stahic te winic te loc' pucujetic ta yo'tan, slapojix sc'u' a, ya sna'ix q'uinal; xiwic yu'un.

San Marcos 5:15

C'alal c'ohtic ta banti ay te Jesús, la yilic te winic te ay tsobol pucuj ta yo'tan, huculix, slapojix sc'u' spac', soc ya sna'ix q'uinal; hich xiwic yu'un.

Isaías 65:20

Ma me ayuquix alal te jun cheb nax c'ahc'al ya xcuxaj, soc ma me ayuquix mamal te ma ba ya sts'acay yorahil; como ya xcuyot ta alal to teme ya xcham ta ho'winic (100) ya'bilal, soc te mach'a ma sta ho'winic (100) ya'bilal ya xcuyot ta ma lecuc sc'oblal.

1 Timoteo 3:8

Ha nix hich te diáconohetic, ya sc'an te lec sc'oblalic, smelelil bin ya yalic, ma sna'ic yacubel, soc ma xbic'taj yo'tanic yu'un slehel taq'uin te ma stojiluc;

1 Timoteo 1:2

ta stojol Timoteo, te mero jnich'an ta scuenta sch'uhunel-o'tanil: Ayuc me awu'un yutsil-o'tanil, sc'uxul-o'tanil soc lamal q'uinal yu'un te Jtatic Dios soc te Cajwaltic Cristo Jesús.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

1 Timoteo 1:14

C'ax bayel yutsil yo'tan te Cajwaltic c'oht ta jtojol soc sch'uhunel-o'tanil soc sc'uxul-o'tanil te ayic ta stojol te Cristo Jesús.

1 Timoteo 5:1

Ma me xatij ta c'op te mamal, hichuc yac atsits bin ut'il atat; te mach'a queremetic, hichuc me ta awo'tan te bin ut'il awihts'inabe;

Filemón 1:9

ya calbat wocol ta scuenta sc'uxul awo'tan, ho'on, Pablohon, te mamalonix soc te ayon ta chuquel ta ora ini ta scuenta te Jesucristo.